梅菜蒸鯇魚 + 蒜蓉炒豆苗 ( 11-DEC-2010 )

( 11-DEC-2010  SAT )

今朝早咗出門口呀   所以就同里奧大人一齊食早餐先番工喇 ~

星期六番工   其實真係有嘢做都無 Mood 做   不過算啦   依家近近哋當去圖書館上網啦 ~  

放工諗住番屋企等食 Tea   點知里奧大人打嚟話好鬼餓   咁我話去飲茶啦   佢原來都想飲茶   咁就去咗海寶漁港試下喇   1 點半去到   都唔等 2 點下午茶時間先叫嘢食咯   我唔多 Like 喺酒樓咁耐㗎 ~

一坐低里奧大人就剔點心   蝦餃燒賣同山竹牛肉呢啲   男人真係只食飽肚嘢   我其實未餓   但都覺得啲點心都好好味   下次會再去呢 ~ 

帶子炸雲吞 / 素菜野菌餃 / 蝦餃 / 蟹籽燒賣 / 山竹牛肉球 / 馬拉糕 / 冰鎮鵝掌翼

飽到反肚   我就去街市買餸喇   番到屋企再抹廚房 + 拖地 + 熨衫   做好哂所有家務   咁聽日就可以好 Hea 咁過喇 ~

是日懶餐 - 梅菜蒸鯇魚 + 蒜蓉炒豆苗

梅菜蒸鯇魚 - 里奧大人話想食梅菜   所以就整梅菜啦 ~ 

蒜蓉炒豆苗 - 街市 $7 半斤   我覺得好抵呀   因為超市 1 Pack 都 $1x   所以我買咗 1 斤喇    我好鍾意食豆苗㗎   同埋唔係成日都有得食   所以有得買就好買喇 ~