大快活 (外賣) ( 6-OCT-2011 )

( 6-OCT-2011  THU )

連放 5 日假   今朝起身仲諗緊係咪要番工添   可能連續幾日都有街去   所以好鬼攰   想再放假咁囉 ~

好似好耐無食港式早餐咁呀   所以食芝士吞拿魚治烘底 + 凍咖啡   覺得好好味咁呀 ~

好忙呀   不過真係好鍾意忙嘅感覺   但唔知點解差唔多 11 點嘅時候個胃就超級勁痛囉 ~

一早講好今日請 8 卦食生日飯   佢都幾好㗎   請佢食貴嘅又話唔好   最後又話想食粉麵   不過我都話想食粥囉   對個胃會好啲 ~

番到菇場個胃痛到呢   想即走呀   不過又頭暈又嘔   都係喺菇場度穩陣啲   我係咁瞓呀   醒咗又痛   又要瞓下   飲啖暖水都想嘔呀   呢啲感覺真係好辛苦   本來今晚去媽咪屋企食飯都去唔到喇   放工拿拿聲搭的士番屋企 ~

喺屋企瞓咗陣個胃就無再痛喇   再沖個熱水涼   個人就精神好多囉   諗諗下可能依家唔受得咖啡   之前食米線嘅時候又係飲凍咖啡   飲完又係勁想嘔   仲以為當時飽得滯添   唉   都係戒咖啡算喇   最多里奧大人飲嘅時候黐番啖飲   過下心癮嘛 ~

今晚叫里奧大人喺大陸快啲走   因為我唔舒服想快啲食嘢同休息囉 ~

勁想食肉醬意粉   好在有番啲胃口   最怕三更半夜餓醒呢 ~