越棧 @ 九龍灣 ( 13-OCT-2014 )

( 13-OCT-2014  MON )

尋晚真係瞓唔到呀   喺床攣嚟攣去   差唔多 1 點先瞓到   仲要發好多夢添   我覺得好似無瞓過咁呀 ~

不過今朝好開心啦   因為里奧大人同我一齊食早餐   之後佢就去 Fair ~

忙呀   好在忙咗 1 個鐘   之後可以抖下   因為真係勁眼瞓囉 ~

Lunch Time 又未餓   所以出去行陣   再買炒米粉番菇場食 ~

2 點浸會醫院打蹳 Confirm 手術日期同時間   之後開始有啲緊張喇   哈哈 ~

放工即走喇   去燒臘舖睇下有無得買燒排骨   有得買就煮   無得買就唔煮   不過係無得買嘅   咁都好   因為我個胃好痛呀 ~

好感恩呀   里奧大人 6 點可以走人   咁可以早啲食飯呢 ~

咁我番屋企休息下先   差唔多 7 點就落停車場等家姐   佢又煲咗青紅蘿蔔湯   所以比啲我   我同佢講好似呢幾日成日都見到佢咁   哈哈 ~

番屋企擺低啲湯   之後去越棧喇   坐低無耐   里奧大人都到 lu ~

無咩胃口   個胃又痛   可能真係緊張呀   之後叫里奧大人陪我去百佳買朱古力甜筒   食甜嘢會開心啲 ~

同佢行陣商場   佢見到件 Devil 衫   話好似我   我話即係咒我死啦   佢話唔係呀   係話妳有魔鬼身材呀   哈哈   黐鬼線 ~

沖完涼就開機洗衫   之後熨衫   我要喺入院前洗哂熨哂啲衫   因為里奧大人探完我   番到屋企都無時間做啦   同埋我都唔想佢做  頻頻樸樸好辛苦 ~

搞掂哂就睇電視   食完朱古力甜筒呢   個人真係無咁緊張咁噃   咁好啦   切個蘋果比里奧大人食   之後佢問我食咗甜筒未 ?!   好少聽佢問我食咗零食未架   佢都應該知我好緊張呢   算佢啦   記得我講嘅嘢 ~

抖陣就執埋哂入院嘅嘢   再睇多陣電視   11 點幾就瞓喇   好攰 ~