扒芝士肉鬆三文治 + 蕃茄薯仔瘦肉湯 ( 11-FEB-2018 )

我就咁一塊芝士都已經好味道     





( 11-FEB-2018  SUN )

尋晚講咗今日唔番教會喇   因為好似每月一到咁   想瞓耐啲 ~

瞓到 11 點都自然醒   即刻去食早餐 lu ~

之後我去買餸   番到屋企再執衣櫃   搞掂就沖涼休息喇 ~

里奧大人部電腦要換 Parts   所以做唔到公司嘢   咁睇番之前買嘅雜誌啦 ~

我個肚又起咗 2 個小水泡   其實都知出事   尋晚瞓覺都辣醒咗   係比個暖水袋邊邊位辣到   我已經無攬住暖水袋瞓   所以我依家瞓覺實會拎開佢   但尋晚攰得滯   又無諗過自己咁快瞓到   所以就辣傷咗 ~

即同里奧大人講啦   佢即刻幫我處理個水泡   今次好快處理好   哈哈 ~

今日輪到佢自己染頭髮   不過我唔會幫佢   等佢自己搞掂 ~

佢 2 點半瞓到 3 點   一起身就話要食下午茶 ~





食完就去買麵包同牛油   之後都番屋企 lu ~

里奧大人問家姐借番部電腦   所以 4 點幾就同家姐交收   咁啱我買咗排骨又唔想煮   咁順便比埋佢喇   呵呵 ~

里奧大人見我一齊落樓   話妳落去呀 ?!   家姐一嚟到見到我   又話妳又會落嚟嘅 ?!   我話做咩妳哋兩個都咁出奇嘅 ?!   可能佢哋兩個自己電話約   以為我要喺屋企休息唔落樓啦   哈哈 ~

5 點幾開始滾湯   蕃茄利尿嘛   所以要早啲飲 ~ 

咁我話食湯渣就夠   所以 7 點半先再整三文治比里奧大人食呢 ~

是日懶餐 - 扒芝士肉鬆三文治 + 蕃茄薯仔瘦肉湯

扒芝士肉鬆三文治 - 我唔煮飯   但又想煮嘢比里奧大人食   所以就整呢個三文治喇 ~

蕃茄薯仔瘦肉湯 - 4 個蕃茄 + 1 個薯仔 + $10 瘦肉   今次所有嘢都去另一檔買㗎   估唔到十分好味道   勁開心呀 ~

洗埋嘢都 8 點幾   即沖涼喇 ~

睇多陣電視   10 點幾都自己瞓先 lu ~