韓式炸豬腩 + 鹹肉糭 ( 25-JUN-2018 )

影完相之後就剪哂啲黑邊   哈哈哈哈   激死





( 25-JUN-2018  MON )

尋晚瞓得勁差   不過都預咗呢 ~

早餐食奶醬多   有時見啲人食淨水餃   咁 8 卦話食呢啲反而無沙牛麵咁肥   又話唔好睇奶醬多咁細件   啲醬好肥   之後我話肥夠未呢下 ?!

菇場唔太忙   但老闆娘個新人番咗來   我都唔上網住喇   唔係一陣問點解我可以上網就煩   哈哈 ~

今日下半晝要 Off 等師傅換廁所水龍頭   但唔見西瓜   真係嚇死   好在佢 10 點番來   咁我即請假喇 ~

終於清哂啲煩嘢   放工即走 ~

買埋飯先番屋企   其實唔太餓   不過今日體力勞動   所以要食飯 ~



師傅未到 2 點就到喇   15 分鐘搞掂   之後到我抹屋喇 ~

呢排成日有啲一隻隻嘢   所以今日決定大剿滅佢哋   唔係佢死就係我亡   哈哈 ~

阿 mi 教我用工業消毒火酒   所以朝早喺五金行買咗支   啤酒樽 Size 就 $12   仲有係 1 加侖 Size 㗎   不過唔需要咁多囉 ~

抹呀抹   一氣呵成清潔哂   之後有啲想嘔   要抖陣先再執番好啲嘢 ~

5 點半終於搞掂哂間屋   抖陣就即沖涼啦   前所未有出過咁多汗   全件衫係濕哂 ~

里奧大人 6 點 15 分放工   咁我都預備晚餐喇 ~

翻熱啲隔夜湯   之後我拎開張櫈啦   頂   見到隻反肚巨強   嚇到我即退後幾步   佢仲要瞓喺我支殺他死隔離   咁我唔等里奧大人番嚟執啦   無理由隻死強瞓喺我隔離陪住我煮飯家嘛   之後我用掃把掃佢   勁驚佢翻生呀   加入大量廁紙沖走佢   頂   之後頭痛呀 ~

咁里奧大人一番來   咩都唔做   即幫我封渠口 ~

是日懶餐 - 韓式炸豬腩 + 鹹肉糭

韓式炸豬腩 - 諗住炸會脆皮啦   點知唔脆嘅   仲好多肥豬肉   但其實唔會再買丹麥豬腩   因為好濃豬味   驚驚 ~

鹹肉糭 - 大姑奶話街坊整㗎   我已經放喺冰格 3 星期   係時候食埋去喇 ~

洗埋碗又要用漂白水抹廚房   之後再沖涼   今日攰到成隻嘢咁   哈哈 ~

抖陣又 Plan 下行程   好在依家唔駛睇波住   咁我就有好多時間用啦 ~

隻右手開始酸痛喇   嗚嗚   又攰   所以 11 點自己都瞓先喇 ~