住家飯 @ 家姐屋企 ( 7-NOV-2019 )

釀尖椒 - 好辣呀   食到流哂眼水鼻涕   哈哈

釀豆卜 & 茄子 - 我鍾意好乾身嘅釀豆卜   我指定話食尖椒豆卜同架   因為我唔係咁想喺屋企煎嘢   同埋好驚煎豆卜   肯定燶哂

煎雞翼 - 我本來話食蠔油雞翼   點知家姐話食煎雞翼   我話其實我本身都係想煎雞翼   不過驚樣樣都煎太熱氣咋   哈哈

灼海蝦 - 我知一定有蝦   因為我講過鍾意食蝦   所以姐夫特登去買

炒菜心 - 好甜呀   但我覺得好油

木瓜雞腳魚湯 - 勁好飲   因為我唔會煲雞腳   巧驚驚剪佢啲腳趾甲

( 7-NOV-2019  THU )

今朝又同里奧大人食早餐   依家到我習慣同里奧大人食早餐   感恩有車津呀   哈哈 ~

菇場忙下停下   隻手仍然痛   都唔知做唔做針灸好   真係好驚桔針嗰下囉   但家姐話痛一次就好   好過日日痛喎 ~

Lunch Time 出去行陣再去食嘢   食完又行陣就番菇場喇 ~

仍然忙下停下   好快放工 ~

里奧大人今晚開會到 9 點半   所以我去家姐屋企食飯呢 ~

6 點左右去到家姐屋企   係時候比 Berry 虐待喇 ~

同姐夫傾偈   有時喺度諗   邊啲人對我好   邊啲人對我唔好   真係一句半句都已經知道係人定係鬼   感恩我家姐 姐夫同朋友真係真心對我好   人生唔如意一定有   但起碼有人陪自己過難關   絕對唔會孤單呢 ~

7 點幾開飯   我同家姐講話一定要食白飯   好似好耐無食咁   哈哈 ~

食埋生果   抖陣就同 Berry 行街 ~

韓國梨 

甜橙

乜都咬一餐   最緊要唔好咬我就得喇   哈哈

聽指令先可以食   都算聽話㗎喇   雖然佢個樣極度不情願   哈哈哈哈

9 點左右   家姐就車我番屋企   順便比埋包紅螺頭乾比佢   唔駛我成日記住   哈哈 ~

沖埋涼就熨 2 機衫   勁攰 ~

里奧大人 10 點先番到屋企   佢今朝話食個杯麵當晚餐   點知無時間   要番到屋企先食 ~

佢 11 點唔夠都瞓   我就 11 點鬆啲先瞓呢 ~