鳳城水餃拚鮮蝦雲吞 (外賣) + 青紅蘿蔔粟米栗子豬骨湯 ( 15-JAN-2023 )

( 15-JAN-2023  SUN )

今朝同里奧大人一齊番工   咁就可以食豐富早餐   哈哈哈哈 ~

里奧大人起碼 2 點放工   所以叫兩份早餐呢 ~

食完就同阿妹頂爺傾辗   講講下話捐贈遺體   我話我一早同里奧大人咁講㗎   如果我突然間離開咗   真係咩都幫我捐哂出去   之後我話我喺離開世界前嘅最後一刻   左右手只想捉住里奧大人同家姐   因為地上最親最愛就係佢哋   叫佢哋記得幫我記住呀   哈哈 ~

講完一大輪   我又要去番學喇 ~

崇拜完之後就買餸   條街真係凍咗好多呀   不過買完餸就覺得熱喇   哈哈 ~

咁我番屋企放低嘢再去買午餐   都已經 2 點幾   里奧大人啱啱放工 ~

佢食完要即刻去開會   咁我要再出去買餸   頭先漏咗買魚同青蘿蔔呀   激氣 ~

番到屋企都 3 點幾   真係有啲暈暈地   可能個胃又痛   但都只怪自己買漏嘢要再去買囉 ~

拿拿聲煲湯   因為預咗今日要大掃除   感恩屋企真係算乾淨   唔係就要花好多時間清潔呢 ~

我叫佢哋做 3 兄弟   一定要乖乖地成長呀   哈哈

里奧大人 4 點半開完會   番屋企放低啲嘢又要出去整嘢 ~

咁我抹埋地再開機洗衫   5 點幾就搞掂哂所有嘢   終於可以抖下 ~

6 點半左右番到屋企   等佢沖埋涼就可以開餐喇 ~

是日懶餐 - 鳳城水餃拚鮮蝦雲吞 (外賣) + 青紅蘿蔔粟米栗子豬骨湯

鳳城水餃拚鮮蝦雲吞 (外賣) - 煮半打比里奧大人食   我就食湯渣都夠飽 ~

青紅蘿蔔粟米栗子豬骨湯 - 好想飲湯   所以煲過最簡單嘅 ~

洗埋碗就沖涼   之後同里奧大人睇戲   不過睇到 11 點唔夠都瞓 lu ~