燒汁烤五花腩 + 筋麵蔬菜炒年糕 ( 15-AUG-2023 )

韓國芝麻葉 - 陣味唔係咁多人鍾意   但我又 OK 喎

我覺得外型好靚

無買韓國蔥   其實韓國蔥係好食好多   因為食完個口無咁大陣味   食烤肉一定有蒜片   咁啱之前買咗獨子蒜   咁就切一粒喇   

紅葉生菜 - 我依家好少去錢大媽   但尋日入去睇下   比我見到紅葉生菜   我就係正正想買呢   所以真係好感恩買到呀

芥末蘿蔔片 - 呢個好味呀

好在睇到 "芥末" 呢兩個字   唔係見到淺綠色   以為係發霉壞咗   哈哈

特登買糖漿㗎   加咗係好味好多呢

所有嘢包埋一齊食   勁好味呀

( 15-AUG-2023  TUE )

我發覺每次都係 4 點幾要去廁所   如果可以忍多幾個鐘就好啦   哈哈 ~

今次發夢係同弟兄姊妹一齊出隊做事奉   再去旅行   好記得架巴士係一邊4坐位   另一邊係2人坐位   仲係黑色皮嘅櫈   之後鬧鐘響   我直頭唔知   唔係里奧大人郁一郁   我以為自己仍然發緊夢㗎   哈哈 ~

早餐食芝士甜餐包   好耐無買甜餐包   依家又大個咗咁噃 ~

里奧大人話呢排諗太多公司嘢   瞓得唔好   尋晚真係將所有事交託比神   佢真係瞓得好好多   感恩惑恩 ~

菇場唔忙   又做下自己嘢 ~

Lunch Time 出去買菜   之後買魚片頭米粉番菇場食 ~

我落咗醋   啲魚片頭都變埋色   哈哈

唔忙就傾下計   咁樣就覺得時間快好多呢 ~

放工即走   去埋韓印紅買嘢就番屋企喇 ~

今晚要整好多嘢咁呀   真係差唔多 7 點先搞掂   咁啱里奧大人番到屋企   我叫佢沖埋涼先開餐 ~

呢包係筋麵蔬菜炒年糕

是日晚餐 - 燒汁烤五花腩 + 筋麵蔬菜炒年糕

燒汁烤五花腩 - 終於的起心肝整個韓式晚餐   其實唔係難   除咗烤肉   其他唔係現成就係生食   所以有機會會再整   哈哈 ~   

筋麵蔬菜炒年糕 - 有年糕就更似韓國餐   但食剩好多啦   聽晚又要再食   哈哈 ~

洗埋碗就即沖涼   之後休息休息 ~

依家間唔中叫里奧大人食雪糕雪條   因為唔係成日開冰格   所以好易唔記得食呢

今晚 Youtube 聽歌   聽到接近 11 點先瞓呀 ~