酸梅甜麵醬蒸排骨 + 芥蘭 + 紅蘿蔔豬展花膠湯

尋日好有 mood 做家庭主婦...所以一番到屋企就好忙...因為想先做家務...洗埋衫...熨埋衫然後煲湯...但...真係好攰囉
是日晚餐 : 酸梅甜麵醬蒸排骨 + 芥蘭 + 紅蘿蔔豬展花膠湯...
酸梅甜麵醬蒸排骨 - 原來 $10 腩排係好小...但對我同里奧大人黎講就係超足夠...因為我地唔係咁好食肉...用 2 湯匙甜麵醬 + 2 粒酸梅再用糖撈勻...咁嘅份量蒸出黎原來好好食架
芥蘭 - 清甜
紅蘿蔔豬展花膠湯 - 又係好清甜
本來諗住跑步...但地下濕濕咁...所以唔跑 lu...費事一陣一路跑一路落雨仲煩
                       
今朝里奧大人北上...得我一個人搭車...天陰陰又涷...一路行d 風係咁打埋黎...攞命...所以一有車就上...唔理好唔好位喇
今朝食咗吞拿魚治烘底 + 熱啡 ($15)

晏晝同媽咪美心皇宮飲茶....食咗臘腸卷 + 煎堆仔 + 馬拉糕 + 星洲炒米 + 紫米露 ($169)...咁涷媽咪都同我食晏...當然由我請客啦