又黎雲南桂林過橋米線 @ 荃灣

真係食開有感情呀 ~ 


尋晚去表妹度電髮   電完諗住番屋企睇芯姐   但里奧大人幫我錄咗   所以唔駛咁急番屋企 ~  

街又超凍喎   所以諗諗下都係食埋嘢先走   so 又去雲林食酸辣米線喇 ~  


今次係食豬軟骨 + 豬紅酸辣米線 ( 小辣走肉碎 )   初初睇個樣仲以為唔辣   點知食咗兩啖 feel 都開始辣   越食越辣   真係越食越刺激呀 ~ 

~~~~

尋晚真係撞鬼   d 米線辣得滯   搞到我胃痛   幾辛苦先瞓得着呀 ~  


今朝落雨   所以車程會比較耐 d 家嘛   9 點去食早餐   點知遠處見到老細就走入黎   oh   終於又要一齊坐 ~




番到菇場忙忙地   所以都幾開心架   好過番工等放工丫 ~  


晏晝里奧大人被同事約食飯   而我為咗幫家姐儲印花   所以就去 7-11買常餐 ( 4 粒燒賣 + 撈麵 + 碗仔翅 + 奶茶 )   $18 超抵   不過食完肚屙呀 ~