菠蘿蜜糖牛仔骨 + 牛油炒粟米 + 火腿粒炒飯 + 徑步

早餐食炸菜肉絲芝士腸出前一丁  + 奶茶 



午餐食 KFC 家鄉雞烤卷套餐 ( 烤雞卷 + 墨西哥脆脆配芝士醬汁 + 蘑菇飯 + 辣雞膇 )   一個人食一個餐又超飽   但一餐 share 食又唔夠飽   我覺得個雞卷無咩味道   最好味係個芝士醬汁   其他就無咩特別 ~ 

是日晚餐 - 菠蘿蜜糖牛仔骨 + 牛油炒粟米 + 火腿粒炒飯

菠蘿蜜糖牛仔骨 - 第一次整   味道甜甜酸酸十分之好食   我勁 like 食牛仔骨 d 骨   但里奧大人就唔 like   所以今次我就好細心咁分開骨同肉喇   咁樣食就會方便好多喇 ~   

牛油炒粟米 - 時間關係   唔想浸菜同用多個煲煮菜   所以就炒粟米喇   加上 $7 有 4 條粟米喎   抵過食 $16 斤菜心啦 ~

火腿粒炒飯 - 好在突然間諗起冰格仲有火腿 ( expiry date : 19/3 )   如果唔係又唔記得有火腿呢回事架喇 ~ 

本人及里奧大人對今餐餸菜非常滿意 ~  

唉   食完洗碗就匆匆忙忙咁去體育會跑步   好在都跑到 25 分鐘   唔係又蝕咗一日呀