粟米雞柳 + 焗雞翼 + 焗薯條 + 馬蹄糕 ( 23-APR-2010 )

( 23-APR-2010  FRI )

今日天氣非常之好呀   有太陽又有風又爽   個人都開心好多呀   如果日日咁好天氣就好喇 ~

我覺得呢間餐廳嘅麵真係好大個   次次食完都好飽咁   但係其他餐廳又唔會有呢啲感覺㗎喎   定係食麵所以好脹胃呢 ~

喺菇場 Hea 下 Hea 下又到 Lunch Time   今日好天氣   所以出去食同行下   不過行到有啲熱 ~

好耐無煮飯啦   所以係時候要煮飯 lu   鍾意食乜就煮乜 ~

是日懶餐 - 粟米雞柳 + 焗雞翼 + 焗薯條 + 馬蹄糕

粟米雞柳 - 無菜就整粟米蓉啦   諗住 1 罐粟米蓉 + 1 罐粟米粒   點知記錯自己之前買嘅係粟米蓉   自己又無睇清楚就開嚟用   點知諗住隔水嘅時候先知係粟米蓉   本來想整粟米湯   但又驚飲完食唔落飯   所以最後兩罐一齊做汁   用汁撈飯都飽咯 ~

焗雞翼 - 醃咗兩晚架喇   焗雞翼個賣相真係好靚仔   肉眼睇好靚   睇相硬係爭啲   應該係我影相技術有問題 ~ 

焗薯條 - 反正開咗焗爐   又反正好想食薯條   所以一齊焗   不過唔多夠脆   因為時間唔夠呀   但我又唔想再等   照食可也   下次整瘋薯先 ~

馬蹄糕 - 隔離阿婆知我鍾意食馬蹄糕   所以佢有親戚比佢馬蹄糕   佢就會比我㗎喇   好多馬蹄粒同埋好煙韌   自家制嘅真係好味好多呢 ~

食完飯抖一個鐘就同里奧大人去跑步   再去飲中藥   番到屋企沖涼抖陣就瞓覺   話咁快就過咗一日   夜晚啲時間真係過得好快呢 ~