脆肉瓜炒魚片 + 芫茜皮蛋魚片湯 ( 23-JUN-2010 ) + ( 24-JUN-2010 ) + ( 25-JUN-2010 )

( 23-JUN-2010  WED )

早餐又食吞拿魚烘底    喺呢間茶餐廳度食早餐   唔知點解無人叫扒類嘅呢    食下好嘛    等我睇下個賣相掂唔掂   好唔好食都好吖   喺度成日食包同粉麵真係有啲悶 ~

晏晝又同 8 卦出去食 Lunch   今次試間新開張嘅餐廳 點知一致通過係唔會再翻單   啲飯超腍呀   仲話炒飯添   我平時炒得都唔乾身啦   不過都無佢咁難食囉 ~

落雨絲濕去街市真係好煩   應該唔係我一個咁樣諗啩 ~  

是日晚餐 - 脆肉瓜炒魚片 + 芫茜皮蛋魚片湯

脆肉瓜炒魚片 - 唔知煮乜好   又唔想又洗又浸   呢個餸真係唔錯   有瓜有肉   一碟上枱   可以洗少隻碟 ~   

芫茜皮蛋魚片湯 - 呢排睇波   比平時遲瞓咗個幾鐘   對我嚟講十二點先瞓係好遲囉   煲啲下火湯   希望降下火啦 ~ 

( 24-JUN-2010  THU )

呢日每月一到喎   痛就唔係好痛   不過周身唔舒服囉   成日中中中   好在中到放工知醒啫   番到屋企即沖熱水涼   舒服好多呢   但無胃口食嘢   全日無食嘢呀   好在無胃痛咋   暗喜啦 ~ 

( 25-JUN-2010  FRI )

尋晚瞓得唔好喎   又赤赤痛   買咗杯熱菜蜜飲   平時可以飲哂成杯   因為熱熱哋好舒服   點知今次飲到一半超想反胃呀   好甜呀 ~

 
今次衰喇   終於胃痛喇   不過好在老闆 Off   我又可以瞓足一日   又係瞓到放工啱啱醒    勁呀 ~ 

今晚有胃口喇   叫里奧大人買淨酸辣米線比我食   酸酸辣辣好開胃呢 ~