元綠壽司 @ 大埔 ( 8-JUN-2010 )

( 8-JUN-2010  TUE )

今朝超勁口渴呀   一起身已經諗定好要飲凍鴛鴦   雖然係唔解渴   但飲凍嘢真係好爽囉 ~ 

等到 Lunch Time 喇   今日有 Lunch Box   因為尋晚買嘢食比媽咪   但媽咪食唔哂   所以同我 Share   唔浪費之餘   我又慳番飯錢   不過叮飯嘅時候突然間醒起係鹹魚豆腐雞粒飯    鹹魚呀   幾驚一大陣味呀   好在無味喎   唔係比人打鑊金咯 ~

 
今晚打的探媽咪喇又   因為又驚媽咪會一陣做手術   見唔到佢呢   去到醫院媽咪話排緊隊   希望今晚有得做   無耐家姐又嚟埋   想買嘢食比媽咪   所以出去問姑娘做唔做到手術    話媽咪之之前嘅病人已經 Send 咗去手術室   應該無問題   點知我哋走咗 15 分鐘後收到媽咪電話   話有個人難產   所以比佢做先   即係又唔做得住   又要再排期   咁等到人都顛呀   之前有得做又驚   依家咁等咪仲驚 ~

無哂心機呀   同埋開始 Feel 到自己攰到有啲火喇   所以食壽司   我覺得開心啲 ~