蕃茄蜆肉腸仔意粉 ( 15-MAY-2012 )

( 15-MAY-2012  TUE )

尋晚半夜焗醒添   之後鼻哥窿塞哂   起身又喉嚨痛 ~

好餓呀   今朝要食麵餐 ~ 

菇場又忙啦   所以覺得好快 Lunch Time   不過未餓   所以 1 點先食   今次食谷麥片 + 麥精維他奶   掛住同同事傾偈   之後變咗麥皮咁款 ~

好似作燒咁   好在個人無發冷   本來想睇中醫都唔睇喇   番屋企休息算數 ~ 

放工買車厘茄   $12 磅都照買啦   好想整呀 ~

是日懶餐 - 蕃茄蜆肉腸仔意粉

蕃茄蜆肉腸仔意粉 - 今次煮少咗意粉   所以覺得太多料喇   同埋今次要加埋大半樽蕃茄醬先夠汁   控制份量呢家嘢真係成日比佢考起 ~

好感恩今晚里奧大人 7 點幾放工   因為佢知道我唔舒服嘛   仲以為我唔煮飯添   不過我又唔太攰   煮到就煮啦 ~  

之後佢又 Relax 啦   佢之前錄咗 "三國"   我叫佢睇啦   難得你唔駛做公司嘢   但佢次次都會講係咪真㗎 ?!   咁我唔客氣喇   咁我真係無咩所謂   當學下國語之嘛   最緊要佢鍾意就得啦 ~