澤記魚蛋粉麵茶餐廳 @ 旺角 ( 4-MAY-2012 )

我嘅紅湯螺絲粉餐 - 影相好細碗架咋   係裝紅湯嘅碗   但估唔到係裝麵嘅碗囉   咁巨   食完飽到上頭殼頂

炒蛋焗脆豬包 / 瑞士雞翼 - 雞翼好入味呀   其他無特別

朋友嘅芝士腸米粉餐 - 因為我碗紅湯螺絲粉黎先   所以我地覺得呢碗好清呀

火腿奄列 / 牛油方包 - 無咩特別   不過我朋友好小食呢 d 嘢   我就真係有 d 驚

( 4-MAY-2012  FRI )

Happy Friday 喇   食甜甜地嘅早餐先   雖然知道個菠蘿包係唔好食嘅   但都想食   因為唔想食三文治同湯麵餐 ~

晏晝出去行陣就買油雞飯番菇場食   本來想出去食其他嘢   但個天黑哂   我又無帶遮   都係番菇場最好 ~

里奧大人上咗大陸   所以我約 CC Shopping   放工即走啦   自己行完旺中再約 CC 行花園街   行到中途落好大雨   好在行舖頭   唔係真係好掃慶呢 ~

唔知做咩鬼   條腰超劇痛   所以行完就即刻去食嘢   我要坐呀   好在我哋食咩無所謂   最緊要仲有時間買衫 ~

一見到茶餐廳即入   好感恩又有卡位坐   唔好講笑   坐咗半個鐘   條腰真係唔痛呀 ~

今餐 CC 請   我比番佢佢又唔要   不過算啦   下次到我   一人一次最好 ~  

食完有氣力啦   要去聯合作最後衝刺喇   好感恩   買到好多長件 Tee 同 One Piece   今次買咗 17 件   真係非常之滿足喇 ~

今晚又搭小巴番屋企   今日我真係好好彩   因為出旺角同番屋企都係我最尾一個上車   所以好快開車   好快到目的地也 ~

估唔到里奧大人仲遲過我番屋企   佢差唔多 11 點幾先番到   仲買麥當勞番嚟食   好在我陪佢食下   陪佢傾偈   如果唔係都幾陰公 ~