住家飯 @ 媽咪屋企 ( 31-JAN-2013 )

陳皮蒸泥猛

瑤柱海參炒脆肉瓜

沙嗲魚蛋雞紅 - 完全無味   媽咪話鍾意淡喎   我話咁妳下次唔駛落沙爹啦   就咁白烚   咁唔駛嘥咗啲沙爹醬

髮菜冬菇蠔豉燜豬手

黑豆紅棗當參山斑湯

( 31-JAN-2013  THU )

眨下眼又到月尾喇   好感恩呢個月過得好開心   達成幾個目標   2012 年所有唔開心嘅嘢要忘記   將好嘅嘢放到最大   自己講嘅嘢或者做嘅嘢令人唔舒服   一定要講對唔住   每日飲 5 杯水啦   做下運動   減肥   睇聖經   認真聽道   唔可以亂發脾氣   講嘢要留後路比自己   哈哈   其實唔係咩目標   只係唔想再好似以前咁比好多藉口去逃避啫   所以我依家真係每日都好開心   個人都特別精神啲咁㗎 ~

尋朝食咗米粉餐   真係太飽喇   所以今朝食番奶油多呢 ~

番到菇場有啲嘢做   之後執下文件   又抖下咁   好快又到 Lunch Time 喇 ~

食完就去一田幫 8 卦買嘢   之後又行超市幫家姐買午餐肉   重到呢 ~

里奧大人上咗大陸   所以又去媽咪屋企食飯喇   真係好感恩呀   因為之前同公司兌換咗啲新銀紙   可以今晚順便拎埋比媽咪   我又可以了咗件心事 ~

家姐 6 點半番到屋企   咁又可以早啲食飯   最好不過啦 ~

同家姐 8 點 15 分走喇   番到屋企就沖涼   食下零食   里奧大人 10 點番到屋企   見我熨衫覺得好出奇   因為我好少咁夜熨衫   其實我因為食咗零食   熨衫當做運動啫 ~

醬爆牛仔骨 + 西蘭花 ( 30-JAN-2013 )

( 30-JAN-2013  THU )

今朝 7 點醒咗去廁所   之後就瞓唔番 lu   等到里奧大人鬧鐘響就一齊起身喇 ~ 

每朝早要着嘅衫褲   最好尋晚拎定   咁樣起碼快 5 分鐘   所以今朝我要等番里奧大人轉頭呢 ~

勁想食米粉呀   真係十級飽   下次都係留番假期先食好啲   因為食唔哂可以比里奧大人食 ~

菇場一般忙呀   但做啲濕濕碎碎嘢囉   咁都好   時間過得都幾快 ~

今日食完 Lunch Box 就同 8 卦去一田行下   順便試啲年糕   好在佢都算為食   可以陪我睇下零食嘛 ~

放工即走喇   去超市買醬汁   再買埋黑糖就番屋企 lu ~

我又食飯先喇  里奧大人 8 點幾先放工   所以等佢番到黎再食埋   幫佢洗埋碗我先沖涼   咁就 10 點喇 ~  

是日懶餐 - 醬爆牛仔骨 + 西蘭花

醬爆牛仔骨 - 里奧大人生痱滋   講明話唔食黑椒汁呀   咁我就整醬汁牛仔骨囉 ~ 

西蘭花 - 之前喺街市買架   $10/3 個超級抵   所以忍唔住買   原來都好多下   真係 5 個人食都得呀   我要分 2 個鑊浸   又要分 2 次淥添呀   呢餐西蘭花抵啦   食足 3 餐 ~  

尋晚里奧大人餵魚   見到有條得番個頭咋   我睇嘅時候仲以為係海棉嚟添   做咩咁㗎   魚食魚   無理由唔夠食喎   咁下次都係再餵多啲算喇 ~

彩色呢條魚仔   原本買咗 5 條   之後每日就升仙 1 條   諗住買啲貴貴哋 $48 嘅魚仔嚟養   點知   雖然唔係我打理啲魚仔   但都覺得好慘囉   下次要問番老闆娘點解會咁先得   咁下次就知點養嘛

椰菜炒五花腩 + 大白菜豬肺湯 ( 29-JAN-2013 )

( 29-JAN-2013  TUE )

今朝里奧大人鬧鐘響咗   咁我都醒 lu   同埋佢一齊出門口   陪佢買麵包   又可以賺 $20   因為佢好多時都會比散銀我嘛   我就次次都會話都唔夠食早餐   佢今次比咗 4 個 $5   之後佢比錢時   我叫佢嘟   佢話比其中一個 $5 咪得囉   之後我話我蝕咗   佢笑哂話好意思用蝕嚟形容   係賺呀嘛   所以佢成日都話盜亦有道   我就咩道都無喎 ~

早餐食芝士火腿漢堡包   我始終都係唔太鍾意食呢間嘅漢堡包   啲口感好怪咁   所以食剩一半都唔想食   咁唯有打包留番做 Lunch 囉 ~

菇場一般忙啦   其實可以執下嘢   不過又唔想   想 Hea 住過呀 ~

今日又開始飲中藥   又係飲 4 日   飲到成肚水   好在 Lunch 係食半個芝士火腿包   咁無咁脹肚嘛   食完就同 8 卦出去散步   食完行下咪好囉   好過成日瞓嘛   不過佢次次一開工無耐就話好眼瞓 ~

同 Partner 去隔離搵 file   條友唔願做   我都唔會幫佢㗎   搵唔到就賴同事求其放   唔見咗一箱又唔出聲   我話妳咁樣   我都無嘢好講   後尾我再睇   真係有吔   佢懶伸個頭入去搵之嘛   之後佢伸個頭入去時   我勁想一腳伸埋佢入去添呀   啲咩人嚟㗎   做嘢咁樣嘅 ~

放工即走喇   去街市買餸   見到啲菜好似平番啲咁噃   因為見到豆角係 $12/斤   同埋有啲係一扎扎咁賣   想買嘅時候就無   一係貴   真係邪呀 ~

番到屋企打仗喇   醃好豬肉浸好菜就開機洗衫   之後拖地   7 點開始煮飯   我一入廚房開抽氣扇就咩都聽唔到   部機嘈到好似打到嚟咁   所以次次一煮完即刻熄   真係靜哂㗎   最搞笑係里奧大人打咗嚟搵我半個鐘都搵唔到   我又無拎室內無線電話入廚房   嚇到佢以為我咩事   仲打埋比家姐   好在頭先放工家姐打嚟   知道我買餸   呢個時候即係煮緊飯囉   唔係做咩喎 ~

里奧大人 8 點先放工   所以我都食飯先 lu ~

是日晚餐 - 椰菜炒五花腩 + 大白菜豬肺湯

椰菜炒五花腩 - 今次買 $20 五花腩   我叫豬肉呀姐切咗塊皮   佢問我煮咩   我話回鍋肉   佢話回鍋肉要皮㗎   我話唔要呀   好多毛好驚   呢個豬肉阿姐好好   好 Nice   唔係聲大大嗰啲   同埋如果佢見我拎幾袋嘢   佢就會比個大膠袋我一峙次裝哂   佢仲話呢啲大膠袋就係比我哋咁用呢   幾好人呀   我好論盡呀   以為之前買咗包回鍋肉醬   點知原來係買咗另一款醬汁   搞到我要自己求其調汁   里奧大人話唔似回鍋肉味道   咁我即 Search 回鍋肉醬汁點煮   原來係用甜麵醬嘅   不過下次都係買現成醬汁好啲喇   方便又唔阻掟   哈哈 ~

大白菜豬肺湯 - 星期日同媽咪飲茶   佢見到我生咗粒暗瘡   尋日特登煲豬肺湯   想我清清熱   所以叫家姐拎比我飲囉   住得近真係好喇 ~

食完飯   洗埋碗再食生果就沖涼   之後再熨衫   搞掂哂就休息喇   好攰呀 ~               

文記車仔麵 (外賣) ( 28-JAN-2013 )

煎釀 (5 件魚蛋 / 2 件豆腐 / 2 件餃子) - 依家又加價喇   $10/4 件   $20/9 件  

我嘅螺肉 + 蘿蔔米線 (辣) - 我同里奧大人講點解我碗咁多湯嘅   佢話因為佢有 2 個麵   而佢個碗真係好盤滿砵滿呢

里奧大人嘅牛腩 + 辣魚蛋 + 螺肉 + 生菜 + 幼麵 + 粗麵 (辣)

( 28-JAN-2013  MON )

嘩尋晚喊到斷氣咁滯   所以好好瞓呀   不過里奧大人鬧鐘響咗之後   我都唔瞓 lu ~

今朝同埋里奧大人一齊出門口   不過就唔會同佢一齊搭地鐵   太迫人喇   真係唔鍾意呢 ~

對眼好攰呀  一隻眼皮仲腫埋添   最慘係有啲啲頭痛 ~   

其實勁肚餓   不過一坐低又唔多想食嘢   唯有食奶油多啦 ~

番到菇場勁忙呀   未停過手   做到 Lunch Time ~

今日帶菜心咋   不過唔飽   再食 Flakes 加朱古力奶   叫做唔餓   但又未飽   不過又無嘢想食 ~

忙呀忙   忙到放工先忙完   好在搞掂哂   個人做到虛脫咁呀 ~

坐小巴去荃灣睇中醫   睇完就去表妹度買 3 枝泥   之後里奧大人話想食桂花糕   咁我去買啦   再問家姐要唔要   諗住佢一陣會楂車去媽咪度拎湯   點知佢原來已經拎埋去我屋企添   實在太好喇 ~

今次當然又坐小巴走啦   但今次等車等咗 25 分鐘呀   下次都係唔好星期一睇醫師   因為之前又試過睇另一個醫師   又係星期一睇   又係特別多人 ~ 

好在 8 點左右就番到九龍灣   本來 PCCW 話 8 點嚟整嘢   後尾話要到 9 點半   所以里奧大人話唔駛喇   咁佢又已經番到屋企   費事叫佢又落街   我就去文記買車仔麵同煎釀番屋企食算喇   真係好鬼餓   唔知係咪做嘢太衝勁   特別餓咁呢 ~

食到爆肚   抖陣再食啤梨同蘋果   之後就沖涼喇   今日做咗成日   又去睇中醫   個人真係好攰   所以即按摩 2 次膞頭同腳呀   鬆一鬆舒服好多㗎 ~

睇下電視   Fing 下手腳   11 點就瞓喇   最鍾意係 11 點瞓   咁早啲起身都有 8 個鐘頭瞓到   瞓多啲   皮膚都好啲㗎 ~   

Pizza Bird 脆意雞 (外賣) ( 27-JAN-2013 )

環遊世界 (薄批) - 洋蔥 / 青椒 / 辣肉腸 / 火腿 / 蘑菇 / 菠蘿 / 牛肉 / 豬肉

香辣海鮮意粉

蒜蓉包 & 炸雞 3 件

( 27-JAN-2013  SUN )

今朝 9 點半醒咗   唔想再瞓   出廳執下嘢   點知里奧大人又話唔瞓   咁好啦   出去食早餐   可以慢慢嘆 ~

本來里奧大人朋友都話番教會   不過最後話仲未搞掂   所以唔番喇   咁仲好   里奧大人可以陪我同埋媽咪家姐一齊飲茶 ~

崇拜完畢就去媽咪屋企   家姐要幫媽咪整花灑頭   我又飲埋碗黑豆湯   所以差唔多 2 點先出發去飲茶呢 ~

其實里奧大人想同媽咪去 Mega Box 飲茶同行下   不過媽咪尋晚去屯門醫院探舅父   10 點先番到屋企   所以今日都好攰唔想出街   屋企附近飲茶算 lu   我初初以為媽咪懶去街   仲話佢添   點知原來佢真係好攰   怪錯咗媽咪添   所以我即講對唔住呀   咁下次無咁攰先再去遠啲飲茶同行街呢 ~

朱古力 Dounut @ A1 Barkey - 家姐買比里奧大人食嘅   不過里奧大人就唔食啲彩針

蛋撻 / 鮮蝦菜苗餃 / 鹹水角 / 干蒸牛肉 / 燒賣 / 豉汁蒸鳳爪 / 灌湯餃 / 豬腳薑 / 豉椒排骨炒麵

4 點飲完   陪埋媽咪番屋企就走喇 ~  

里奧大人做公司嘢   我就開機洗衫同熨衫   煲埋菊花茶   再淥埋尋晚姑奶比嘅有機菜心   今晚家姐要嚟睇 "南極大陸" 大結局   咁我唔煮飯 lu ~

家姐 7 點嚟到   外賣無耐又到   可以即開餐   一路睇 "南極大陸" 一路食   呢套戲好感人   所以我一路食一路喊   食完再睇再喊   辛苦到呢   喊濕咗成 20 張紙巾   抹到個鼻都痛呀   本來諗住再由第 1 集睇起   不過都係唔好喇   頂唔順呀 ~

家姐 9 點走喇   我即沖超熱水涼呀   要冷一冷靜 ~  

喊完真係好攰   對眼又好痛喎   所以 11 點 15 分即瞓喇 ~ 

團年飯 @ 姑奶屋企 ( 26-JAN-2013 )

腐皮卷

炸豬扒 / 花生燜豬手 / 臘鴨餅 + 臘腸 + 潤腸 / 茄汁蝦碌 / 西蘭花

仲有蒜蓉帶子煎粉絲 / 蒸石斑仔同花膠雞湯   不過太餓喇   所以唔想再去拎相機

( 26-JAN-2013  SAT )

依家如果我同 8 卦喺星期六都要番工嘅話   多數會約埋一齊食早餐   因為佢多數早落車   有時間食早餐   如果無約佢   我就會瞓到 8 點 10 分先起身   約佢我就要 7 點 45 分起身喇   唔想太遲   其實因為想早過佢   咁我就可以唔駛食得咁急呢 ~

今次我早咗   去到食早餐果間餐廳居然無西式早餐食   所以即轉場 ~ 

呢間完全唔掂   咖啡苦澀難飲都無咩所謂   因為我飲幾啖嘅啫   但唔熱就真係好有所謂喇   所以呢間應該唔會再食㗎喇 ~

我嘅香茅牛肉纖麥麵 (少麵) - 真係好少   幾啖食哂   感覺好似喺 8 卦碗麵度拎啲比我咁   哈哈

8 卦嘅醬燒骨纖麥麵

阿 Head 放假    但我都要忙到 11 點囉   其實仲有嘢做   不過真係唔想做 ~

好快就放工喇   今日搭地鐵去九龍灣  約咗里奧大人一齊去 Smartone 整嘢   我勁想食麥當勞薯條呀   間唔中就會好想食咁呢   食完就去交團費 lu ~

雙牛芝堡 / 扭扭薯條

招財福堡 (牛肉)

Mocha - 勁想飲   點知....   尖沙咀果間好飲好多好多   呢間唔夠熱 @.@   今日不宜飲咖啡

去埋 Uniqlo 買嘢就番到屋企   已經 4 點   里奧大人就瞓陣   我就睇下雜誌咁啦   真係唔可以話瞓就瞓 ~

今晚去姑奶屋企食團年飯   所以同里奧大人 6 點出門口   因為想去官塘廣場食冷冷撈呀   食完行一陣  再埋 4 對襪就走人喇   因為約咗水姑一齊上去呢 ~  

7 點半開飯   食下坐下傾下   9 點幾大家都要走人喇 ~

仲落緊雨   覺得好凍咁呀   所以都係坐的士番屋企   最緊要快 ~

打邊爐 @ 家姐屋企 ( 25-JAN-2013 )

芫茜皮蛋馬蹄湯底 - 4 扎芫茜 + 3 隻皮蛋 + 幾粒馬蹄   未淥食物之前   工人當湯咁飲   飲得幾咁滋味呀   之後我又跟佢飲   估唔到就咁飲芫茜皮蛋馬蹄湯都咁好飲   最正係飲完個身暖好多呢

蟹籽丸 / 黑椒牛丸 / 芝士丸 / 墨魚丸 / 魚腐 / 龍蝦丸 / 台灣腸 / 芝士腸 - 呢度只係一半份量咋   因為家姐知我鍾意食呢啲丸   所以買多啲   最後佢話我眼闊肚窄   我都話細食咗好多㗎啦


手切牛肉 ?! - 呢度 $60   家姐話呢啲牛肉係用手切嘅   要 $160 磅   其他佢咩都唔知   不過真係好好食  


牛柏葉 / 魷魚 - 好在工人打黎問我食唔食咋   完全唔記得呢兩樣嘢   人多先食到咋   我試過 1 個人食   食完頂住個胃   食唔到其他嘢呀


炸魚皮 - 家姐喺公司附近買   好脆好好味

唐生菜 / 油麥菜 - 我習慣係食肉又食菜咁   但家姐佢哋就係最尾先食

指天椒 - 家姐同工人各一碗   我就要好少就得喇   佢哋係顛嘅

( 25-JAN-2013  FRI )

尋晚同里奧大人臨瞓前傾下偈   點知傾咗個幾鐘   成 1 點先瞓   我就過咗時間瞓覺   好難先瞓得着   里奧大人就瞓到   因為佢成日話自己長期唔夠瞓喎 ~

今朝無咁凍喎   我都無着褸添呀   因為次次一上小巴就焗到暈   完全係同出面兩個世界 ~

早餐食火腿吞拿魚治烘底   真係諗唔到想食咩 ~

菇場忙呀   忙到 11 點幾就搞掂   可以 Hea ~

食完 Lunch Box 就同 8 卦出去行   之前佢成日話減肥減肥   我就叫佢食完飯唔好瞓   一齊出去行仲好啦   幫完家姐去惠康睇嘢就去萬寧   無啦啦額外 9 折   所以買咗 2 支淋浴露同剃鬚啫喱就番菇場喇 ~

諗住 Hea 過   點知忙到呢   放工都未搞掂呀   不過我唔會開 OT 嘅 ~

里奧大人上咗大陸   所以我今晚去家姐屋企打邊爐   家姐尋晚問我想食咩   我第一樣就話打邊爐   真係唔知點解超勁想打囉 ~

坐小巴好快咋   去到家姐屋企都係 6 點 10 分   一落車覺得好寒呀   入咗屋企都好啲   但都係凍   之後坐低無耐聽到家姐把聲   仲以為已經 6 點半添   原來佢同事車佢番屋企   順便睇下家姐間屋喎   咁佢又佢哋傾   我就同狗仔玩   影下相咁呢 ~

B 頭 - 大佬嚟㗎   但最細粒係佢   年紀最大都係佢   所以又要着衫仔   又要狗竇又要毛毯咁好好保暖呢

B 仔 - 二佬嚟   肥到豬一隻咁   家姐同工人不約而同同我講   要比佢食飯先㗎   因為佢會同我哋同枱坐   好乖咁坐喺妳隔離咁呢   如果佢唔食咗先   佢見我哋食完   佢都唔會食嘢架㗎   搞笑

麥包 - 三佬   個樣駛唔駛咁慘呀

7 點開飯   好餓呀我   可能真係超級勁想打啦   食呀食   食到 8 點幾   食完嘢就覺得好凍呀 ~

好在家姐有 2 隻肥狗   我用 "巨熊" 能形容佢哋   肥到呢   之後抱住麥包睇電視   成隻 "灘" 落我身度   好鬼嗲   雖然好暖   不過手都痺   之後佢仲扯埋鼻寒   好鬼過癮 ~

成日舔條木   舔咗 5 分鐘都仲舔   不過佢由細到大都好鍾意舔嘢  

我臨出門口前影㗎   見佢哋瞓緊咪影下囉   點知佢哋醒咗   B 仔望咗我一眼就再瞓過 lu

9 點半走喇   家姐車我番屋企   順便去埋媽咪屋企拎嘢   我番到屋企即開機洗衫   沖完涼無耐   里奧大人都番到屋企 lu   佢有佢做嘢   我有我熨衫 ~

睇完電視又睇下雜誌   望下鐘已經 12 點 45 分   好驚囉   唔想比自己咁夜瞓呀   唔健康嘛 ~

住家飯 @ 媽咪屋企 ( 24-JAN-2013 )

炸豬扒 / 炸泡菜春卷

炸魷魚 - 媽咪第一次整炸漿   全軍覆沒呀   唔脆   一句講哂好難食   我話下次唔好再炸嘢   好驚囉

糖醋骨

荷蘭豆炒魷魚

髮菜蠔豉眉豆雞腳湯

火龍果 / 雪梨

( 24-JAN-2013  THU )

又星期尾喇   可能無番 2 日工   好似無咩點番工就星期尾咁呢 ~  

尋晚臨瞓前好餓呀   不過唔食啦   但就諗定今朝會食麵餐   但當去到餐廳又唔想食麵   因為覺好會超級飽   但唔想食甜嘢   所以食餐蛋治烘底   都一樣咁飽   其實想留番半件番菇場慢慢食   不過驚件多士索哂啲油仲難食   所以迫住食哂 ~

唔知做咩鬼   個下腹仲扯住痛   好似行下無咁痛   但又唔可以成日行家嘛 ~

Lunch 本來食 Flakes   不過都係出去行下   順便買腸粉魚蛋番菇場食   但啲腸粉勁難食呀   食剩 1 條真係要掉   因為又乾又硬   食完仲令到我超級反胃   下次唔再食腸粉喇 ~

終於放工   今晚里奧大人喺公司全天候見客   唔駛上大陸   但唔知駛唔駛同客食飯囉   咁我唔理佢喇   照番媽咪屋企食飯 ~

真係無咩胃口   不過又唔可以唔食   唔係媽咪又擔心   所以叫家姐帶多啲餸做 Lunch Box   哈哈 ~

家姐買咗大花膠比媽咪   我第一次見咁大塊咋   應該係花膠扒   媽咪又買咗幾包大冬菇   瑤柱呢啲   真係好有過年 Feel 呢 ~

里奧大人 8 點 15 分就放工   所以我同家姐 8 點半就走喇   一入屋就即煮麵比里奧大人啦   等佢一入屋就有得食 ~    

幫佢洗埋碗   我就即沖涼喇   之後熨 2 機衫   攰鬼到我呢 ~

里奧大人做完公司嘢就出黎睇電視   咁我又陪下佢啦   差唔多 12 點先瞓   好夜呀 ~

明輝茶餐廳 @ 九龍灣 ( 23-JAN-2013 )

( 23-JAN-2013  WED )

今朝好熱咁噃   真係連褸都唔駛着呀 ~

早餐食奶油脆脆豬 + 拉茶   飲咗半杯拉茶同食咗啖包   已經覺得好飽咁   唯有打包留番做 Lunch ~

個肚仲係有啲痛   不過就唔係冤冤痛咁辛苦   好在菇場勁忙   係咁做做做   都唔記得痛咯   做到差唔多 Lunch Time 就做完 lu ~

Lunch Time 又唔餓   咬幾啖包算喇   真係無咩胃口 ~

忙到 3 點終於搞掂哂啲嘢   可以抖下喇   一連衝鋒咁做有啲攰 ~

個包食到 5 點終於食哂   仲開始餓添呀   放工即走   好想食上海水餃   不過屋企附近無囉   但超勁想食濕嘢   暖下個肚舒服好多   所以去咗明輝喇 ~ 

食完都係 6 點 15 分   去超市買下嘢就番屋企 lu   番屋企即開機洗衫   本來想熨 2 機衫   不過都係唔喇   回復元氣先熨 ~

里奧大人 8 點半番到屋企   佢食埋麵先番嚟嘛   咁我就切生果佢食啦   佢好開心㗎   真係結婚咁耐   好少會咁主動呢 ~

我講過 2013 係一個全新嘅人嘛   想做就做   唔比任何藉口自己   好似之前我飲好少水    一日都唔知有無 1 杯水   但 2013 下定目標    1 日最少飲 5 杯水   我做到喎   其實好多嘢真係可以好輕易做到   只不過我成日比藉口自己啫 ~

又係 11  點瞓喇   呢個係我最理想嘅入睡時間呢 ~ 

西刀魚丸出前一丁 ( 22-JAN-2013 )

( 22-JAN-2013  TUE )

今朝起身都 OK   個肚唔痛架喎   不過唔想行   所以打的番菇場   順便買埋奶醬多同咖啡番菇場食 ~

無啦啦個肚好鬼痛   又嘔   完全不在狀態   11 點 15 分又要請假喇 ~

又打的喇   完全唔想行   仲有啲暈   辛苦到爆   拿拿聲去埋診所改病假紙就番屋企 ~

番到屋企即沖熱水涼   真係舒服好多   之後即瞓 ~

1 點幾里奧大人打嚟話佢好唔舒服   一食嘢就反胃   似感冒菌入腸   所以佢都請病假   番屋企休息喇 ~

諗住 3 點可以睇到醫生   點知要 4 點 15 分先有得睇   咁佢都瞓陣先   校咗鬧鐘就唔怕呢 ~

佢自己去睇醫生咋   我仲繼續瞓   瞓到 6 點幾就唔想再瞓喇   因為有啲餓   即刻食埋今朝年奶醬多 ~

差唔多 7 點半   里奧大人話煮麵食   咁我都食呀   想食啲熱嘢   不過我講明我唔煮唔洗㗎   食完就休息 ~   

食完熱嘢真係舒服好多   不過就超級飽   之得同佢 Share 一個麵啦 ~ 

唔知做咩突然間好鬼攰   10 點沖完涼即瞓喇 ~

紅燒雞翼雞膇 + 腐乳唐生菜 ( 20-JAN-2013 ) + ( 21-JAN-2013 )

( 20-JAN-2013  SUN )

今朝 9 點半起身   去完麥當勞食早餐就番屋企喇 ~

鐘點黎清潔   不過我地就照番教會   佢就留喺屋企繼續清潔呢 ~

今次聽道又令我得着   "任何環境變化   都要做自己要做嘅事   不要靠人   單單依靠神   神會引導我哋   賜我哋信心同能力   神仍會為我哋預備   雖不一定滿足   但一定不會缺乏"   好感恩神嘅恩典真係夠我用呢 ~

崇拜完畢就番屋企喇   個人好攰咁   個肚又少少扯住痛   所以都抖到 3 點半先出去食嘢 ~

里奧大人番到屋企就瞓咗兩個鐘   我就坐喺梳化睇雜誌   唔想瞓呀   驚夜晚瞓唔着   眼光光仲慘 ~

終於每月一到   但又 OK 噃   因為仲煮到飯呢 ~ 

是日懶餐 - 紅燒雞翼雞膇 + 腐乳唐生菜

紅燒雞翼雞膇 - 第一次整   用叉燒醬醃   非常之簡單   不過搽咗蜜糖水   所以好易燶   要成日昅住個爐   但我覺得唔夠出街買嗰啲咁紅呢 ~  

腐乳唐生菜 - 估唔到 $12/2 Pack 煮埋都幾多咁喎 ~

洗埋碗就即沖涼抖抖   切埋芒果比里奧大人食   洗埋   之後我 11 點就瞓喇 ~

( 21-JAN-2013  MON )

尋晚無咩痛   但朝早一起身就有啲痛   最慘又嘔   所以請病假休息 ~

瞓到 5 點就落去睇醫生   之後沖完涼又再瞓過   瞓到里奧大人番嚟   原來已經 8 點幾呢 ~

佢買豬柳蛋漢堡同蘋果批番黎   熱辣辣好正咁   所以咬咗兩啖包   好在都覺得好味   最緊要食咗無想嘔嘅感覺嘛   之後我仲焗個米粉食添呀 ~

陪多佢一陣   我 10 點又瞓喇 ~  

住家飯 @ 媽咪屋企 ( 19-JAN-2013 )

沙爹炒蜆

蒸青班


薑蔥生蠔

炒菜心

大白菜豬肺鹹鴨腎湯

芒果

( 19-JAN-2013  SAT )

今朝要 7 點 50 分起身喇   因為約咗 8 卦食早餐   約 8 點 40 分   我就準時到   佢就早 5 分鐘到   但我已經見佢食哂碗豬扒雞扒米粉   係咪直吞唔駛咬   真係好誇張   依家我朝早食得唔多嘢   所以同佢 Share 我個腸丁丁   咁就啱啱好喇 ~

番到菇場 Feel 到會有嘢做   真係坐低無耐就超多嘢做呀   好在放工前搞掂 ~

同里奧大人 Join 埋一齊坐巴士去美孚睇中醫   約咗 2 點半   好在無遲   順便叫里奧大人都睇埋   睇完就去食嘢喇 ~

我好鬼餓呀   見到有間食上海嘢就試下啦   里奧大人鍾意食   我又想食水餃   不過味道麻麻 ~  

雪菜肉絲水餃上海麵 - 唔加豆板醬係完全無味道嘅

上海回鍋肉飯 - 第一次見回鍋肉係咁顏色   當然仍都係唔好味啦  

酸辣湯 - 味道係點 ?! 唔想再提

本來諗住同水姑食飯   不過佢唔得閒   咁我就約媽咪食飯喇   本來出去食   但媽咪話里奧大人無咩點食魚   所以叫我哋番屋企食   仲好   因為住家飯有益嘛 ~

受家姐所託   要幫佢同事買鳥結糖   咁我再買杏仁條同曲奇餅比家姐   買完就坐巴士番媽咪屋企 lu ~

番到媽咪屋企都差唔多 5 點 45 分   媽咪就開始煮飯   6 點 45 分有得食喇 ~

黑芝麻脆心糖 ($40 半磅) / 咖啡脆心糖 ($40 半磅) - 幫家姐同事買   佢叫我每樣各一磅   不過買錯咗每樣半磅   無計啦   雖則寫住 $80/磅   但見佢 Pack 到一盒盒咪以為一盒係 $80 一磅裝囉
杏仁條 ( $56 ) - 食過多多杏仁條   我唔會再買美心嗰啲
圓曲奇 / 綠茶咖啡 / 燕麥曲奇 ($50) - 我唔食曲奇都覺得好味呀   好香脆   但唔漏

8 點走人   番到屋企就睇下電視   睇下雜誌   11 點就瞓覺喇 ~

大家樂 @ 官塘 ( 18-JAN-2013 )

爆漿芝士丸 + 豆腐袋 x 2

爆脆響鈴 / 爆漿芝士丸 / 手打肉丸 / 水餃

(唐生菜 / 娃娃菜 / 粟米 / 蕃茄 / 金菇 / 鮮冬菇 / 豆腐袋 / 烏冬)

雙份美國穀飼牛 - 沙爹湯底

豉椒排骨炒河

( 18-JAN-2013  FRI )

又 Happy Friday 喇   我覺得喺星期五特別有朝氣咁㗎 ~  

今朝凍咗喇   話就話 12-14度   但又唔係凍得咁交關咁呢   不過我驚夜晚去荃灣   所以我都着咗絲襪衫   有啲熱呢 ~

其實今朝勁想食麵餐   不過真係好驚食唔哂   所以都係食奶油脆脆豬   食一半已經好飽   但唔想拎走   淋咗唔好食嘛 ~

菇場忙咗陣咁啦   之後就好休閒咁過喇 ~

同 8 卦 MSN   講開同屋企人食團年飯   佢團購咗 $700 團年飯   話叫媽咪比番錢   就係呢一句   我就話佢啦   妳自己買咗叫人食   又叫人比番錢妳   嗰個仲係妳媽咪   你好意思開口咩   請屋企人食無所謂啦   之後佢係咁解釋呢樣嗰樣   不過我逐一反駁   我話咁嘅心態好唔得   一家人點可能咁計較㗎   之後我同佢 Say Sorry   我話頭先講嘢太偏激   你鍾意點就點啦   最緊要自己開心   不過   我真係覺得如果你請父母食飯   不論平貴  父母都好開心  因為你有呢份心意嘛 ~

我完全估唔到自己居然會同佢 Say Sorry   呢個係我一個好大嘅轉變呀   感恩感恩 ~

今日有 Lunch Box   已經只帶 1 湯匙飯   但食完都好滯好滯   我估可能係豆卜頂胃呢 ~

今晚本來約咗中醫   但佢 Whatsapp 我話佢唔記得咗今晚要出診   所以要改期   咁好啦   約媽咪家姐食飯   反正里奧大人上大陸 ~

勁想打邊爐   不過媽咪麻麻地   所以我想去大家樂   因為有一人邊爐呀 ~

放工即走喇   坐低無耐媽咪同工人都嚟埋   家姐就差唔多 6 點半就到喇 ~

如果一個人食個鍋真係好飽好飽   有爆肚感覺   以前我無問題   但依家真係食唔到咁多   所以今晚都係叫一個鍋加配料   再加多個豉椒排骨炒河就算喇   咁樣大家都已經好飽 lu ~

一路食一路傾計   媽咪話我細過好衰㗎   成日蝦家姐   咩都爭   爭大份啦   同埋媽咪話知我咩都爭   所以買嘅嘢都會一樣   但我都會爭   同埋話我哋咩都打一餐   但印象中真係無咩郁手郁腳喎 ~

食完就陪家姐去買嘢   媽咪就番屋企先   之後家姐就嚟我屋企食薯片   諗住一齊睇 "老表 你好嘢"   點知最後變咗佢打機 ~

家姐 10 點半走啦   里奧大人就 11 點先番到屋企   佢食咗件蛋糕仔咋   所以我話整熱啲豬肉乾   再整多個杯麵比佢   咁就夠飽啦 ~ 

住家飯 @ 媽咪屋企 ( 17-JAN-2013 )

薑汁蒸豬潤

蠔油燜豬腸一字排

南乳羅漢齋煲

蒸老虎斑


黑豆紅棗唐虱魚湯

芒果

( 17-JAN-2013  THU )

呢排成日差唔多 6 點就起身去廁所   但其實都瞓咗 8 個鐘先醒   不過如果唔駛去廁所就更好啦 ~

又係覺得熱   下次都係唔好沖咁熱嘅水算喇 ~

早餐食扒芝腿治   阿姐又叫我唔好食   繁忙時間要等 20 分鐘喎   我真係忍唔住講話   8 點 20 分又話繁忙時間   9 點又話繁忙時間   次次想食都唔得   之後佢去問師傅要幾耐   話要 15 分鐘   咁我就要啦   反正我有時間同埋唔餓嘛   唔夠 5 分鐘就有啦   呃人 ~

菇場唔太忙   但唔可以勁上網   因為細老闆喺我隔離房開會   出出入入會見到呢 ~

終於等到 Lunch Time 喇   今日只帶菜同雞   無帶到飯   同事以為我仲會叮麵   不過又唔係好飽   食咗 4 塊梳打餅   飽到頂胃   我依家真係細食咗好多喇   所以瘦咗幾磅   好開心呢   我目標係再減 10 磅 ~

4 點 45 分先嚟忙   好在放工前搞掂啫 ~

里奧大人上咗大陸   我又番媽咪屋企食飯喇   今晚勁開心   因為家姐居然 6 點半番到嚟   平時起碼 7 點嘛   難得見面   梗係早啲好啦 ~

食完生果   家姐例牌又話好飽   但個口仲係不停係咁食嘢   其實我好飽   但見佢又想食   就陪佢食囉   不過係佢包底 ~ 

同家姐 8 點半就走喇   番到屋企開信箱嘅時候   見到冰姑寄咗嘢比我   好感動呀   因為佢成日好掛心我呢 ~

番到屋企即沖涼 lu   唔駛做家務真係好嘆 ~

唔想睇電視   所以睇聖經   里奧大人番到屋企都 10 點半喇   佢沖完涼都要做公司嘢   同佢講嘢仲叫我唔好講住   做緊公司嘢喎   咁我唔陪佢喇   11 點入房瞓覺 ~

香辣蒜撈雞 + 菜心 ( 16-JAN-2013 )

( 16-JAN-2013  WED )

雖然着緊褸同毛毛靴   但我覺得唔似真正嘅冬天   因為我成日覺得都係有啲熱咁呢 ~

唔想成日飲拉茶咁甜   所以轉飲奶茶   都 OK 喎   好耐之前飲到驚   依家再飲番都係要慢慢接受番呢 ~

菇場忙咗陣又 Hea 喇   唔錯唔錯 ~

今日有 Lunch Box   食番前晚嘅炒飯   同事經過又裝下我食咩   因為佢成日笑我整茄汁意粉   老闆聽到就話 : 人哋老公唔 Complain 咪得囉   哈哈   其實里奧大人食隔夜嘢無問題㗎   不過我唔想比佢食   等佢食啲新鮮嘢好啲嘛 ~

食完出去行陣   去超市買啲嘢就番菇場喇   我依家係買咗就會整   唔會拖到差唔多過期先整㗎   如果唔整住就唔會買   呢個心態對我嚟講   真係好大嘅轉變呢 ~  

8 卦上咗大陸   但佢都會同我 MSN   話驚我悶喎   之後我咪話佢自己悶就真啦   佢認呀   哈哈   同佢傾食嘢   傾到大家都餓   4 點幾真係唔好傾食嘢   次次都會講到想食嘢 ~

放工即走喇   行下萬寧就番屋企 lu ~

番到屋企都係 6 點   即開機洗衫   浸菜再熨衫   之後心血來潮不如蒸埋隻雞肶先   真係好在蒸咗家肶咋   里奧大人 7 點打黎話放工   因為公司無冷氣   焗到頭痛   要早啲番屋企休息   到佢番到屋企   佢要等我一陣先食得呀 ~   

是日懶餐 - 香辣蒜撈雞 + 菜心

香辣蒜撈雞 - 跟 "頭條日報" 食譜整   不過唔係跟足   因為我買漏咗花生同芫茜   今次我覺得自己好勁   因為識執生   原本要蒜蓉   但我懶得整   所以就用泰國米粉包蒜蓉   平時掉㗎   因為好多油   今次就用得着   幾咁好呀   咁影相覺得有啲綠色靚啲   所以就拻碎塊菜心葉扮芫茜   當堂好睇啲咁啦   里奧大人好搞笑   問我係咪買番嚟   覺得唔似我煮呀   佢一食就問啲汁係咪美極   因為佢最鍾意呢 ~

菜心 - 尋晚買定   $7/斤銀川菜心   大大碌都幾清甜   菜心正氣   所以成日想食   但我整得款式又唔多   來來去去都係淥同蒜蓉炒   好似好悶咁 ~  

第一次咁早一齊食完飯   洗埋碗   沖埋涼都係 8 點半   切埋生果一齊食   如果晚晚咁就好啦   咁代表里奧大人唔駛咁辛苦 ~

好眼瞓呀   10 點半睇完聖經就瞓喇 ~

豆角粟米炒肉粒 ( 15-JAN-2013 )

( 15-JAN-2013  TUE )

尋晚又熱醒   好在唔係流汗嗰隻   最慘係蓋被又熱   唔蓋被又凍喎 ~

今朝好似凍咗啲   可能天陰陰   所以覺得凍啲咁呀 ~

唔飲拉茶住喇   好似好甜咁   又飲番咖啡   下次試下飲奶茶先 ~

菇場忙呀   又要去隔離房搵嘢   所以做完都差唔多 Lunch Time 呢 ~

今日又帶番 Lunch Box   因為食唔哂啲炒飯   聽日又係炒飯   又係食幾餐 ~

依家團購真係好方便   最正係 8 卦一有筍嘢就會話我知   一齊團購就最好啦   一次過買哂嘛   唔駛煩 ~

真係邪   尋日放工等車   10 分鐘內見到有 4 架 101   但今日我搭 101 呢   就等咗 15 分鐘先有車   諗好咗今晚去藥房買嘢嘛   如果唔係又唔知幾時去喎   想快啲了咗件心事 ~

買完行去街市   估唔到比我見到 " 源發粉麵茶餐廳 "   真係感恩喇   因為我好鍾意食佢哋嘅蝴蝶腩銀針粉呢 ~

去完街市買豆角就番屋企喇   預備完晚餐就拖地   今晚我自己食先喇   因為好餓   焗個米粉食就算喇   最緊要快 ~

里奧大人 8 點半就番到屋企   煮咗辛辣麵比佢   佢幾咁鍾意食呢   食得幾咁滋味呀   食飯個樣真係唔會咁㗎 ~

是日懶餐 - 豆角粟米炒肉粒

豆角粟米炒肉粒 - $20/斤青豆角呀   我嚇到呆啦   之前都係 $7/扎之嘛   所以我行咗半個街市都係呢個價   咁無計啦   買咗 1 斤   我覺得豆角栗米咁樣先夾嘛   粟米就係之前煲湯用唔哂   所以就煮埋   今次係第一次用蠔油 + 豉油 + 糖做茨   又好好味喎   好開心呀   因為我不嬲唔煮呢啲茨汁嘅 ~

今晚好攰咁呀   所以都無睇聖經   11 點就瞓喇 ~

瑤柱燜節瓜 + 沙爹鹹酸菜炒牛骨髓 + 肉鬆炒飯 ( 14-JAN-2013 )

( 14-JAN-2013  MON )

今朝里奧大人懶床到 7 點 35 分先起身   反而我又早咗 10 分鐘起身   所以即係等如一齊起身喇 ~

估唔到我要等番佢轉頭   陪佢買埋麵包   去到地鐵站都 8 點 15 分   不過我無咩所謂   因為我坐小巴   車程 10 分鐘已經到菇場附近 lu ~

早餐食芝腿漢堡包   我話唔要牛油   但唔記得問佢會唔會烘熱個包   所以一拎出嚟嘅時候   望到都 Feel 到係凍包囉   最驚咁樣 ~

番到菇場忙咗陣又 Hea 過 lu ~

Lunch 食 Flakes + 朱古力奶   一定要食埋去   因為 2 月到期   唔想掉呀 ~

無啦啦又忙   又要去埋隔離房執嘢   不過咁都好   好快放工   去完超市買嘢就番屋企喇   又係即開機洗衫   依家天氣乾燥   啲衫兩日就乾   幾咁好呀 ~

家姐今晚嚟我屋企拎糖   媽咪咁啱又煮咗沙爹鹹酸菜炒牛骨髓比我試下   所以順便比埋我   佢差唔多 7 點就到   我都唔預備晚餐住喇   同佢傾下計   食下薯片   佢 7 點半走人喇   因為仲要番屋企食飯呢 ~

佢一走   我即入廚房打仗呀   搞掂到 8 點 lu   咁我即刻飲碗隔夜湯   再食埋湯渣   好在里奧大人 8 點半番到屋企   我可以陪佢一齊食餸   唔係我就食先呢 ~    

是日懶餐 - 瑤柱燜節瓜 + 沙爹鹹酸菜炒牛骨髓 + 肉鬆炒飯

瑤柱燜節瓜- 跟 "大師姐" 食譜   因為我想煮啲瓜菜係有茨汁   同埋最緊要可以清咗盒清雞湯   過咗期 5 日喇   好在無壞 ~

沙爹鹹酸菜炒牛骨髓 - 我幾鍾意食鹹酸菜   不過自己唔識整   所以今晚有鹹酸菜食好開心呀   估唔到里奧大人又鍾意   咁下次可以叫媽咪整多啲   我就可以整少一樣餸喇 ~

肉鬆炒飯 - 材料係食剩咗嘅鹹豬手同湯渣嘅豬展   用嚟炒飯最好   加啲肉鬆喺面   里奧大人可以食多啲   因為佢好鍾意食肉鬆   呢個策略萬試萬靈 ~ 

食完飯洗埋碗又 9 點喇   沖完涼再熨衫   之後就休息喇 ~ 

土匪雞翼 + 青紅蘿蔔栗米無花果豬骨湯 ( 13-JAN-2013 )

( 13-JAN-2013  SUN )

8 點幾醒咗   但碌嚟碌去都瞓唔到   所以未夠 9 點就起身   好在又唔覺眼瞓   感恩感恩 ~

咁早起咗身   咁就出廳   靜靜哋整部電話嘅電話簿資料   搞咗個幾鐘先搞掂   差唔多 10 點 10 分   里奧大人啱啱起身   原來佢校錯鬧鐘時間   好在我又早起身   唔係就肯定又番唔到教會呢   而最離奇係佢餵完魚   好愕然見到我坐咗喺梳化 ~

去麥當勞食早餐 Share 一個珍寶餐就好好   因為 Share 食我都覺得好飽下 ~

食完番屋企沖涼   抖陣就番教會   依家我真係用心聽道   真係得着更多呢   "試煉逆境成為生命嘅祝福   上帝能扭轉臨到我哋生活嘅試煉   病患或者挫敗唔係自己想揀嘅   所以要用另一角度 (大喜樂) 去面對   因為結果是值得   有恩典喺當中"   最緊要係令我更加倚靠神呢 ~

崇拜完畢要即走喇   趕住去 GAP 買嘢   尋日想買果兩件都係無   嗚嗚   又話今日會入貨嘅   不過唔緊要   再睇其他款囉   30% Discount 真係幾抵   因為佢哋啲質料都唔錯   我今次都有收穫呀   我哋買咗 7 件衫同 2 條頸巾   差唔多 $1,800   今個月又要慳啲駛 lu ~

買完已經 3 點   要食嘢喇   里奧大人本來諗住去 Triple's O 食 Burger   最後佢又話唔想   其實我都麻麻哋   因為我想食濕嘢多啲   所以里奧大人話去星林居   今次又大碗咗喎   不過食完都係口渴 ~

我嘅豬紅豬潤小鍋米線 (小中辣)   我要多蔥多芫茜   因為配菜多咗   米線就會自動減咗份量呢

里奧大人嘅紫菜豬軟骨小鍋米線 ( 小辣 ) - 里奧大人無多蔥多芫茜   但米線份量都好少  

凍鹹檸七

坐 28 番屋企   我就去埋街市買餸先番屋企喇   番到屋企已經 5 點   真係要拿拿聲煲湯呢 ~   

戰利品 @ GAP

是日懶餐 - 土匪雞翼 + 青紅蘿蔔栗米無花果豬骨湯

土匪雞翼 - 跟 "鬼嫁" 食譜   不過我減咗蒜蓉同黑芝麻   但一樣好味呀   但里奧大人話味道唔夠出   之後我先醒起   12 隻雞翼就落孜然粉 1 湯匙   我記錯係 1 茶匙   咁我 5 隻就減半份量   落咗半茶匙   唔怪得之啲味唔出啦 ~  

青紅蘿蔔栗米無花果豬骨湯 - 因為尋晚拎埋條豬骨   所以煲湯當豬骨用嘛   再買多 $20 豬展   再加多 2 條紅蘿蔔 + 1 條青蘿蔔 + 2 條粟米 + 3 粒無花果 + 2 粒蜜棗 + 南北杏   2/3 煲水   今次超好味呀   里奧大人話好清甜   但唔係無味嗰隻   唔知係咪加咗隻鹹豬骨關係呢 ~

9 點先沖涼   呢排條腰同膊頭有啲痛   所以按摩下   好似鬆咗啲   之後食下零食   里奧大人又啱啱做完公司嘢   所以睇下電視   星期日無咩電視好睇   好多時都係睇番之前錄咗嘅劇集   明珠台啲劇集真係好多都好睇   但翡翠台嗰啲就真係越做越唔掂囉 ~  

今晚 11 點要瞓喇   星期一多數要懶一懶床先起身呢 ~

King Ludwig Beerhall @ 尖沙咀 ( 12-JAN-2013 )

脆皮燒豬肘配酸椰菜及薯仔 ($195) - 塊皮脆到呢   我真係食到好滿足呀   因為里奧大人食咗好少皮   呵呵   好在啲肉又唔係好鹹   不過最後都食唔哂啲肉   要打包呢

大大條骨 / 厚厚嘅皮 / 啖啖嘅肉   啱哂食肉獸呢

好在有酸菜消滯

呢個 Waiter 密密切豬手

農夫麵包配牛仔肝醬及香草芝士 ($40) - 真係超級勁好味   個包煙煙韌韌   配埋啲醬真係絕配

Maisel's Weisse (alc. 4.8% vol) Wheat Beer Germany - 0.5 Ltr. ($64) - 麥味重   不過我無咩研究   哈哈

( 12-JAN-2013  SAT )

今年轉咗第 2 個星期六 Off   真係要好好記得囉   因為好驚記錯自己 Off 呢 ~

同里奧大人 10 點 45 起身   梳洗後就去金姆指食早餐 lu ~

番到屋企抖陣   又諗唔到有咩地方好去   咁里奧大人就話去開電話   之後再去旺角睇電話套   夜晚去尖沙咀食德國豬手   樣樣都我鍾意   咁更係好啦 ~

沖完涼就出發買機喇   我今次轉用 Samsung GALAXY Note 2 LTE   因為我想個屏幕大啲   同埋 I-Phone 5 好似無咩特別咁   里奧大人之前又試過同事部 Note 2   覺得觸控好過之前嗰啲好多   同埋影相顏色都唔錯 (不過都係 I-phone 顏色靚啲)   呵呵   提早收生日禮物真係好開心呀 ~

買電話都搞咗半個鐘   企到腳遠   搞掂哂就去 Apple 買 Earphone   買完搭地鐵出旺角   落樓梯時有人搭我地膊頭   但我 Feel 到唔係里奧大人   原來係兒甥女   佢啱啱放工走呢 ~

我哋去女人街睇下有咩電話套   平平哋買番個算喇   我想買嗰個電話套時   覺得好熟面口   里奧大人就話咪係想喺泰國買嗰個囉   嗰次想買   不過係 For I-phone 5   所以里奧大人話唔好買   好在真係無買   因為我無諗過自己會轉用 Samsung 呀 ~

買完就去正宗上海生煎皇食嘢   味道一般啦   好在唔係特登出旺角食咋 ~

京汁茄子 ($18) - 好細粒咋   有 2 粒好似粒骰咁細咋   
紅油抄手 ($26) - 無咩特別   啲豬肉係 一 Patt 嘢咁嘅
生煎包 ($15) - 真係無咩特別囉
灌湯小籠包 ($ 28) - 又係細細粒都唔緊要   不過唔係粒粒灌湯囉
凍豆漿 ($8) - 我無飲

我初初以為食完番屋企   點知里奧大人話梗唔會啦   原來我 Get 錯咗佢意思   我換咗個細袋   所以帶唔到 Hand Cream 同潤唇膏   又無諗過直落嘛   可能太乾燥   我又無搽潤唇膏   個咀唇好痛   同埋開始敏感添呀   不過我堅持唔會買潤唇膏 ~  

食完坐 1A 去尖沙咀   去 McCafe 飲杯熱 Mocha ($15) 同埋食 New York Cheese Cake ($27)   其實我覺得 McCafe 嘅咖啡好飲過 Starbucks   以前去 Starbucks 飲咖啡真係好 Relax   雖然間間都好迫   咁都唔係問題   最大問題係依家好多自由行去   嘈過街市呀 ~

Mocha ($15) - 飲第一啖覺得個身好暖好舒服   但其實我覺得呢日係好熱㗎喎
New York Cheese Cake ($27) - OK 啦   因為勁想食   點都要買嚟食

食完抖陣就去 Gateway 行下   估唔到 GAP 又有 30% Discount   所以里奧大人買咗 1 件衫   想要嗰啲又無貨   要聽日再嚟過呢 ~

Book 咗 6 點半去 King Ludwig Beerhall   去到都差唔多 Full   雖然咁多人   但一啲都唔會好嘈   實在太好喇 ~

其實里奧大人知我好想食德國鹹豬手同農夫包   所以一定會同我食到為止   同埋我真係好想帶佢試下   不過佢見到隻豬手就諗番起佢以前出 Trip 去德國   晚晚食鹹豬手同腸   佢話佢同事可以食得哂一隻鹹豬手   咁我覺得真係好勁呢   因為我哋兩個人都食唔哂嘛 ~

差唔多 8 點就走喇   一出餐廳門口就有巴士番到屋企   實在太方便   我仲開心   因為行去巴士站時見到有張 $10 想飛走   我即刻踩住   里奧大人都唔知咩事   之後我話如果我上車前無人嚟攞番   我就要㗎喇   到上車前都無人攞番   無啦啦賺咗 $10 ~

番到屋企開機洗衫   沖完涼再熨衫   搞掂哂就睇電視   里奧大人就幫我整電話   無計啦   我唔識嘛 ~