團年飯 @ 姑奶屋企 ( 26-JAN-2013 )

腐皮卷

炸豬扒 / 花生燜豬手 / 臘鴨餅 + 臘腸 + 潤腸 / 茄汁蝦碌 / 西蘭花

仲有蒜蓉帶子煎粉絲 / 蒸石斑仔同花膠雞湯   不過太餓喇   所以唔想再去拎相機

( 26-JAN-2013  SAT )

依家如果我同 8 卦喺星期六都要番工嘅話   多數會約埋一齊食早餐   因為佢多數早落車   有時間食早餐   如果無約佢   我就會瞓到 8 點 10 分先起身   約佢我就要 7 點 45 分起身喇   唔想太遲   其實因為想早過佢   咁我就可以唔駛食得咁急呢 ~

今次我早咗   去到食早餐果間餐廳居然無西式早餐食   所以即轉場 ~ 

呢間完全唔掂   咖啡苦澀難飲都無咩所謂   因為我飲幾啖嘅啫   但唔熱就真係好有所謂喇   所以呢間應該唔會再食㗎喇 ~

我嘅香茅牛肉纖麥麵 (少麵) - 真係好少   幾啖食哂   感覺好似喺 8 卦碗麵度拎啲比我咁   哈哈

8 卦嘅醬燒骨纖麥麵

阿 Head 放假    但我都要忙到 11 點囉   其實仲有嘢做   不過真係唔想做 ~

好快就放工喇   今日搭地鐵去九龍灣  約咗里奧大人一齊去 Smartone 整嘢   我勁想食麥當勞薯條呀   間唔中就會好想食咁呢   食完就去交團費 lu ~

雙牛芝堡 / 扭扭薯條

招財福堡 (牛肉)

Mocha - 勁想飲   點知....   尖沙咀果間好飲好多好多   呢間唔夠熱 @.@   今日不宜飲咖啡

去埋 Uniqlo 買嘢就番到屋企   已經 4 點   里奧大人就瞓陣   我就睇下雜誌咁啦   真係唔可以話瞓就瞓 ~

今晚去姑奶屋企食團年飯   所以同里奧大人 6 點出門口   因為想去官塘廣場食冷冷撈呀   食完行一陣  再埋 4 對襪就走人喇   因為約咗水姑一齊上去呢 ~  

7 點半開飯   食下坐下傾下   9 點幾大家都要走人喇 ~

仲落緊雨   覺得好凍咁呀   所以都係坐的士番屋企   最緊要快 ~