輕鬆一下 @ 葵涌廣場 ( 11-JAN-2013 )

水餃麻辣肉醬米線

潮式魚皮餃米線

( 11-JAN-2013  FRI )

呢幾晚好似無咁凍   不過之前放咗張珊瑚絨毯喺床面   唔想拎嚟拎去嘛   所以有時半夜會熱醒 ~

里奧大人今日上大陸   所以鬧鐘 7 點就響   之後我都醒咗   不過唔想咁早起身   懶床到 7 點 35 分先起身梳洗   朝早起身實凍   所以會沖熱水涼   嗰刻覺得好舒服   但出門口行多兩行就覺得好熱囉 ~

今朝食芝士蛋漢堡包   不過食唔哂塊包   下次索性叫佢少油少蛋   咁應該會食得哂 ~

番到菇場即刻開工   因為要整埋尋晚嘅手尾   差唔多 10 點就搞掂   可以 Hea 過喇 ~

Lunch 食辛辣杯麵   好耐係食杯麵喇   又幾好味噃   最開心係食完唔駛洗呢 ~

放工即走喇   今晚約咗 CC 去葵涌廣場買衫   我去到都係 6 點 10 分   但 CC 就 6 點 15 分先放工   我買完軟糖比家姐就諗住搵地方坐坐   好感恩依家商場有地方坐   咁我可以抖陣先   留番啲腳骨力一齊行呀 ~

CC 差唔多 7 點就到   我同佢講由樓上開始行   睇多幾間先買   佢居然第一句就話妳都認唔到路啦   見啱就買喇   哈哈   好了解我呀下   我同親邊個講話我帶路   佢地個個都好驚咁呢   我承認我係路盲   係無方向感   所以佢哋成日都會講我識楂車   點解無方向感   大佬呀   我考咗車牌   但無楂過車㗎噃 ~

行呀行   差唔多 8 點半就去食嘢   我勁想食水餃   所以去輕鬆一下食水餃米線呢 ~

食完再行   因為頭先搵唔到邊度   我又衰   CC 話 3 樓   我話肯定係 2 樓   點知原來真係 3 樓 ~

今次搭地鐵喇   上次坐小巴去荃灣都好耐   唔想嘥時間呀 ~

依家要慳錢   所以今次只係買咗 2 件衫同 1 條皮帶   估唔到自己可以忍手   好開心呀   同埋真係無咩款啱   下次應該唔嚟㗎喇 ~ 

我食薯片等里奧大人番屋企   佢成 11 點幾先番到屋企呀   見我食薯片佢又食   之後佢仲話沖涼完再出嚟食薯片飲啤酒   實在太好喇   因為佢好耐無咁 Relax 喇   我聽日又 Off   所以我都陪佢一齊睇電視啦   咁啱 Cable 做 "撕票風雲"   咁一路食一路睇   睇完都成 1 點   要瞓喇 ~

$3.20 / 100g   買咗 $40 比家姐   重到呢

泰國買嘅龍蝦味薯片 - 好味呀   酸酸甜甜辣辣   可惜 Expiry Date 係 2 月   所以買咗 4 包咋   我同家姐每人 2 包