八方雲集餃子專門店 @ 九龍灣 ( 16-MAR-2014 )

( 16-MAR-2014  SUN )

今朝里奧大人 9 點 45 分已經醒咗   不過我懶床   懶到 10 點 10 分先醒   之後即梳洗   但叫里奧大人落去搵定位先   咁我就唔駛咁趕呢 ~

番到屋企即沖涼洗頭   之後就番教會喇 ~

行咗陣商場就番屋企   抖到 2 點幾又食 Tea   又行陣商場先番屋企呢 ~

瑞士汁干炒牛河

星洲炒米 - 同我煮嘅一樣   無味的

我食完就番屋企喇   里奧大人諗住去剪髮   不過要等   所以佢唔等 lu   又自己番番屋企 ~  

因為我本護照差唔多到期   所以去快圖美影証件相   $65 有 8 張相   不過里奧大人要埋個 File 上網申請護照   咁就要 $95 喇   我覺得好貴呀   因為我真係好耐無影証件相咯 ~

我又唔知道唔可以帶有色髮夾   咁要即刻除啦   夾完啲頭髮好怪家嘛   好在最後個髮型都正正常常   有個女仔好好人呀   話借過黑色髮夾比我   不過我當然唔要啦   咁貼身嘅嘢   我又唔識佢喎   所以唔會用呢 ~

搞掂哂就番屋企   之後我就熨衫   差唔多 5 點髮型師 Whatsapp 里奧大人   話依家無客   叫佢落嚟剪   咁里奧大人都即刻出門口喇   咁我熨完衫之後再抹書房同櫃   原來已經 6 點半   里奧大人打嚟問餓唔餓   我話唔得呀   所以佢番上嚟屋企先 ~

7 點半出去食餃子   依家都唔駛點樣排隊等位   真係實在太好喇 ~

沖完涼再食生果   睇埋 "心計" 就瞓 lu   今晚 11 點瞓   其實唔眼瞓   但又唔想睇電視   所以都係入房瞓算喇 ~