忘不了拉麵小籠包 @ 官塘 ( 13-SEP-2014 )

蜀都燻魚 - 唔好食   哈哈  

蔥爆牛肉 (配薄餅) - 一般啦

滬江炸醬麵 - 睇 Menu 好深色好吸引㗎噃

( 13-SEP-2014  SAT )

因為我要清假   所以請星期六   其實我得番 1 日半咁大把   所以慢慢拻   哈哈 ~

今朝同里奧大人自然醒   但我 9 點幾都醒咗 lu   咁我見里奧大人企咗起身   我咪問佢係咪起身食早餐喇   之後佢擰轉頭話我黐線   咁鬼大聲   嚇死佢喎   因為佢話諗住靜靜哋出去   唔嘈住我   但其實我都醒醒哋啦   佢黐線就真 ~

去 Delifrance 食早餐   坐得舒服   但得牛角包好食   其他無厘味道   同埋杯凍咖啡唔好飲   熱都係唔好飲㗎   所以應該唔會再黎食 lu ~

里奧大人話想同我出去行   但其實佢有嘢做   不過其實我都真係唔想出街囉   好鬼熱呀   情願喺屋企執下嘢好過   我執好個廚房同零食櫃   都用咗 2 個幾鐘   出咗成身汗   所以唔再執其他嘢喇   要沖涼休息呢 ~

2 點幾去麥當勞食 Tea   估唔到唔駛排隊仲大把位   其實過期食物同地溝油呢啲   大公司都咁   何況細公司呢   依家講出嚟嗰啲食店都只係冰山一角   所以我哋已經食唔少啦   真係唔驚得咁多囉   種子都有假啦   依家啲人無哂良心㗎喇   真係等天收囉   為咗賺錢妄顧人命   真係夠哂賤 ~

食完就自己去惠康買嘢   里奧大人就番屋企做公司嘢 ~

差唔多 5 點半家姐打嚟   話煲咗西洋菜生魚湯   問我要唔要   我更要啦   所以一陣去停車場交收呢 ~

拎完湯番屋企就走喇   去官塘廣場買電腦袋比晴晴 Daddy   里奧大人要買把風扇仔比我   驚我喺醫院好熱呀   因為上次醫院真係好鬼熱囉 ~

搞掂哂就去食嘢   食完就搭地鐵番屋企 lu ~

超勁熱   所以即沖涼   里奧大人就做嘢做到 9 點半   話唔做喎   陪下我睇電視 ~

聽朝番主日學   11 點半要瞓喇 ~