Babymama: 11月 2014

2014年11月30日星期日

臘肉蒸節瓜 + 煎鯧魚 ( 30-NOV-2014 )

( 30-NOV-2014 SUN )

今朝鬧鐘 10 點響因為諗住番教會嘛咁里奧大人出去梳洗先我就諗住瞓到佢搞掂為止點知我一瞓就瞓到 10 點 45 分因為里奧大人次次見我瞓到咁林就唔會叫醒我㗎喇 ~

咁都番唔切教會 lu 所以可以唔駛咁趕梳洗呢 ~

食完早餐行陣就番屋企都已經 12 點喇抖陣就要執衫喇今次掉咗 1 袋衫依家最好嘅係有回收箱呢啲咁真係唔會嘥囉因為真係有啲無着過有啲連價錢牌都無拻呢最驚比里奧大人睇到哈哈 ~

今日勁焗熱呀無風嘅所有里奧大人話要開冷氣咁佢真係覺得熱㗎喇唔係得我一個熱 ~

執呀執執到 2 點呀約咗家姐嚟屋企拎醋順便比埋薑餅人禮物佢佢一見到就話講咗唔要囉做咩又買里奧大人又講番話咗送又唔送好似好衰咁之後家姐拎個 Mug 出嚟睇里奧大人話第時咩就可以用家姐又話係呀佢都咁諗咁我以為叫家姐擺啲錢入去啦點知我再諗終於知佢地講咩啦頂佢話裝骨灰呀我話咁大個 Mug 裝埋一齊都仲大把位呀哈哈 ~

淘大依家開咗間 Pizza Hut 所以去食 Tea 因為我有 3 送 1 coupon ~

我鍾意呢個水樽

意大利菜湯我覺得好酸不過家姐話唔酸喎

俄羅斯沙律三式拚盤

大蝦鮮茄特脆 - 好耐無食過 Pizza Hut 嘅 Pizza 又幾好味噃

超級至尊迷你必勝批 - 仍都好耐無食厚批都覺得好好味呢

蜜桃脆金寶 - 家姐話食 Tea 唔想咁飽所以食甜品細細個都唔錯

食完就番屋企喇家姐坐到 5 點就走 lu 里奧大人去徑步我就熨衫之後預備晚餐 lu ~

是日晚餐 - 臘肉蒸節瓜 + 煎鯧魚

臘肉蒸節瓜 - 之前喺榮華買咗條臘肉估唔到甜甜咃幾好味因為我印象之中臘肉好鹹好硬咁囉 ~

煎鯧魚 - 媽咪買㗎今晚終於清哂喇明明新鮮都變冰鮮哈哈 ~

今晚 7 點食搞掂哂沖埋涼都係 9 點咁睇 " 老表你好 Hea " 大結局我睇啲唔睇啲咁啦不過都唔好睇嘅 ~

雖然唔眼瞓但 11 點幾都要瞓喇聽日正式番工㗎喇哈哈 ~

2014年11月29日星期六

大快活 @ 九龍灣 ( 29-NOV-2014 )

( 29-NOV-2014 SAT )

個半月病假話咁快就放完 lu 今日要番工喇家姐同里奧大人都話今日留半日好 Warm Up 下嘛 ~

估唔到我真係有啲緊張噃尋晚瞓得勁差呀但又唔係番新工點解會緊張嘅呢 ?!

7 點 45 分起身當然都係食埋早餐先番菇場啦 ~

無食個幾月啫點解會細咗咁多嘅 Size 係大過奶皇包少少咋

居然忙喎都話次次星期六都好忙㗎啦邪爆不過我都無咩點做嘢呀 8 卦係咁同我 Skype 佢話個半月無同我吹水要瘋狂吹水呀要講番哂個半月無講嘅嘢喎但真係傾到放工真係攰過做嘢哈哈 ~

放工即走喇番到屋企見里奧大人影相原來佢靜靜雞買咗麥當勞嘅 "薑餅人暖意套裝" 比我同家姐呀因為我之前叫佢送比我哋嘅咁搞笑啦尋晚我哋 3 個一齊睇我同家姐都話唔要啦好似無咩用點知里奧大人話喎之前話咗送就送唔送好似好衰咁 ~

里奧大人好有心機擺噃

我話我都擺得唔錯㗎喎

每 Set 有 5 塊薑餅人

同埋 5 張咖啡劵

2 點幾勁餓呀所以去譚仔食米線不過我話唔要食小辣咁運囉咁要 2 小辣啦但好似仲辣過小辣定我太耐無食辣所以少少都覺得辣呢 ~

食完就同里奧大人去 Taste 行下啦不過佢對超市真係毫不感到興趣所以兜個圈就走喇佢話番屋企瞓喎咁好啦我都 Load 相 lu ~

想打邊爐呀即約家姐啦但佢已經買咗餸所以唔打喎之後問我唔同我打邊爐會唔會嬲我話梗係唔會嬲啦嬲咩喎咁我同里奧大人出去打都得家嘛 ~

6 點 45 分落去吉野家不過無哂位 lu 咁去稻香啦話今晚已經比人包場定咩咁去大家樂又無位喎無計啦去大快活囉但佢地係三文魚頭邊爐我見到成個生嘅三文魚頭已經好驚啦我仲以為喺湯入面添咁都唔再周圍去喇喺大快活食嘢算喇 ~

食完再去 Taste 買醋 $198/3 支比支家姐其實都抵因為新開張買滿 $200 就可以用 $18 Coupon 最感恩係可以買媽咪買到最後 3 Pack 保利脫脂奶每 Pack $35.5 上幾日同媽咪買佢話 $38.5 已經叫平添喇 ~

買完番屋企喇沖埋涼抖陣就同里奧大人睇 "3 Idiots" 勁好睇呀 ~

水姑買咗 10 個橙比我哋所以叫佢伙記約里奧大人交收差唔多 11 點呀好在未瞓咋 ~

今晚勁呀又係差唔多 1 點先瞓 ~

2014年11月28日星期五

元氣壽司 @ 九龍灣 + 椰絲奶皇糯米糍 ( 28-NOV-2014 )

蟹肉三文魚子丼

海鹽赤海蝦

海膽

三文魚籽軍艦

海膽墨魚軍艦

厚燒玉子

炸蝦天婦羅

三文魚 + 三文魚腩

羅勒香草赤海蝦

飛魚子軍艦

炸三文魚皮 - 超乾超硬食完之後勁反胃唔知係咪太油呢

帆立貝裙邊

家姐話我知 "玉米蝦船 " 啲字調轉咗

我想換月曆但要食夠 $250 先換到所以食到差唔多飽再計條數之後再食但其實好鬼飽最後點計條數都有啲出入好在最後都係 $256.8 埋單如果係 $249.8 我哋會打爆里奧大人因為佢同我哋計條數㗎

家姐警告我叫我點都要每月食一次元氣因為咁辛苦先拎到個月曆哈哈

( 28-NOV-2014 FRI )

尋晚 2 點幾里奧大人熱醒咗開完冷氣之後瞓唔番所以出廳睇戲囉咁今朝里奧大人鬧鐘響我都繼續瞓啦之後佢話今日唔番工咁都好啦我 Last Day 休息嘛哈哈不過佢都講明話今日都會做公司嘢囉 ~

我其實 9 點都醒咗但見里奧大人仲瞓緊咁我都懶床啦懶到 10 點真係懶唔到喇要起身喇咁啱里奧大人都醒咗 lu 咁一齊食早餐啦我有啲餓喇 ~

好似條蛇呀

食完行陣番到屋企都 11 點要即沖涼啦約咗媽咪飲茶嘛 ~

本來里奧大人話一齊飲不過公司有煩嘢要同大陸同事跟所以唔嚟 lu ~

鮮蝦炸雲吞

家鄉咸肉糉

家鄉煎薄撐

香芋鴨腳扎

蠔皇鮮竹卷

今日飲到 1 點半咋因為媽咪驚里奧大人餓喎送埋媽咪搭車就番屋企但里奧大人仲未搞掂咁我自己去 Taste 行下今日新開張人又唔算話好多但嘈到爆囉 ~

買完包無花果就走喇都差唔多 3 點幾喇打比里奧大人叫佢好食嘢無啦啦話想食炒飯平時我煮飯又話要食麵衰爆 ~

我驚要最低消費所以叫奶油脆豬囉

食完又行陣原來百佳廣場 Closed 前日先聽啲 Staff 話裝修㗎噃我都奇怪㗎喇無理由又百佳又 Taste 囉因為 Taste 係貴價百佳嘛無理由自己人打自己人囉 ~

勁多人買呀我聽到有個女人話今朝比人買哂呀因為買一磅送一磅一磅係 $59.6 其實我都唔知咩價不過見好多人搶住買咁又見啱啱開箱我又買囉咁可以比啲媽咪