長洲一日遊 + 越中意 @ 北角 (PART 2/2) ( 15-NOV-2014 )

Part 2/2

差唔多 4 點喇   里奧大人話回程會好快   因為無咩嘢再影   點知都係行下影下咁呢 ~

人影我影人


我鍾意呢棵植物呀

恐怖

圓形嘅葉都幾得意

心型葉  

我勁鍾意呢棵花   5 顏 6 色好靚   不過好難影啦   啲風吹到佢不停咁郁   哈哈   最後里奧大人話我知呢棵叫 "五色蘭"

又抖下先

我着平底鞋嘛   所以行呢啲路都幾辛苦   里奧大人話當行石春路喎   對身體好呀 

里奧大人番工嘅背囊   去街嘅背囊   同埋相機嘅背囊都係黑色   無問題   唔好拎錯就得喇   哈哈

周圍都見到呢啲 "山火拍"   我離遠睇以為掛住好多爛布   哈哈

我以為係蘆薈   但咁平坦又唔似喎   但見到啲刺就驚啦

睇下有咩嘢景好觀賞先

無咩景啫

粒粒脹卜卜   好似幾甜幾多汁咁

另一邊係無光   其實都幾陰沉

行呀行

望見家鄉喇

行下抖下又影下相   回程番去都差唔多行咗 2 個鐘   我真係好勁㗎喇   行到咁耐 ~

好似玉石   好假呀
再嚟

咁多人着紅色嘅

細細隻好得意

之後經過球場   見到隻金毛勁過癮   企喺度睇人打波   仲好興奮咁跟住啲波聲走添   我勁想摸佢㗎   不過有啲驚   所以都係走啦   咁之後睇完嘢   再望番隻金毛仍然睇緊人打波   里奧大人話去影相啦   隻狗個樣咁純唔駛驚   咁好啦   我又去影   人生第一次摸咁大隻狗係唔駛人陪住摸   之前家姐屋企有隻大狗   我係黐住家姐隻手去摸隻狗   驚佢咬我嘛   哈哈 ~

隻狗好似笑咁

睇得幾咁入神呀

初初諗住攞角度扮摸隻狗   點知原來行到咁開   哈哈   因為我真係好驚嘛

原來呢間屋咁有特色   次次經過都無留意添

再翻轉頭同隻狗影相先   因為里奧大人話隻狗好純   唔駛驚喎   其實我隻手係好細力摸佢㗎咋   但影出嚟好似抓住佢咁   哈哈

再摸多次   隻手都係抓住佢咁   哈哈   不過今次就行近佢好多呢

買埋雞屎滕同芝麻糕就去碼頭喇   5 點去到   5 點 15 分開大船   實在太感恩喇   唔駛等嘛 ~

無咩人坐   第一次見咋

可能係大船關係   超級定呀   無作嘔嘅感覺 ~

里奧大人走去船尾影鹹蛋黃   之後好興奮叫我出去又影下呀   因為我哋好難得見到日落呢 ~

用 GF5 影嘅鹹蛋黃

鹹蛋黃呢埋 lu

用大機影嘅細細粒鹹蛋黃   我覺得 GF5 影得靚啲 

雞屎滕 - 雖然佢樣衰衰   但我好鍾意食㗎   清熱氣嘛

芝麻糕 - 超級超級勁勁勁難食

差唔多到碼頭喇

仲係咁多人睇 Iphone 呢

搭地鐵去北角買 Face Lotion   之後就食嘢喇   其實唔餓囉   但里奧大人話餓喎 ~

食咗一半已經超飽   所以迫里奧大人食埋去呀

里奧大人食豬頸肉湯檬

8 點半坐巴士   番到屋企都差唔多 9 點   對腳開始勁勁勁痛喇   沖完涼要即腳底按摩   不過按完都仲痛 ~

食埋生果   睇陣電視   12 點幾先瞓呀 ~ 
   
因為做咗會員就有印花   集齊 5 個印花   之後買滿 $200 就送 $100 禮品   所以揀多支 Body Lotion ($98)