百樂門國際宴會廳 @ 九龍灣 ( 9-NOV-2014 )

惹味黑椒牛仔骨 - 有得睇無得食最慘   所以最後都忍唔住呀   食咗啲洋蔥   同埋用咗少少汁送飯

香橙西檸雞

瑤柱上湯什菜煲

排骨煲林菜心

唔記得叫咩名   個湯係胡椒湯   好好飲呀

( 9-NOV-2014  SUN )

尋晚好好瞓呀   瞓到 9 點半就自然醒   里奧大人都醒埋   所以去食早餐喇   依家唔鍾意里奧大人成日一坐低就拎手機出黎篤篤篤   就算幫我整嘢搵嘢都好   我話整都唔係食嘢時整   難得一齊食嘢嘛   同埋我把聲唔係難聽呀   只係把口講唔停之嘛   嘩哈哈 ~

又係不得不讚自己勁   因為無味湯底都照食   但其實真係好想落辣椒油   哈哈 

我話想同媽咪 家姐飲茶   咁里奧大人話唔番教會   咁早啲去飲茶   好開心呀   因為如果番教會   去到酒樓又好晏   但其實真係唔想奉獻完就即走嘅感覺囉 ~

12 點半去到酒樓   諗住媽咪攞位   估唔到我哋攞完位   佢先嚟到   時間啱啱好   無耐家姐都嚟埋 lu ~

我食緊嘅時候   家姐陰陰咀笑同里奧大人講   話我應該好鍾意食   因為平時食咩嘢都會問佢哋食唔食先喎   咁又係呀   臘腸卷係我叫㗎   呢期勁想食臘腸   可能依家食嘢太清   想食啲濃味嘢

飲到 2 點半就各自歸家喇   差唔多 4 點有啲攰   想瞓又唔想瞓咁   但里奧大人話佢瞓喎   係都要我瞓   瞓咗半個鐘   精神真係好好多   希望夜晚瞓得着啦   哈哈 ~

要將啲冬季衫換膠袋   用咗差唔多 1 個鐘   2 姑奶 5 點幾打嚟話請我食飯   話出院之後要搵下我呀   所以今晚都係唔煮喇   去舖頭拎嘢順便食飯   一舉兩得 ~

里奧大人啲裇衫   加加埋埋起碼有 4x 件   上次我執自己嘅褲仲勁   又係 4x 條   最勁係 98% 係黑色   因為我覺得好着就會買幾條   CC 話啲人會以為我無洗褲喎   哈哈

叫埋水姑一齊食飯   佢原來 Book 埋百樂門   仲諗住去翠河食添 ~

食完都 9 點喇   要番舖頭拎嘢   之後打的番屋企 lu ~

沖完涼   睇下電視   話咁快 11 點幾   係時候瞓喇 ~