長洲一日遊 + 越中意 @ 北角 (PART 1/2) ( 15-NOV-2014 )

( 15-NOV-2014  SAT )

今朝同里奧大人 9 點 15 分都自然醒咗 lu   去太興食早餐   今日天氣唔錯   可以去南丫島行山喇 ~

食完就番屋企沖涼   11 點半出發   坐 619 再轉 307   差唔多 12 點半到碼頭   但去南丫島要 1 點 05 分先開   但去長洲就 12 點 45 分開喇   所以轉場去長洲喇   其實我本身都想去長洲多啲   因為想行小長城呀 ~

今次居然有啲暈船浪   雖然坐快船只係半個鐘   快就快   不過好 "浪"   所以有啲想嘔   勁驚呀   好在合埋眼聽下歌好啲 ~

估唔到長洲唔係咁多人   實在太好喇   因為次次黎長洲都好鬼多人呢 ~

喺長洲見到啲渡假屋   都有好多回憶㗎

天氣好好呀   非常之感恩呢

紅葉 ?!   有個男人好搞笑   見住佢望完里奧大人又望我   望完我又望里奧大人   最後都係叫里奧大人幫佢同屋企人喺呢度影張相   咩先  拎細機先係 Pro 呀   哈哈   里奧大人幫人影相又係好認真   仲一定要影 2-3 張   如果同我影仲勁   要攞哂角度㗎   行左 3 步   行前 4 步咁   不過其實佢係最鍾意偷影   哈哈

原來都已經 1 點 15 分喇   里奧大人話可以去食嘢 ~

勁想食芒果糯米糍   但 $9/個   我同里奧大人講話貴呀   唔好買喇   之後佢即比錢買比我食   幾咁快手呀   不過佢哋就咁比張紙巾包住咋   如果唔小心跌落地就慘 lu   

個皮都煙韌   不過個皮好薄   對我黎講就無咩口感   好似食緊芒果咁囉 

椒鹽鮮魷 - OK 啦   不過最後都食唔哂   因為我好飽

豉椒炒蜆 - 已經叫加辣   但無味嘅 

小炒皇 - 我唔係想食呢啲小炒皇囉

蒜蓉蒸扇貝 (送) - 蒜蓉勁好味呀

椒絲腐乳炒通菜 (送) - OK 啦

藍妹啤酒 (大) - 里奧大人問我飲唔飲   飲就叫大支喎   我話飲少少咋喎   即係幾啖咁囉   我唔太好啤酒家嘛 

所有嘢齊哂   但其實張枱都唔夠位擺囉

我哋叫 3 款

原來 3 款係送扇貝同炒菜   我仲以為仲扇貝一樣添

都好多人食㗎   所以試下呢間囉   

食完都 2 點半   出發去小長城喇   咁去 OK 買定支茶先   唔係一陣脫水就慘   咁問埋職員點去小長城啦   佢話行條好斜嘅樓梯就見到   比佢咁講完   里奧大人就驚我唔掂啦   不過我話我行過丹霞山之後   都 OK 行到嘅   同埋我依家好鍾意行路   唔怕呢 ~   

我好鍾意睇聖誕嘢   見到紅紅綠綠好鬼開心呢   衰里奧大人話我着呢件衫好似監犯

好耐無坐呢啲單車   記得嗰時同同學一齊踩大怪獸    因為我哋揀啲唔平嘅路踩   之後反車   好在無事咋    

路牌指示清晰   唔會行錯啩

但唔可以比我見太多   我會好亂   哈哈

經過遊樂場 

見到酒店就知點行 lu   因為直路一條   哈哈

原來紮哂馬影相   我初初以為個女人隻右手放喺後面   再睇真啲   原來係袋嚟嘅

都係里奧大人影得好啲   哈哈

用女朋友影㗎   成日唔記得可以 Zoom 嚟影   次次都係里奧大人提醒

繼續行   見到南丫島喎

回程仍然見佢坐喺度釣魚

好重咁   見佢哋拎得都幾吃力   

差唔多到 "小長城" 喇


好在有人行咋   如果得我同里奧大人兩個行   真係驚㗎


其實都唔係好斜啫

好似栱橋   仍都似魔爪   里奧大人同 8 卦成日話經過我把口都無好嘢   哈哈

里奧大人話上網啲人話見到個亭就係到咗小長城   真係小啲眼力都唔得呀   哈哈

真的嗎 ?!


再睇清楚點行先   不過係里奧大人睇啦   佢好驚好驚我帶路㗎   哈哈哈哈

開始行喇

跟住唔會錯啦

想睇呢啲石

其實啲時間點 Count 嘅呢 

行喇又   有扶手就最好啦   安全啲嘛   

行下影下

影張相先

呢個男人坐得好危險   我睇住佢擒出去坐㗎   幾驚佢跳落去自殺呀   坐喺度睇真係正好多咩 ?!

我以為係男人

里奧大人影咗呢張   係咩石呢 ?!

唯有三分形象   七分想像啦

卧貓石

唔知呢個係咩石

仍都唔知呢舊係咩石   我覺得好似女人挨住個男人好恩愛咁   哈哈

呢日未完㗎 ^^