蕃茄吞拿魚螺絲粉 + 桑寄生蓮子蛋茶 ( 11-APR-2017 )

( 11-APR-2017  TUE )

今朝里奧大人要 9 點前番公司 Conference Call Meeting   所以佢係要 6 點 45 分起身   但我起身去廁所嘅時候   望個鐘已經係 6 點 50 分   咁我即叫里奧大人起身啦   好在尋晚佢講咗話今朝要 6 點 45 分起身咋   唔係佢就無時間食早餐㗎喇   之後佢話原來佢教咗夜晚 6 點 45 分鬧鐘響   救命 ~

咁我都瞓到 7 點 40 分先起身   精神爽利呀 ~

早餐食芝腿治   好味道 ~



菇場忙下停下   但諗起之後放幾日復活節假就好開心呢   哈哈 ~

食完 Lunch 即去超市買片糖   因為今晚要煲桑寄生蓮子蛋茶 ~



里奧大人今晚同客去灣仔食飯   咁今晚真係要的起心肝煮螺絲粉喇 ~

番到屋企即浸好桑寄生同蓮子   之後就熨 2 機衫   但其實一路熨衫一路煮嘢   因為要淥雞蛋同粟米   之後又淥螺絲粉   最後都只係熨得 1 機衫   食完嘢先再熨 ~ 

是日懶餐 - 蕃茄吞拿魚螺絲粉 + 桑寄生蓮子蛋茶

蕃茄吞拿魚螺絲粉 - 呢個配搭勁喇   集合於隔夜同過期於一身   螺絲粉原來 4 月 1 日已經到期   吞拿魚就 5 月到期   咁粟米同蕃茄叫做最新鮮   因為係星期日買嘅   哈哈   我懶到蒸熟粟米拻粒粒   之後加埋蕃茄同吞拿魚兜幾兜就上碟   完全唔駛加油   勁方便   一個人食真係簡單好多   依家仲有 3 罐吞拿魚   里奧大人又唔鍾意食   咁下次整三文治算喇 ~

桑寄生蓮子蛋茶 - 家姐同事話每月一到前/後飲幾日   真係唔痛喎   咁我又試下先   反正桑寄生都有益呢   最緊要夠平   飲多啲都唔驚   哈哈 ~ 

里奧大人見我食蝦條同糖水   問我係咪無食嘢 ?!   我話有呀   佢話睇我咁食嘢   以為我無食晚餐   哈哈   鬼咩   諗住留番碗糖水同蛋佢食   佢話好飽唔食喎   咁我咪食埋去囉   食到就嚟中蛋毒了 ~

11 點幾瞓喇   今晚真係攰   哈哈 ~