壽司盛合 @ 九龍灣 ( 26-SEP-2017 )

( 26-SEP-2017  TUE )

今朝里奧大人 5 點半起身   又係叫佢帶齊嘢   我就瞓番 lu   感恩都瞓到 ~

早餐食醬占包   酸酸咪咪都唔錯   但其實又唔係咁想食甜嘢   哈哈 ~



菇場唔太忙   可以抖抖   做下自己嘢 ~    

同 8 卦唔知講開咩   我話你依家起間 XXX 紀念中學囉   佢話 "Choi"   我話係咪死咗先可以起㗎 ?!   佢又話唔知   咁 Choi 咩喎 ~

Lunch Time 出去食雲吞米   等我食完之後   就同 8 卦一齊去圖書館   不過借唔到佢要嘅書囉   咁番菇場喇   條街勁熱 ~



忙下停下   好快放工   今晚去 mega BOX 拎雪糕月餅   咁順便行下 AEON Supermarket   比我見到原味 100 Plus 只係 $3 支咋   勁開心 ~

咁食埋嘢先啦   勁想食壽司呀又   最感恩係可以買到熟嘅壽司   仲要由 $32 減到 $25   之後同家姐講啦   問佢幾錢   佢話 $30 再 9 折  廿七蚊   我話無啦啦做咩有 9 折 ?!   好搞笑囉   之後我話 $25 呀   佢話抵過爭鮮添呀   哈哈 ~

食完夠哂力   再去 Ikea 一轉   睇下有咩嘢買   反正嚟開嘛   不過無嘢買到   其實我好想買嘅一包朱古力   要成 $79 一包   我仲未接受到成舊水買包朱古力囉   太貴喇   如果佢減到 $49 就好啦   我就即買   呵呵   減到 $49 喇喎   都可能就快到期啦   哈哈哈哈 ~

離遠睇以為有得試食呀   心諗發達喇   有我想食嘅朱古力           

      

運完吉就即去 Haagen Daz 拎月餅   因為乾冰只係得一個鐘   我要急步行喇   因為我又要等車   一個鐘真係驚唔多夠㗎 ~

急步去 AEON 買 100 Plus   我唔想拎一支支散開嗰啲   諗住豁出去拎一 Pack 啦   咁包住一 Pack 好拎啲嘛   點知我想要嗰 Pack 係比人拎咗 6 支   咁都好喎   因為原來一 Pack 係好鬼重㗎   拎 18 支都好係嘢呢   咁我仲拎埋盒月餅添   左一袋右一袋   成個機械人咁   真係好 "牙牙咋咋" 呀 ~

番到屋企 7 點 15 分喇   同里奧大人傾陣電話   佢話原來我買咗咁多嘢食比佢   我咪話囉   驚佢唔夠飽   佢話依家食埋啲包就飽得滯   哈哈 ~

唔知今次係咩味道呢

傾完就去徑步   徑咗 35 分鐘   希望遲啲徑到 45 分鐘   但今晚要拖地呀   所以唔想徑咁耐   因為真係幾攰   哈哈 ~

拖埋地就開機洗;衫   之後沖涼休息喇 ~

今晚里奧大人喺工廠過夜   佢 9 點幾都瞓㗎喇   今朝咁早起身   聽朝又 7 點起身   所以 9 點幾瞓都唔早 lu ~

我就睇多陣電視   諗住 10 點半瞓   到最後都係 11 點幾先想瞓呢 ~