Pizza Hut (外賣) @ 家姐屋企 ( 24-SEP-2017 )

滋味 2-3人套餐 ($268) 
鮮茄羅韌大蝦  (普通批) - 家姐想食芝心批呀   咁就叫啦   反正食唔哂可以留番嘛



同家姐食嘢最開心   因為佢咩都食   同埋食唔哂就比佢食   哈哈



辣味雞翼拚意式迷你腸 - 我覺得雞翼無味喎



芝士海鮮焗飯 - 姐夫食咗半盒   佢對 Pizza 無咩興趣



芝士忌廉焗菠菜 - 呢個 OK 呀   可能我好想食菜呀   哈哈   個餐仲有蘑菇忌廉雞湯 + 百事可樂   其實個餐都好抵  

( 24-SEP-2017  SUN )

今朝瞓到 10 點 45 分自然醒   起身都精神呀   感恩感恩 ~

梳洗之後就去食早餐   食完番屋企熨衫   之後沖涼喇 ~



里奧大人 1 點開始瞓晏覺   瞓到 2 點半   餓到我呢   真係唔好睇飲食節目   我就係咁樣   所以越睇越餓呀 ~

3 點先去食下午茶   咁我換咗另一件衫嘛   里奧大人好出奇咁   唔係以為我咁貪靚呀嘛 ?!   我話頭先熨完衫出咗汗   所以咪換另一件囉   放心   我唔會特登着舊啲衫而買新衫喎   呵呵 ~

今次啲燒鴨好靚

         
叉燒都好好靚

唉   唔知做乜鬼   食完之後   個胃有啲痛呀   好在痛咗個幾鐘就無痛   但就唔舒服囉   頂住頂住咁 ~

里奧大人今晚約咗菜菜子同媚媚去尖沙咀食潮菜   咁我就約家姐食飯   佢 5 點半都出門口 lu   我就等家姐通知 ~

家姐 6 點 15 分車我一齊去新都城買嘢   去 759 買完再去廣良興   買零食都買咗 2 百幾蚊   依家啲錢真係好唔見駛   所以唔為食真係慳番好多錢呢   哈哈 ~

等 30 分鐘   咁去百佳行下   想買香蕉   得番 3 隻最靚   家姐話買啦   我話唔係嘛大嫂   排餐隊就咁買 3 隻香蕉 ?!   我唔買呀 ~

咁諗住去買壽司食啦   點知得番三文魚壽司   唔係咁想食囉   咁拎完 Pizza 就去爭鮮買壽司啦   點知想食嘅希靈魚壽司比人買哂呀   嗚嗚   所以家姐即走去問職員仲有無希靈魚壽司   職員話賣哂 lu   我估唔到家姐即刻走去問   好感動呀 ~

之後佢問我係咪好唔開心 ?!   我話係呀   哈哈   家姐話咁又係   好想食又無得食   又話一陣車我去九龍灣爭鮮買嚟食啦   我話唔駛喎   食 Pizza 都夠飽呢 ~      

工人 8 點半番咗來   一番到嚟就放低啲嘢   之後幫我地執枱   佢真係好好   唔會比我哋做任何嘢咁㗎 ~

B 仔挨住我大脾瞓覺呀   所以我唔捨得走呢   呵呵



諗住去新港城拎雪糕月餅   好在家姐睇張 Coupon 寫住時間咋   唔係白去囉   因為拎餅時間只係去到 9 點   我哋睇嘅時候已然 8 點 45 分啦   點飛都飛唔到去囉 ~  

咁家姐車我番屋企嘛   又話車我去九龍灣買壽司   我話唔駛啦   我好飽呀 ~

我 9 點半都走喇   等佢早啲休息 ~

我番到屋企無耐   里奧大人都番到嚟 lu   我即去沖涼   沖完涼再傾   唔係一陣掛住傾   又搞到好夜先沖涼呢 ~

菠蘿乾 ($10) / 魚皮花生 ($14)
齋燒鵝 ($30) / 海苔肉鬆 ($30)   
全部都係兒時零食   魚皮花生真係買少見少   同埋無以前咁好食   無咁脆咁囉     



軟糖就夾咗 $20   過下口癮算喇    



里奧大人買㗎   佢鍾意食腰果   但同時又驚熱氣

睇多陣電視   今晚 11 點唔夠都瞓 lu   突然覺得好攰呀 ~