麻婆茄子肉碎 + 粉葛牛大力土苓豬骨湯 + 牛油曲奇 ( 10-MAR-2018 )

( 10-MAR-2018  SAT )

尋晚里奧大人又成晚發出勁大鼻鼾聲   我有 10 分鐘直頭清醒咗   想起身唔瞓添呀   但望下個鐘只係 3 點幾   無可能唔瞓啦 ~

今朝約咗家姐食早餐   好耐無去麥當勞喇   以前最唔鍾意食塊薯餅   咬哂啲脆邊就唔食㗎喇   呢期就鍾意食薯餅   但家姐頭先話單買一塊要 $9.5   我覺得都貴喎   有時喺超市見一到一 Pack 係 $30 都覺得貴   依家咁講   超市真係好平喎   哈哈哈哈 ~

唔知係咪瞓得唔好   勁反胃   所以轉飲奶茶   我以為奶係分開比   所以無叫少奶   點知原來係落埋奶嘅   唉   唔濃囉   我慣咗飲濃嘅奶茶咖啡   其實唔好   不過要番工就無辦法   哈哈 ~

8 點 45 分走人   感恩大家都好快有車 ~

菇場無啦啦要填電腦資料   搞咗成個鐘   但我好感恩   溫總叫我快啲搵 Admin   又問我搞掂未 ?!   船頭又主動教我點填   所以我都好快搞掂 ~

今朝無王管呀   啲大粒上哂工廠   但老闆娘 11 點番咗嚟囉    不過我唔理佢喇   照 Load 相 ~

我聽到佢問 Receptionist 今日啲同事幾點走 ?!   佢話今日好多嘢做   要 3 點先走   之後 Receptionist 就問幾個揸 Key 人幾點走 ?!   佢哋個個話 1 點走   咁 Receptionist 驚驚哋咁同老闆娘講囉   之後就教佢去鎖門 ~

放工即走   其實大家都係等放工   仲點會同妳開 OT 喎~

里奧大人去姑奶屋企拎嘢   咁我去萬寧買嘢再去買埋豬肉就番屋企 lu ~

番屋企放低嘢都已經 2 點   里奧大人都番到屋企附近   咁一齊食下午茶喇   之後再去萬寧買嘢   買完即番屋企 ~





買 3 支牙膏就送咁多嘢   我比哂鈣思寶比家姐   同埋比 1 支牙膏比佢試下

送埋優惠券 ($8)   即場用埋佢啦   咁啱染髮劑又做特價   再 Mann  Card 95 折   所以今次啲嘢係勁抵買呢

抖到 4 點就預備煲湯   好攰呀   所以都唔做家務喇 ~

飲完湯   7 點半開餐 ~         

是日懶餐 - 麻婆茄子肉碎 + 粉葛牛大力土苓豬骨湯  

麻婆茄子肉碎 - 以為自己買咗魚香茄子醬   原來係無買   得麻婆豆腐醬咋   咁照殺啦   一樣好味道   哈哈   今次買水展   口感唔會 "鞋"   唔錯唔錯 ~

粉葛牛大力土苓豬骨湯 - 呢個去濕湯料都貴喎 ( 粉葛 $22 + 牛大力 $17 + 土伏零 $34 + 西施骨 $35 )   我仲加埋赤小豆 陳皮同蜜棗   其實以前媽咪間唔中都煲呢個湯㗎   我就第一次煲   所 以好驚唔知咩味道   估唔到又好好飲喎   感恩感恩 ~

搞掂哂就抖下   都已經 9 點   咁家姐揸車嚟拎番部 Laptop   我又比埋啲花生油同鈣思寶比佢   屋企又少咁啲嘢   爽呀 ~

之後再同里奧大人去萬寧買焗油   買完即番屋企喇   勁攰 ~   

沖埋涼   之後開機洗衫   食埋生果就焗牛油曲奇喇 ~

牛油過期幾日㗎喇   想快啲清埋去囉 ~

里奧大人話好味道   鍾意啲口感   我就覺得比較軟身   再焗耐啲就硬身少少   算 OK 啦   最緊要清咗半件牛油

12 點幾先瞓   真係好攰呀   哈哈 ~