茄子皇 + 炸魚皮 (外賣) ( 19-MAR-2018 )

( 19-MAR-2018  MON )

呢個月都瞓得超級差   加上天色又昏昏暗暗   潮潮濕濕咁   想精神都難   哈哈 ~

好餓呀   所以食米粉餐 ~



菇場忙下停下   咁都好架   星期一無嘢做會好眼瞓 ~

Lunch Time 未餓   咁出去行陣啦   順便買麵包比里奧大人做早餐   點行都未餓喎   不過個人就有啲攰囉   行到差唔多 1 點就買雞批做 Lunch   估唔到又幾好味 ~

無啦啦勁忙呀   好在食咗個雞批   唔係無精神力氣做嘢 ~

放工即走   難得大粒唔喺度   呵呵 ~

去街市買茄子   之後再去超市買嘢   買完即番屋企喇   今晚好多家務要做呀 ~

醃好豬肉就拖地   再開機洗衫   搞掂哂就飲埋尋晚啲湯   咁今晚就咁食餸就可以 ~

里奧大人 8 點半放工   我要蒸預備晚餐   又要煮個上海麵比佢   所以要捉緊時間   哈哈 ~

是日懶餐 - 茄子皇 + 炸魚皮 (外賣)

茄子皇 - 睇 Youtube 學㗎   但人哋整得好靚   我整到無咩色咁   同埋今次個汁無味咁嘅   好在我加條指天椒咋   其實我想整蒜頭辣椒豆豉汁㗎   不過里奧大人聽日上大陸   唔敢煮辣嘢囉   我好少食蒸茄子   呢隻口感好粉咁囉   但里奧大人話口感唔係咁㗎喎   難得今晚煮新嘢   但樣樣都差啲咁   激氣 ~   

炸魚皮 (外賣) - 去另一間買㗎   里奧大人話好味喎   最緊要唔好話熱氣就得喇 ~

搞掂哂就沖涼   之後休息 lu ~

里奧大人 11 點瞓   我又瞓唔着喎   所以又睇 Youtube   成 12 點半先瞓呀 ~