滷水鵝掌翼 + 紫菜魚蛋上海麵 + 菜心苗 ( 18-APR-2018 )

( 18-APR-2018  WED )

尋晚瞓得都 OK   可能啲天氣涼涼哋呢 ~

早餐食米粉餐   好想食熱嘢呀 ~



菇場勁忙   真係要快啲清哂啲嘢先得 ~

尋晚我煮麵比里奧大人   咁我將隻鑊蓋擺喺爐頭附近   咁我開火之後   去拎麵啦   之後再拎番起隻鑊蓋   嘩   辣到我飛起呀   痛到死呀   平時淥親都唔會淋凍水   但今次要淋 2 轉   仲要諗完都痛   最後要搽寶膚靈   咁先無咁痛咋

今日開始飲中藥   飲完覺得飽哂   下次都係唔好落咁多水   哈哈 





Lunch Time 出去買麵包比里奧大人做早餐   再買埋菠蘿叉燒包比自己做 Lunch ~

仍然忙   放工前終於清咗一樣嘢喇   開心開心 ~

放工去街市買餸   買完即番屋企預備   7 點幾煮完就自己食先 lu ~

抖陣就去徑步   其實今晚有啲攰   好唔想徑步   但咁唔得囉   要堅持呀 ~

徑半個鐘就番屋企   咁見 8 點半   心血來潮就打比里奧大人啦   估唔到佢話放工   咁我都即番屋企煮麵比佢食喇   真係好感恩   之前我唔會打比佢㗎   唔想阻住佢做嘢嘛 ~

是日懶餐 - 滷水鵝掌翼 + 紫菜魚蛋上海麵 + 菜心苗 

滷水鵝掌翼 - 買咗 $47   呢個價錢真係可以食個快餐   不過間唔中想食   都會獎勵下自己嘅   嘻嘻 ~

紫菜魚蛋上海麵 - 終於清埋 2 塊紫菜   無諗過 12 粒潮州白魚蛋要 $23   不過佢話新鮮整嘅   咁我都覺 OK   起碼叫新鮮   依家啲人成日話研制新藥抗癌抗病   倒不如叫啲制造商拎個良心出嚟   唔好加咁多化學嘢仲好啦   將研究嘅錢幫助有需要嘅人仲好 ~

菜心苗 - 好耐無食菜   點都要買嚟食 ~

洗埋碗都 9 點半   係時候沖涼啦 ~

 里奧大人好鍾意食蟠桃   以前啲蟠桃真係又大隻又多汁又甜   依家就無咩味咁   唉



今晚都唔熨衫喇   要比自己好好休息 ~

攰呀   11 點 15 分都瞓了 ~