千兩 @ 九龍塘 ( 7-MAR-2019 )

辣味三文魚軍艦 X 2 ($66) / 山葵八爪魚軍艦 X 1 ($22)
三文魚籽軍艦 X 4 ($92) / 甜蝦蟹膏軍艦 X 2 ($56)

海膽軍艦 X 4 ($116) 

炸蝦卷 ($32)

牛蒡薄脆 ($22)

鵝肝壽司 ($76) 

串燒雞腎 X 2 ($44)

牛油果軟殼蟹卷 ($46)

大吞拿魚腩壽司 X 3 ($138) & 油甘魚腩壽司 X 3 ($66)

日式炸豆腐 ($28)

蜆麵豉湯 ($32) & 巨峰梳打 X 2 ($56)

綠茶雪糕糯米糍 ($38) - 正呀   個皮好煙韌

柚子雪葩 ($28) - 好香柚子味   同埋好消滯   哈哈  

( 7-MAR-2019  THU )

今朝起身仲係唔多舒服   尋晚又瞓得勁差先慘   所以都係唔番工喇   9 點起身打電話番菇場請病假   之後都即刻瞓番 lu ~

瞓到 11 點半   成個人精神哂喇   感恩感恩 ~

即刷牙洗臉去食早餐   之後番屋企 lu ~

難得有精神   所以即拖地抹嘢   之後沖個涼   抖多陣就同里奧大人食 Lunch 喇 ~

香茅雞翼椰漿飯 ($60)

今日里奧大人 3 點喺官塘見客   所以我約佢食 Lunch   之後約埋姑奶拎嘢   搞掂就去 IChi-Cake 買嘢   買完就收到里奧大人電話   估唔到佢啱啱見完客   所以就一齊番屋企 lu ~

番到屋企都 4 點幾   里奧大人就做 Meeting Report   我就上網睇嘢 ~

佢今晚要番學   我就約咗家姐同糟糟食飯   所以差唔多 6 點就一齊出門口 lu ~

一齊搭地鐵   咁我問家姐喺邊   原來佢同我一班車   佢車尾我車頭   咁就好喇   一齊去千兩 ~

因為糟糟要食夠 $1,000 續會   所以家姐又叫埋我   因為呢餐佢請   哈哈 ~

6 點半左右到千兩   叫咗嘢食就陪家姐去 Simply Life 買包   家姐真係好鍾意食包 ~

講開 Berry 姐   糟糟都好奇怪點解我咁鍾意 Berry   但原來糟糟 Daddy 媽咪同家姐都好鍾意 Berry 啦   仲叫家姐養添呀 ~

有次家姐去糟糟屋企打牌   Berry 只會坐喺家姐櫈底   同埋唔會入房   家姐去廁所又喺門口等   最搞笑家姐話 Berry 仲未屙紙   點知籮籮話 Berry 喺佢門口屙咗啦   佢已經執咗搞掂哂喇   糟糟同家姐講話籮籮平時唔會咁㗎   佢都好錫 Berry 喎 ~

咁家姐間唔中會借架車比糟糟   所以一定要上埋佢屋企   糟糟 Daddy 就會話   如果家姐嚟佢屋企   順便帶埋 Berry 一齊嚟   哈哈哈哈 ~

姐夫以前唔比麥包住梳化   依家抱埋 Berry 上梳化一齊睇電視   咁里奧大人都唔會話同麥包一齊影相   但就會同 Berry 一齊自拍   所以 Berry 真係好得每個人嘅歡心   哈哈哈哈 ~

Berry 姐其實真係算死過翻生   家姐話佢初初嚟嘅時候   企唔夠 10 秒就撻低咗   係完全無力㗎   之前仲好輕添呀   得 0.9 Kgs   係比同齡嘅輕一半   Size 仍都比同齡細一半   依家好似 15 磅   但 Size 都係比同齡嘅細少少   始終之前病嘛   發育比較遲 ~

糟糟都勁錫 Berry   家姐話 Berry 啲衫仔唔啱着喇   就即買件比佢   好似件件衫仔都係糟糟送㗎   同埋 Berry 姐有今日嘅身體健康   真係要多謝糟糟   因為佢真係車出車入同 Berry 睇醫生呢 ~

食下傾下   諗住走人   點知張單唔夠 $1,000   所以又食埋甜品先走 ~

咁家姐同同事去旅行   話有一日會跟 Local Tour    我哋又一齊傾下有啲咩玩 ~

家姐話個 Tour 要七百蚊   我同糟糟咪一齊話貴囉   之後再睇有咩要七百蚊咁貴   原來家姐睇錯價錢   再話應該係 3 百幾個 Tour 先啱   但我話都無佢個日子   佢再睇番 Whatsapp 話係正確係 5 百幾   我同糟糟都話比佢搞到亂哂   哈哈 ~

傾多陣都走人   再去 Uniqlo 買 Minions 嘅 Tee   咁家姐順便試埋藍色牛仔褲 Legging   試哂之後話其實想買牛仔褲   我同糟糟咪話囉   以為妳係想買 Legging ~

比埋錢再去睇狗帶   不過無皮嘅   所以都唔買 lu ~

一齊行去地鐵站   糟糟搭小巴   我同家姐就搭地鐵   我送埋家姐上巴士   我都番屋企了 ~

番到屋企都 10 點   沖埋涼   里奧大人就啱啱番嚟 ~

今晚 11 點 15 分都瞓喇   今日撲咗幾輪   都有啲攰   哈哈 ~