加太賀 @ 紅磡 ( 19-OCT-2019 )

蟹籽沙律 ($72) - 好大碟   食得好滿足

我又影唔到點樣大碟   哈哈哈哈

炭燒豬頸肉拉麵 ($72) - 個賣相嚇死人咩

好多豬頸肉   但唔係炭燒囉   好似灼咁   勁難食

每人 1 粒雪糕糯米糍

( 19-OCT-2019  SAT )

今朝同家姐食早餐   但家姐唔想去 Toast Box   因為覺得越嚟越唔好食咁   其實我都覺   但知家姐鍾意飲杯南洋咖啡   所以就照去啦   估唔到今朝話唔去   呵呵 ~

諗住去 MOS Cafe   但個場好焗   所以去 McCafe 喇 ~

家姐 8 點到   我好少喺 McCafe 食早餐   所以等家姐叫啦   佢星期六唔同我食   就會去 McCafe 食   最搞笑佢話凍 Cappuccino $18 好抵   之後叫我睇想飲咩咖啡   我話想飲岩鹽焦糖咖啡   家姐話唔係 $18 㗎   我話又係妳叫我睇飲咩嘅 ~

佢話凍 Cappuccino 先抵   佢番工果區要 $20 㗎   咁我話我都飲凍   其實我都好少飲   哈哈 ~

火腿扒碎蛋芝味多士 - 好味呀

小龍蝦蛋沙律意式包 - 家姐話平時係食呢個   所以叫我試下

粒粒蝦肉   估唔到好多餡

意大利泡沫咖啡 

凍意大利泡沫咖啡

呢餐 $64 都抵   咁我話儲印花   所以我比錢   之後家姐話其實我哋兩姊妹都算唔計較   咁我十分認同啦   哈哈   因為佢次次比親咩嘢錢   都一定唔收我   但如果貴嘅   同埋我講咗話我買呢   我就一定會比番佢   同埋依家唔需要將啲錢塞來塞去   支付寶就可以   呵呵 ~

菇場唔忙   今日無哂大粒   勁爽呀 ~

放工即走   搭巴士去尖沙咀拎藥   2 點去到診所   拎埋藥都 2 點 15 分喇   即搭巴士去家姐屋企附近   之後再車我去佢屋企 ~

3 點左右食午餐   諗住就咁食個出前一丁   點知原來有香蔥魚蛋同魚片頭   所以勁飽 ~

家姐喉嚨唔舒服   話想瞓陣   我話我之得番屋企啦   佢以為我唔開心   我話唔係呀   係唔駛特登陪我呀   唔舒服最緊要休息   搞到我仲唔好意思 ~

我係都叫佢瞓教啦   唔駛理我   我陪 Berry   不過之後我都瞓鬼咗   今日好攰呀   行咗 20 分鐘先去到診所   又熱喎 ~

家姐 5 點起身   我其實都係早佢少少起身咋   哈哈 ~

今晚搵里奧大人食飯   所以我 6 點半都走人   家姐陪我行去巴士站 ~

去到差唔多 7 點半   等埋里奧大人放工就去食飯喇 ~

今晚唔食泰菜喇   去加太賀食嘢   食完都走 lu   想早啲番屋企休息 ~

番到屋企都係 9 點幾   沖埋涼抖陣   11 點幾都瞓喇 ~