BBQ @ 咖啡灣 ( 21-OCT-2019 )

阿喂鍾意玩炭   

里奧大人鍾意玩火   

金菠蘿 / 網瓜好甜呀   青尖椒就好鬼辣   阿喂當菜咁食   勁

泰汁超級好味道   阿 mi 話得我同佢食得哂   我堅鍾意佢整嘅泰汁   次次一定清哂

woo   陣陣涼風

第 1 Round 開始喇

蒜蓉扇貝好味道   阿 mi 知里奧大人鍾意食   所以可以有 2 隻   呵呵

兩公婆招呼兩公婆   哈哈

開蓋睇下啲蠔熟未 ?!

珍珠蠔   有蠔味

紅腸

墨魚 & 蝦肉腐皮卷   見到拔絲   哈哈

豬鞍架 & 蜆

蜆

大廚出場  

之後蝦有蝦燒   人有人涼  

阿喂好有心機燒豬鞍架 

MI 芝蓮大廚用心切豬鞍   哈哈

話咁快切好哂

花竹蝦 - 肉質彈牙

多春魚 - 我開包多春魚   個袋由生結變死結   勁呀呢

要開始食番啲甜嘢   哈哈   我買咗 2 個雞尾包

多春魚 - 有 2 盤呀   食得好滿足   哈哈

網底有 7 條印尼蕃薯 (好似鬧緊人咁   嗰 7 條蕃薯   哈哈)

豬展骨   我鍾意食骨   阿喂比哂我食   呵呵

雞翼個色非常靚仔

丹麥酥包 - 勁似我家姐   佢又係超級愛丹麥酥包架   又鍾意蛋糕同麵包

阿 mi 慢慢烘熱   最要心機反而係燒麵包

燒嘅時候不斷加蜜糖   上碟後再加   勁好味

熱先好味 (點都要讚下自己買嘅嘢   哈哈)

印尼蕃薯 - 好甜呀   蕃薯皮係好似食緊蕃薯乾咁   煙煙韌韌好正㗎

金沙骨   又係阿喂燒架   但可能太厚身   個火又無咁猛   所以剪咗先知有啲未熟   好在阿 mi 睇到   唔係里奧大人又食埋㗎喇

話咁快又 5 點半喇   全日食下傾下真開心

( 21-OCT-2019  MON )

尋晚瞓得麻麻哋   臨瞓前都係唔好睇刺激嘅戲好啲 ~

今朝 9 點 20 分起身都即沖涼   出嚟就鬧鐘響   叫里奧大人快啲起身   哈哈 ~

食埋早餐就番屋企   關好哂所有嘢就出發喇 ~

真係太耐無見喇   雖然喺 Group 成日都傾偈   但都係好掛住佢哋   見下面開心啲家嘛   里奧大人都話掛住佢哋   所以月頭約定 21 號 BBQ   大家日期 OK 就即請假喇   所以好期待今日快啲來臨   哈哈 ~

去到阿 mi 屋企都 12 點   佢地今朝去咗買海鮮   尋日就去青林買肉類   所以次次我同里奧大人真係唔駛預備   只係話食啲咩就有   太幸福啦 ~

又比咗包芒果乾比我   里奧大人話以為牛耳 ~

我又拎咗包豬肉乾 + 米餅   哈哈   又食又拎係我強項   哈哈 ~

搞掂哂就出發   去到都唔記得幾點   因為雙眼只係望有無爐囉 ~

比班尼泊爾人霸咗最靚嘅 4 張枱    咁我哋坐嘅都舒服   雖然有太陽   但同時都有風嘅 ~

今次好懶呀   唔知做咩鬼 3 點左右開始好攰   可能曬咗一輪 ~

其實曬得來又好好風   入夜吹啲風係凍凍哋   勁舒服 ~

今次阿 mi 預嘅份量啱啱好   起碼唔駛拎走   同埋食得哂 ~

諗起第一次燒嘢食   食唔哂要佢打包番屋企   佢食咗 3 餐   之後我哋每燒一次就會預少份量   大家都發覺越來越細食了   哈哈 ~

次次 BBQ   不過其實每次去阿 mi 屋企食飯   都係佢地早一日預備   我同里奧大人真係就咁食就可以   唔駛粗心   真係想搵啲嘢嚟做下都無   哈哈哈哈   感激感激 ~

7 點半走人   坐巴士出去再轉巴士番屋企 ~

架車勁 Chok   搞到我勁唔舒服 ~

我喺阿 mi 個零食盤拎嘅米餅同豬肉乾   右邊包芒果條就係阿 mi 買比我食嘅   但估唔到里奧大人勁鍾意食

阿 mi 知我勁濕疹   所以自家整咗 3 支潤唇膏比我   其中 1 支係搽濕疹手嘅

番到屋企即開機洗衫   之後沖涼   舒服哂 ~

好攰呀   10 點 45 分都自己瞓先喇 ~