住家飯 @ 家姐屋企 ( 14-OCT-2019 )

里奧大人幾咁快手   因為凍咗食會腥呀

蒜蓉粉絲蒸扇貝 - 好味呀 

蒸立魚 - 我知一定有魚食㗎   哈哈

清遠雞 - 雞肉好滑

右邊係沙薑粉 + 紅蔥頭   勁好味呀   

灼海蝦 - 蝦肉好爽

炒菜心 - 我就唔識炒菜   但其實幾鍾意食炒菜

當參杞子圓肉雞湯 - 我好少煲雞湯   所以都鍾意飲呢

唔記得咩梨

家姐同事今朝買咗個蛋糕放喺家姐枱面   勁有心呀   所以家姐即 Send 比我睇   驚我又會買蛋糕呀   哈哈

唱生日歌先搞笑   唱到 Happy Birthday to xxx 就停咗   因為唔知叫咩好   之後我 to 家姐   里奧大人就 to xx   工人就 to 太太   哈哈

家姐切蛋糕喇   之後好大聲話唔記得拎起支蠟燭呀   其實佢唔講   大家都唔為意   哈哈哈哈

家姐同事喺 A1 買嘅   口感實在   所以好飽   哈哈

( 14-OCT-2019  MON )

尋晚瞓得唔係咁好   感恩嘅係起身都精神 ~

早餐食芝腿治烘底   突然間好想食呀 ~

菇場忙爆   所以時間過得勁快 ~

今日又開始連續 5 日中藥   同埋呢排覺得飲玫瑰花茶有啲反胃   慘 ~

Lunch Time 出去行陣   個個同事成日問我會食咩   我次次都會話行陣先   所以依家唔駛答佢哋   佢哋會自動答行陣先   哈哈 ~

試下食豬肉丸河   但唔好味   不過照食哂啦

菇場仍然忙   但好想快啲放工 ~

放工坐小巴去家姐屋企   5 點 58 分落車   勁快   但我要等埋里奧大人一齊去家姐屋企囉   因為驚佢行錯路   最搞笑佢問我識唔識 ?!   大佬   之前我成日自己探 Berry 㗎   點會唔識行呀 ~

里奧大人瞓覺   衰女包都黐住佢

個身好長喇   好掛住佢 BB 嘅時候就任你舞   依家想掂下都難呀   哈哈哈哈

呢個樣都似細個

里奧大人起身   佢又起身   哈哈

依家係男仔樣男仔聲   把聲超級響   里奧大人同工人都話比佢吠到耳仔痛呀

家姐 7 點番到屋企   可以即開飯 lu ~

一路食一路傾   今晚樣樣都鍾意食   同埋今餐係全白肉呀   感覺好健康咁   哈哈 ~

成日啤住我做乜鬼呀

點都唔瞓   哈哈

差唔多 8 點半就食生日蛋糕   真係食到超級飽 ~

9 點左右走喇   因為家姐車我哋番屋企   咁唔咁夜喇 ~

番到屋企即沖涼   之後睇下電視   奧大人 10 點半都瞓 ~

我都好攰呀   所以 10 點 45 分都即瞓覺   哈哈 ~