麻辣手撕雞 (外賣) + 菜心苗 ( 5-DEC-2019 )

( 5-DEC-2019  THU )

今朝真係凍咗好多喎   勁正 ~

早餐食奶醬多   好味道 ~

菇場唔忙   可以做自己嘢 ~

Berry 姐朝早都要蓋張被仔了

Lunch Time 諗住行陣   但落緊毛毛雨   又好鬼凍   所以即去買牛什米就番菇場喇 ~

仍然唔忙   準時放工 ~

落毛毛雨呀   感覺更加凍   買埋菜都即刻飛番屋企喇 ~

浸埋菜   執下嘢又 6 點半   叫里奧大人番屋企前去買半隻麻辣手撕雞   今晚唔想煮餸呀 ~

是日懶餐 - 麻辣手撕雞 (外賣) + 菜心苗

麻辣手撕雞 (外賣) - 依家要小辣都好辣下喎   所以之前里奧大人成日以為我唔係買小辣囉 ~

菜心苗 - 買咗半斤   菜心苗嘅口感比較硬身啲   咁樣我又鍾意喎 ~

洗埋碗就開機洗衫   沖埋涼就熨衫   之後就到里奧大人接手喇   我要比隻手抖下 ~

睇多陣 Youtube   今晚 11 點唔夠都瞓喇   好鬼凍呢 ~