青咖哩扎肉 + 拿破崙蕃茄味意粉 + 芒果糯米飯 ( 10-MAR-2020 )

( 10-MAR-2020  TUE )

真係唔慣食晚飯飲湯   所以半夜去咗 2 次廁所   一飲湯就係咁 ~

一起身就浸定糯米   咁今晚可以整芒果糯米飯喇 ~

早餐食麥芝蛋包   酸酸哋勁好味   呢排食滯咗   鍾意食酸嘢   哈哈 ~

因為係地舖   對門又開又關   今日又特別大風   真係一開門嘅感覺就好似打風咁   食完份早餐   頭髮都吹到亂哂   成個顛婆咁   所以真係要梳梳頭先走得呀 ~

菇場唔太忙喇   可以抖下   呢排膊頭同腳掌都痛   好似發炎咁   煩呀 ~

Lunch Time 出去買紅腸酸辣米線   好耐無食   真係好期待   但好失望啦   唔酸又唔辣 ~

無啦啦又忙   咁都好   因為勁眼瞓呀   味精太重就會咁 ~

4 點半放工即走   番到屋企睇咗陣 Youtube 都瞓着咗呀   瞓咗半個鐘   起身啱啱 6 點   咁有精神就煮飯了   順便蒸埋啲糯米 ~

原來里奧大人唔記得 8 點要 Conf Call   大佬   我 7 點先搞掂   真係要快快手食喇 ~

是日懶餐 - 青咖哩扎肉 + 拿破崙蕃茄味意粉

青咖哩扎肉 - 以前只買黑椒味道   但上次家姐比條我試之後   原來青咖哩仲好味 ~

拿破崙蕃茄味意粉 - 呢 2 包意粉係食午餐送㗎   唔想成日見到   所以食埋去   因為我唔係咁鍾意食呢啲即食意粉   今次煮多咗汁   包裝教係要收汁㗎   但里奧大人鍾意多啲汁呢 ~  

洗埋碗就沖涼   好在里奧大人 9 點幾傾完 Conf Call   咁我可以整芒果糯米飯喇 ~

想整芒果糯米飯好耐㗎喇   糯米飯分分鐘擺咗一年   椰漿就上個月買   芒果就上星期買   特登買澳洲芒   $35/2 個   但完全無芒果味咁喎   可能我唔識揀   里奧大人話糯米唔夠 Soft   我話未聽過人用 Soft 嚟形容喎 ?!   我估佢應該想講唔夠濕潤   可能我落得唔多椰漿撈飯   等我下次再整多次先   唔好食就唔會再整   哈哈哈哈 ~

洗埋嘢都 10 點喇   呢兩日真係好攰   今晚我 10 點 45 分都要瞓覺喇 ~