菠蘿咕嚕肉 + 梅菜扣排骨 (外賣) ( 12-MAR-2020 )

菠蘿咕嚕肉 + 梅菜扣排骨 ($70/2 款   加 $15 有白飯 2 碗 + 油菜 1 碟 +糖水 2 碗)

( 12-MAR-2020  THU )

今朝里奧大人早咗起身   我都早咗起身   今朝好似又凍凍地咁   但都好舒服   唔好潮濕就可以了 ~

早咗 15 分到茶記   諗住食米粉   但又驚食到好熱   最後食蛋牛治   因為真係唔想食多士呀 ~

菇場忙下停下   好快又 Lunch Time ~

行下再買咗炒果+炒米粉番菇場食   話咁快就開工 ~

米粉得幾啖   越食越貴   越食越細份   唔會再幫襯喇應該

菇場唔忙喇   又做自己嘢啦 ~

做做下嘢嘅時候   突然間覺得自己點解咁舒服咁嘅 ?!?!   原來唔記得帶口罩呀   之後即刻帶番啦   因為菇場要每個員工都要帶口罩呀 ~

4 點半即走   約咗姊妹 K 喺淘大等呀   佢比南非國寶茶比我   估唔到佢個女都嚟埋   仲買咗個 Custard Bun 比我食   好感動呀 ~

傾咗陣就走喇   去 Taste 諗住無鹽牛油同齋滷味   但無齋滷味   咁唔緊要啦   我最想只係買無鹽牛油   不過最驚喜居然見到有韓國魚餅   所以即買 ~

買埋菜用牛展   啱啱好 $100.1   本身諗住比 2 張 $50 Coupon   但今日有 92 折  咁梗係簽卡啦   連收銀員都話我計得啱啱好   哈哈   其實我都唔知啱啱好㗎 ~

本身諗住無齋滷味就去太興買燻蹄   點知上到車先醒起   不過唔番轉頭喇   番屋企算喇 ~

番到屋企抹嘢   再熨兩機衫   里奧大人本身 4 點半放工   點知 7 點半先放工   所以叫佢喺大家樂買外賣番屋企食呢 ~

佢哋話好好飲   搵晚試下先

呢排成日想食甜嘢   今晚又有得食 Cream Bun   勁開心呢

沖埋涼就等開飯啦   原來佢要拎埋淘寶   不過我沖咗涼   所以我唔出去喇 ~

食完都 9 點幾   好在我無煮飯   唔係咁夜仲要洗碗   我會發脾氣㗎   雖然好衰咁   但真係唔鍾意好似由朝做到晚咁囉 ~

家姐 10 點又 Video Call   次次一打來   感覺我好似移咗民咁   哈哈 ~

一傾又半個鐘   今次 Berry 無理我啦   攰到咩反應都無   見佢中眼瞓好搞笑 ~

我 11 點幾都瞓喇   里奧大人繼續追劇   我其實 10 點幾已經想瞓   但食飽飯無耐   真係唔敢瞓囉 ~