燒汁煎豬扒 + 蕃茄南瓜湯 ( 5-AUG-2020 )

( 5-AUG-2020  WED )

半夜又流汗   成頸係汗呀   要沖涼   沖完涼之後   一出來又覺得冷氣好凍 ~

今朝瞓到 8 點半都起咗身   咁梳洗完之後就食早餐喇 ~

食完玩陣手機   之後就抹嘢拖地   搞掂哂又執廚柜   乜都抹到乾乾淨淨   搞掂哂就沖涼 ~

好攰呀   原來都已經 11 點半  時間都過得好快 ~

1 點開始餓   咁即預熱焗爐 10 分鐘   再焗熱豬扒飯 15 分鐘   點知唔熱嘅   又焗多 15 分鐘   加加埋埋用咗 40 分鐘   真係好日唔餓   但一餓又要等 40 分鐘先食得   哈哈 ~

食完就抖下   睇下 Youtube   3 點開始飯氣攻心   一瞓瞓到 3 點 40 分   好在朝早做咗家務   流咗好多汗   唔係都覺得自己幾似隻豬咁   食飽就瞓   瞓飽就食 ~

5 點就預備煲湯   里奧大人放工   我就開始煮飯喇   今晚 7 點可以開餐 ~   

是日懶餐 - 燒汁煎豬扒 + 蕃茄南瓜湯

燒汁煎豬扒 - 本身諗住蕃茄豬扒意涕粉   但尋日又整咗蕃茄豬扒飯   所以都係整燒汁好啲   咁又無青紅椒   好似好單調咁   反正屋企好多蒜頭同乾蔥   切片加燒汁炒   原來咁係好好味   嘻嘻 ~ 

蕃茄南瓜湯 - 無買粟米   估唔到又好味道喎   有南瓜香味   今次加咗茄膏   襯記得就用喇   好過浪費 ~

今朝大清潔完廚房   但今晚都要再次大清潔   真係攰過煮呀   哈哈 ~

沖埋涼就休息   里奧大人 8 點開會   8 點半就開完   咁算好快喇 ~

我同里奧大人講話今晚要用鹽水漱口   佢即好大反應問係咪喉嚨唔舒服 ?!   我話唔係呀   兩日無用鹽水漱口   我覺得係時候要用番囉 ~

聽日要番工   所以 11 點都瞓喇 ~