辣肉腸茄汁螺絲粉 + 自家制鴛鴦麵包 ( 9-OCT-2020 )

( 9-OCT-2020  FRI )

尋晚都瞓得唔錯  感恩感恩 ~

今朝又涼咗   實在太舒服喇   真係好鍾意秋天嘅感覺 ~

早餐食腿蛋治   食食下就同溫總傾偈   大家都話依家冷氣係超級凍   因為阿爽成日覺得好熱   次次一番到菇場就校 19 度   但佢自己動作又大到死   原來溫總都覺得係   明知血壓高又怕熱   好心細動作啲啦   一坐低又鍾意係咁大力 "dum" 腳   一係就敲筆   永遠唔可以靜嘅   麻鬼煩 ~

菇場忙到   搞掂哂都 11 點半   再過 15 分鐘就 Lunch Time ~

眼瞓又唔瞓

但之後一秒瞓低   哈哈哈哈

8 卦無啦啦同我講話飲完咖啡好利尿   我話不嬲都係咁啦   係都唔信我   之後佢話佢堅少飲咖啡唔知嘛   哈哈   鬧錯佢添   佢啲語氣勁似家姐咁㗎   好似好慘咁呢 ~

Lunch Time 就出去行陣   順便打簿同買瓜菜   再買埋 Lunch 就番菇場喇 ~

明明話要辣椒油   職員仲答我好   白雪雪真係唔太吸引   好在我有包甜豉油咋   不過其實清清哋都唔錯   呢排係咁爆瘡

菇場忙呀   忙到 5 點 ~

放工即走   番到屋企沖埋涼就抖陣   等里奧大人差唔多放工   就預備晚餐 ~

里奧大人 7 點放工   但上唔到車又要等   所以 8 點先番到屋企   叫佢沖埋涼就食飯   咁食完先繼續做公司嘢 ~

是日晚餐 - 辣肉腸茄汁螺絲粉 + 自家制鴛鴦麵包

辣肉腸茄汁螺絲粉 - 終於清埋最後 3 條辣肉腸   其實雪柜仲有嘢要清   好在呢排天氣涼涼哋   煮嘢都無咁辛苦   可以繼續清冰格食物   哈哈 ~

自家制鴛鴦麵包 - 里奧大人同事星期三比我㗎   今晚點都要食   咁啱今日煮所謂嘅西餐   加埋條粟米   簡直完美呀   本身我想食菜心   但堅持今晚要西餐   所以唔買喇   哈哈 ~

今晚煮完要等里奧大人   所以襯呢段時間就大清潔廚房   其實邊煮邊洗都幾好   感覺唔駛食完做咁多嘢   但我就比較少機會會咁 ~

沖埋涼就休息   無啦啦好頭暈呀   我同里奧大人講話如果我暈咗唔駛驚   拎塊熱浪薯片比我聞下   如果唔醒先 Call 999   佢話無我咁好氣   仲話根本扶唔起我   必須要 Call 999 先呀   哈哈哈哈 ~

今晚 10 點半都瞓喇   呢排都好快眼瞓   咁都唔錯   可以瞓 9 個鐘 ~