雲吞 + 菜肉餃 & 炸魚皮 (外賣) ( 12-FEB-2022 )

( 12-FEB-2022  SAT )

今朝 9 點半都起身   之後就食早餐 ~

之前食剩一塊排包   咁加片芝士再焗熱   里奧大人話好食呀   不過佢好懶   成日就咁搽花生醬果占   所以今朝特登整比佢試下

抖陣就大清潔   熨埋衫就沖涼休息一下 ~

12 點半左右都要食 Lunch 喇   因為里奧大人要番工 ~

家姐 Whatsapp 問我食咩 ?!   我一影排骨飯同雞扎   佢就即刻整喊樣   哈哈哈哈   佢最驚飲茶㗎

諗住溫書   家姐無啦啦又叫我打比佢   如果無咩嘢   就多數 Whatsapp 講呢   所以一定有嘢好想同我講先咁 ~

因為自從有咗 Whatsapp 之後   佢一定係 Say Hi 先   之後我又 Say Hi   咁佢知我即係得閒同埋無瞓覺   佢就會叫我打比佢 ~

原來佢出完去整嘢   咁啱有車番屋企   所以即上車   之後知道姐夫食咗嘢   佢自己食午餐   話之得搵我食午餐   依家好後悔上咗車   哈哈哈哈 ~

佢應該覺得內疚無陪我   我真係覺得好搞笑   我話我都唔悶   喺屋企做家務好忙㗎   同埋我又要溫書   真係唔悶囉   不過我點講都無用   佢覺得我一個人喺屋企   佢無悶我就會覺得佢自己好衰咁㗎 ~

2 點開始溫書喇   溫到 4 點開始眼瞓   其實尋晚瞓得唔好   所以我都想補眠 ~

今次直接上床瞓   一瞓就瞓到 5 點   但起身嗰下喺度諗   里奧大人係咪已經起身番工 ?!   哈哈哈哈 ~

家姐 6 點又打嚟問食咩   又再問悶唔悶 ?!   我話妳難得今日唔駛去整嘢   真係喺屋企抖下好過啦   佢話估唔到都瞓咗 1 個鐘   我話咪係囉   如果我嚟   邊度有時間瞓呀 ?!

又傾咗成半個鐘   臨尾嗰句都係問係咪真係唔悶架 ?!?!   真係笑死   哈哈 ~

里奧大人 8 點幾放工   今晚淥水餃   所以都好方便 ~

食完就沖涼   之後休息 lu   又睇 Youtube 睇到 12 點呀 ~