泡菜炒肉碎 + 昆明生菜 ( 18-OCT-2022 )

( 18-OCT-2022  TUE )

今朝好凍咁   不過都無着外套   因為行下行下又會覺得熱   唔想着一次洗一次   哈哈 ~

早餐食醬占多   又突然間想食甜嘢 ~

菇場 Server 壞咗上唔到網   好在頭先搞掂哂啲嘢咋   唔係又要趕餐死呢 ~

Lunch Time 出去行咗半個鐘   又大風又落微微雨   所以都快啲番菇場喇 ~

唔知食咩好呀   咁食個杯麵   好想食熱嘢呀   哈哈 ~

無得上網就睇咗一陣靈修書   比自己安靜下都好㗎 ~

大風加上落雨   真係超級凍   我覺得氣溫好似突然下降咗 10 度咁 ~

番到屋企都預備晚餐   好想快啲食飯   因為覺得好凍   想快啲做完嘢就休息呢 ~

是日晚餐 - 泡菜炒肉碎 + 昆明生菜

泡菜炒肉碎 - 呢個餸真係好味道架   煮法又簡單呢 ~      

昆明生菜 - 又係好方便   淥兩淥搞掂 ~ 

洗完碗就開機洗衫   沖埋涼就休息休息 ~

人參果 $25/2 磅   所以又買嚟食下   呢期人參果都甜呀

差唔多 10 點 45 分都瞓喇   今晚唔駛開冷氣   因為就咁開風扇都覺得凍添呀 ~