泰式大拚盤 & 香草辣椒肉碎煎蛋飯 (外賣) ( 11-NOV-2022 )

泰式大拚盤 - 想食好耐啦   喺屋企食最好   咁里奧大人可以飲啤酒清熱氣

香草辣椒肉碎煎蛋飯 - 特登叫比里奧大人食咋   我食咗下午茶有啲滯   唔係咁想食飯

 ( 11-NOV-2022  FRI )

尋晚瞓到半夜   里奧大人話好熱要開冷氣   不過佢話我瞓喺佢身邊   真係零捨熱呀   佢之前晏覺瞓晏覺係蓋 2 張被都覺得凍   但我喺度呢   就一張被都覺得有啲熱   所以媽咪同家姐話好鍾意喺冬天嘅時候攬住我   因為我係人肉暖爐呀   哈哈 ~

早餐仍然食蛋糕   但叫里奧大人唔好再買   唔係唔好食   不過好涸喉咁囉 ~

切開一條條   咁樣易食啲   里奧大人見到就叫我唔好咁辛苦   我話切開啫

一入到菇場   一陣青紅蘿蔔湯味道   即係臭屁味   我去到 Pantry 即刻睇鞋底   以為自己踩狗紙呀   之後我問 8 卦聞唔聞到 ?!   佢都話聞到一陣酸叔味咁呀 ~

菇場唔太忙   因為我要抖下   成日望住新 System 對眼超級攰 ~

Lunch Time 去買菜   之後又買炒麵番菇場喇 ~

里奧大人見到狐獴嘅片就 Send 比我睇   知我勁鍾意呀   我叫呢隻動物做 "阿檬"   之前喺廣州嘅動物園見過真身   係超級細隻   成日企定定周圍望   好得意呢

忙下停下   又傾下偈   咁樣無咁悶   哈哈 ~

成隻狐狸咁

真開心佢大隻咗   諗番起家姐問我   Berry 大個咗會唔會無咁鍾意佢 ?!?!   我話點會㗎   Berry 就係 Berry   細個大個甚至老咗   我都一樣會咁鍾意 Berry 女囉

瞓得好林咁噃

3 點左右食下午茶   因為老闆生日呀   真係好喇 ~

我仲飲紅豆冰添   因為張下午茶 List 只係寫飲品   無諗過額外有西餅食   其實我都奇怪   老闆唔會咁孤寒囉   我同 8 卦話單叫飲品仲貴   反正買西餅   咁叫一個下午茶餐仲平呢

放工就去姑奶屋企拎嘢   又傾下偈咁   差唔多 6 點半都走喇   之後買埋外賣就番屋企 lu ~

沖完涼就開機洗衫   之後先開餐呢 ~

今晚 "下流上車族" 大結局   都好感人   真心羨慕一家人齊齊整整咁   雖然爸爸媽咪唔喺度   但慶幸細過都有影全家福   感恩我人生中嘅童年   真係過得好幸福快樂呢 ~

睇多陣 Youtube   其實 10 點半想瞓   但睇到個 Topic 幾吸引   咁繼續睇啦   但睇到 10 點 55 分都頂唔順   要即刻去瞓覺呀 ~