Babymama: 11月 2023

2023年11月30日星期四

臘腸潤腸拚臘肉 + 菜心苗 ( 30-NOV-2023 )

( 30-NOV-2023 THU )

尋晚半夜去咗次廁所今朝又係鬧鐵響就醒咗不過仍然都係等響咗先起身 ~

早餐又係食甜餐包夾芝士奶茶都係 Share 飲 ~

我同里奧大人講話今朝熱咗咁嘅估唔到佢都話係等我仲特登拎件長袖外套出嚟添 ~

食完就靈修 20 分鐘依家多數搭 8 點幾班車咁樣就有時間靈修 ~

菇場唔忙啦同阿花 Whatsapp 佢話 Felix 今日嚟香港我話完全唔知佢話我已經退出咗韓國娛樂圈我覺得呢句好好笑 ~

Lunch Time 同阿花船頭行去 AIRSIDE 嘅 Citysuper 不過佢哋食完嘢先行但我唔餓呀所以我自己行去先行咗半個鐘先番菇場 ~

呢隻軟糖係我廿幾年前食過當時只係 $10 我每次去 Citysuper 都會買之後好似唔見咗一排今次終於見到但就唔會買住因為想食哂屋企啲糖先買如果味道同口感同以前一樣就會買盒比家姐食

番到菇場都 12 點 40 分所以食即食烏冬但其實仲未餓不過唔食又唔得一陣餓就煩哈哈 ~

船頭買咗盒 Mask 佢比 1 塊比我我話唔要喇我屋企有好多呀但佢係都要比我

菇場唔忙呀繼續做自己嘢 ~

放工即走番到屋企即預備晚餐諗住只係蒸同淥係好快手啦但差唔多 6 點 45 分先開餐 ~

是日懶餐 - 臘腸潤腸拚臘肉 + 菜心苗

臘腸潤腸拚臘肉 - 今次喺祥興買㗎見好多人買我又買臘潤腸比較淡反而我鍾意臘肉就入味同埋都好新鮮因為口感係軟身以前好驚食臘肉㗎因為硬崩崩其實可能放得耐得滯呀哈哈 ~

菜心苗 - 依家 1 斤兩餐食都夠同埋 2 斤又唔係平好多最慘係有時唔煮又要留番即係 2 斤菜可能放成個星期我唔係咁想啦 ~

洗埋碗就開機洗衫再做小清潔搞掂就沖涼里奧大人就去做運動 ~

抖陣就熨衫之後睇下 Youtube 同打機又打到 11 點先瞓 ~

2023年11月29日星期三

醬爆牛仔骨 + 剁椒菜心苗 ( 29-NOV-2023 )

( 29-NOV-2023 WED )

好感恩又一覺瞓天光鬧鐘未響都已經醒不過我點都唔會起身住哈哈 ~

早餐食甜餐包夾芝士個麵包又係越來越細了 ~

呢排有時 9 點先番到菇場今朝 8 點幾番到覺得做咗好多嘢都未 9 點咁哈哈 ~

菇場忙咗陣就做自己嘢咁啲時間就過得好快 ~

Lunch Time 出去行下就去食牛筋米食完就去 DAISO 買嘢估唔到喺街撞到阿 Jack 上次又係呢度咁上下位置撞到 Ivy 真係好有緣哈哈 ~

忙下停下又做下自己嘢咁都好㗎唔駛咁悶 ~

今日里奧大人公司有人請食餅因為個女生咗 BB 咁我之前話要士多啤梨蛋糕但無哂佢話本身想改芝士蛋糕但攞唔走所以轉食朱古力蛋糕

之後阿妹 Whatsapp 比我話記得提里奧大人拎走咁我即問里奧大人做咩有我份嘅 ?! 因為佢已經食咗件咁我就唔會有嘛佢話阿妹係都要買件比我呀好感動呢

終於明白點解里奧大人話攞唔走因為之前係獨立一個盒嘛依家係幾件放一個盒之後里奧大人見到有玻璃盒裝住比我話原來可以留之後唔食件朱古力蛋糕啦哈哈 ~

放工即走番到屋企都即預備因為里奧大人已經番到屋企 ~

是日晚餐 - 醬爆牛仔骨 + 剁椒菜心苗

醬爆牛仔骨 - 之前買咗包醬爆牛仔骨醬汁咁今晚一定用啦里奧大人話啲肉好韌我話牛仔骨已經骨不成骨因為我焗完一陣就將骨同肉剪開連筋都剪開埋最後先煮肉同埋我話將啲肉已經剁咗9萬次㗎喇之後佢話可能係急凍再話牛仔骨好難煮一塊牛扒就易煮我其實都好感動因為佢唔覺得係我煮成咁哈哈 ~

剁椒菜心苗 - 樽剁椒應該食多 1 次就食完之後肯定唔會再買㗎喇 ~

洗埋碗就小清潔再開機洗衫里奧大人就去做運動我就沖涼休息 ~

我鍾意食芝士蛋糕其實我對任何芝士嘅嘢都鍾意㗎

今晚又焗蕃薯比里奧大人食佢都係鍾意食黃芯蕃薯不過我話仲有好多韓國蕃茄點都要一齊食呀哈哈

打機打到 11 點幾瞓里奧大人話咩 Game 咁好玩我話其實獎勵 4 小時我咪想玩耐啲囉但一定無可能玩足 4 個鐘玩完真係連命都無哈哈 ~

2023年11月28日星期二

椒鹽豬扒拚京都骨飯 + 魚香茄子拚涼瓜排骨飯 (外賣) ( 28-NOV-2023 )

椒鹽豬扒拚京都骨飯 - 兩個餸都好味但其實餸同飯都食剩大半咁里奧大人聽日有飯帶了

魚香茄子拚涼瓜排骨飯 - 我多數食哂有汁嘅餸先所以呢兩個餸就食得哂喇

勁哥就食肉餅拚四季豆我買嘅時候見到西蘭花新鮮出爐所以問佢食唔食 ?! 佢話唔食咁當我比錢嘅時候見到係裝咗西蘭花好在比我見到佢裝錯咗咋唔係就唔好意思買錯比人嘛勁哥係咁問幾錢 ?! 里奧大人話唔駛不過我幫得佢買其實都預咗唔收錢呢

( 28-NOV-2023 TUE )

感恩一覺瞓天光呀里奧大人話半夜熱醒要開冷氣我真係完全唔知添呀 ~

早餐食窩夫搽牛油花生醬真係好味好多不過用多咗時間 ~

食完就靈修 20 分鐘其實我鍾意朝早靈修因為全日最精神就係朝早嘛 ~

菇場唔忙但 10 點又要開會傾 System 一個好廢嘅問題可以用 45 分鐘去傾真係救命咁 11 點 44 分高佬手機響就出去聽之後一去無回頭我哋就傾到 12 點 ~

同小雪佢哋一齊搭 Lift 佢哋話高佬肯定去咗食飯咁就真係好心啦自己 In-charge 都偷走 ~

好餓呀所以去食牛筋河之後再行到 12 點 50 分先番菇場 ~

真係好鍾意多蔥

牛筋份量都唔少㗎

忙咗陣就要去開會之後有 Urgent 又出嚟做完又開會終於 5 點 23 分開完會又話下次再嚟其實佢未整好個 System 加上只係做模擬記錄咁聽完即做又有人教做就梗係易啦 ~

放工即走今晚里奧大人同勁哥一齊聽講座感恩我搭到快車所以買埋晚餐比佢哋食喇 ~

我哋一路食一路傾傾到差唔多 6 點 45 分都要走喇因為佢哋要去搭車呢 ~

我就諗住去間麵包店買麵包但搵極都搵唔到所以又周圍行下差唔多 8 點先番到屋企原來行咗個幾鐘了 ~

沖埋涼就抖陣之後熨衫 ~

今晚試下焗蕃薯我覺得算成功呀韓國蕃薯又甜又糯好在特價嘅時候買到哈哈

里奧大人 9 點 50 分番到屋企仲諗住佢 10 點幾先番到嚟添 ~

睇睇下電視里奧大人問我做乜唔瞓覺 ?! 我以為已經 11 點幾望下個鐘原來只係 10 點 29 分 ~

不過我打多陣機今晚 10 點 40 分都瞓覺 lu ~

2023年11月27日星期一

韭菜水餃 + 紫菜鱈魚丸湯 (外賣) ( 27-NOV-2023 )

( 27-NOV-2023 MON )

感恩一覺瞓天光呀因為星期一都想精神啲番工嘛哈哈 ~

早餐食金文粒芝士花包都幾好味但唔係成日會經過買到 ~

菇場忙咗陣就可以 Hea 咁又做自己嘢啦 ~

見到佢笑我就會笑哈哈

Lunch Time 出去行陣再去一田買韓國蕃薯買完都番菇場喇 ~

個名咁長我會直接講日本蕃薯

韓國袋裝蕃薯 ($29.8/2 件) - 買咗4袋呢排好想食蕃薯

李錦記醬爆牛仔骨醬 (2 包) & 麻婆豆腐醬 (1 包) ($16) - 依家出面買起碼 $6 包咁啱想整牛仔骨所以就買喇

午餐食 Flakes + 乳酪好在上次睇到乳酪係 12 月到期唔係擺下擺下又過期咁樣好浪費啦 ~

仍然唔忙都係做自己嘢 ~

放工即走里奧大人今日去送機之後再番學所以我自己食晚餐呢 ~

食完就休息下之後番學喇 ~

今晚同學員一齊預備排演但我哋 Team 到正式排演只係得 2 個人另外 1 Team 得 1 個人添咋所以唯有 Combine 為 1 Team 人啦其實咁樣仲好呀我哋唔駛做呀因為佢哋已經做哂哈哈哈哈 ~

10 點左右放學番到屋企都即沖涼喇 ~

打陣機又傾陣偈今晚 11 點半先瞓 ~

2023年11月26日星期日

打邊爐 ( 26-NOV-2023 )

今次湯底都係用李錦記沙爹火鍋上湯

美國安格斯牛板腱 - 買半磅 ($48) 就夠唔想食唔哂又擺落冰格

蝦滑 - 里奧大人鍾意食咁一定會買比佢

差啲唔記得韓國廣島蠔嘅存在雜丸就一粒都無食過之得唔買啦哈哈

水魷 / 牛柏葉 - 兩樣加埋 $76 次次都咁上下價錢但今次食到每樣一半已經好脹胃但又唔想留番下次就咁買水魷算喇因為一個人咁食好辛苦哈哈

炸魚皮 - 今次斬脆但個味道好似唔同咗

鳳城水餃 & 招牌鮮蝦雲吞 - 食剩 5 粒實在食唔落喇咁睇下聽日里奧大人食唔食先

我諗緊呢塊係咩嘢嚟 ?! 之後望真啲原來係蝦滑因為里奧大人就咁直接片落去唔係整到圓型先放落去呀

( 27-NOV-2023 SUN )

今朝我鬧鐘響先里奧大人話做乜佢鬧鐵唔響嘅 ?! 之後到佢鬧鐘響啦但好奇怪大家都校 7 點㗎噃 ~

我不嬲都無校星期日鬧鐵但里奧大人話校埋啦一陣佢個鬧鐘無響就慘喇 ~

早餐都係食五香肉丁麵雖然公仔麵但爽爽哋好食呀 ~

食完就去里奧大人公司幫手今朝仍然拍住勁哥其實只係一齊吹水所以時間過得好快 ~

見到皇太后我即刻開盒花街呀仲特登揀哂佢鍾意食嗰兩款比哂佢佢好開心同好驚訝話估唔到我會記得佢講過嘅嘢哈哈 ~

上次我講開鍾意買細嘅洋蔥佢即刻話下星期買比我我話唔可以呀再話妳買咗比我我都唔會要㗎下佢成日都係咁㗎一問佢點樣係靚係好 ?! 佢就會去買所以我同里奧大人都唔會講話鍾意食啲咩唔係又 "炸炸弟弟" 買比我哋呢 ~

咁比哂金色比佢佢叫我唔好食咁多甜嘢我話再比其他妳又唔要要幫我食嘛不過佢係都唔要哈哈之後我問勁哥同阿妹佢哋又唔要咁我唯有拎番公司慢慢食啦 ~

今日事奉完就去里奧大人公司拎架戰車去買餸阿妹話唔驚人見到咩 ?! 我話驚咩鬼呀去買餸咋喎同埋買咗唔通唔用咩 ?!

呢架淘寶買盛惠人仔 111

放哂所有嘢落車真係好方便依家真係拎唔到咁多嘢喇雖然每袋唔係重但加加埋埋就好重咁囉如果買埋生果就更重疫情嘅時候我每次去街市都買1x 磅嘢因為唔敢日日去過咗幾年時間體力真係大不如前加上之前網球手痛到我死死下真係唔敢一次買咁多但依家有戰車就可以喇哈哈

里奧大人話起碼 2 點先放工我話無問題啦我都要 2 點先番到屋企 ~

番到屋企即開機洗衫之後就沖涼再預備午餐 ~

里奧大人 2 點幾番到屋企佢問有得食未 ?! 我話整好哂啦所以佢食完先沖涼 ~

尋日食剩嘅午餐今日直接放入焗爐焗熱就搞掂今日食先知啲辣椒原來好辣呀

再整熱綠豆沙我覺得熱好食過凍

我叫里奧大人幫我洗架戰車碌呀因為我買嘅時候講過佢幫我洗碌先買嚟用哈哈 ~

里奧大人 3 點幾瞓晏覺我就睇 Youtube 不過 4 點 15 分左右瞓着咗瞓咗 20 分鐘都醒喇之後就好精神感恩感恩 ~

今晚打邊爐所以唔駛點樣預備只係煲咗白蘿蔔水咁樣湯底應該可能會甜啲哈哈 ~

6 點 20 分都可以開餐算係好快㗎喇 ~

洗埋碗就即沖涼今晚又可以同里奧大人一齊睇 "思家大戰" 開心開心 ~

睇完就再一齊網上敬拜之後又睇 SPY X FAMILY ~

咁再打下機又同里奧大人傾下偈奇怪點解越傾越眼瞓咁原來已經 11 點 10 分喇 ~

2023年11月25日星期六

客家原味粉 @ 紅磡 ( 25-NOV-2023 )

薑汁豬潤麵 ($44) - 我一定食豬潤補血加上我又唔會整豬潤就更加要食

豬潤份量都好多呀最正係無腥味同埋都好鮮嫩因為我有時食到嘅係硬崩崩咁今次連里奧大人都食咗幾件呀

魚球肉丸米線 ($48) - 里奧大人唔鍾意食鯪魚球佢好怕腥但呢間嘅鯪魚球令佢改觀因為鯪魚球唔腥同埋好滑

( 25-NOV-2023 SAT )

今朝 7 點唔夠就起身諗住 20 分鐘後有車但原來係半個鐘咁無問題啦我可以慢慢沖涼洗頭嘻嘻 ~

我多數上車就 Whatsapp 家姐之後佢打比我話電話打唔通嘅 ?! 我話啱啱先記得取消飛線咋佢話以為唔小心 Block 咗我電話號碼所以打唔通呀因為佢之前 Block 咗糟糟電話號碼就係咁 ~

又拎一大袋嘢比家姐所以里奧大人知道我次次買嘢都會預埋比家姐呢

初初諗住陪 Berry 再去食早餐後尾家姐話一齊飲茶啦因為佢知我想食沙爹牛麵嘛同埋我一定要飲咖啡咁我話有無得飲咖啡㗎先 ?! 佢笑住話有呀咁我就去飲茶啦 ~

鴛鴦燒賣皇 & 皇牌咸肉粽 ($46) - 我成日話好想食干蒸牛肉所以佢哋要叫呢個鴛鴦

唔想食炸兩咁食粽啦蘸沙糖好食呀

煎蛋牛肉飯 & 鴛鴦臘腸包 ($40) - 姐夫鍾意食牛肉飯所以我哋比哂佢食我哋留肚食第啲呵呵

家姐就話叫個臘腸包試下但臘腸係碎上我哋係想食一條嘅臘腸囉

沙律明蝦角 ($34) - 新鮮熱辣好味呀但食完個鼻哥窿好慶啦

醬重蒸鳳爪 ($28) - 家姐好搞笑由未落單到落單都係咁講話要食鳳爪因為我平時無得食哈哈

潮州粉果 ($24) - 呢個都好味道我鍾意水晶皮

凍咖啡 ($10) - 無味嘅

一齊食下傾下之後姐夫講咗一件事令我非常非常感動連家姐都和應先搞笑 ~

咁走嘅時候家姐已經拎定銀包又話簽卡又剩不過佢見唔到張以為唔知擺咗喺邊我話張單喺我裙袋度今餐我請其實我都大個女啦真係唔係一定要大嘅請囉同埋家姐成日買咁多嘢比我基本上我係賺咗添呀哈哈 ~

姐夫一陣同工人去買餸再約咗朋友出街所以我同家姐都番屋企先 lu ~

Berry 又只係撲我家姐話工人最開心因為佢最鍾意 Berry 唔鍾意家姐話上次叫家姐拖住 Berry 行前工人喺後面行睇下 Berry 會唔會望後面喎 ~

上次萬寧做雙 11 優惠叫家姐幫我買㗎 Cream ($99/樽再減 11%) & 牙膏 ($46.9/支第 2 件半價再減 11%) 洗衣珠就係買牙膏 2 支送 1 包買滿 $149 就送刀套裝咁我仲叫家姐幫我買藥因為千幾蚊我一定要比佢話要好似養媽咪咁養我話藥錢唔會收我話我其實無散紙咁啱尾數 $15 無得比咁當妳比咗藥錢啦哈哈