歡樂桶 (外賣) ( 4-NOV-2023 )

樂脆雞 9 件 ($140)   食剩 3 件就留番聽晚再食

食店用紙杯裝住肉汁   里奧大人以為係飲品   我就自己整酸瓜 + 漢堡包醬   食炸雞真係要食啲酸青瓜消滯

( 4-NOV-2023  SAT )

尋晚瞓得都唔錯   其實鬧鐘響之前都醒咗   因為係咁發夢呀 ~

臨醒個夢係去 Jusco   最勁係坐過山車先去到   坐嘅全部都係阿婆   之後我就叫里奧大人番屋企先   我要去 Jusco 買餸   番屋企嘅時候又見到阿妹   因為落雨我開遮   點知把遮比風吹到難咗   其實仲有其他夢   不過唔記得 ~

今朝叫里奧大人買早餐   我鬧鐵響佢就即起身刷牙沖涼   我話熄冷氣   佢話唔好呀   驚我瞓緊會焗   但其實我都係遲 5 分鐘起身囉   笑死 ~

早餐食豬扒麵餐   里奧大人本身話買多份餐蛋治   我話唔駛呀   一個麵餐 Share 已經好飽 ~ 

菇場無咩人番   同阿花傾咗 20 分鐘先開工 ~

11 點開始忙呀   好在 12 點幾做哂咋 ~

放工即走   今日去睇中醫   感恩坐陣就有得睇 ~

醫師話我個人好濕同埋個脈好沉   咁我都講話呢排成日凍飲囉   一係就經期前個人都會好濕   之後話開啲補腎嘅中藥   我問點解 ?!   佢話我要補氣 ~

比完錢就見到里奧大人喺門口   佢又係話今次咁快睇完嘅   哈哈 ~

里奧大人話去黃埔食午餐   我話想同佢去沙縣特色小吃   依家 2 點就無咩人實在太好   因為頭先係坐滿㗎   可能係 Lunch Time 關係呢 ~

里奧大人影比家姐睇   話下次帶佢嚟食   如果好食嘅話   哈哈哈哈

酸辣粉 ($38) - 一般啦

招牌蒸餃 ($35) - 我好鍾意食蒸餃   因為啲皮會煙韌啲㗎   呢間蒸餃都唔錯   有啲紅蘿蔔粒   口感就豐富好多啦

炸雲吞 ($20/小份) - 好想食炸嘢   所以叫嚟食

食完又行一陣   感覺好似同里奧大人去旅行咁   因為佢依家成日要做功課   所以唔想阻住佢嘛   難得佢話今日可以行陣   咁就周圍行下先 ~

紅豆砵仔糕 ($4)   好似 $15/4 個   我話唔知好唔好食 ?!   里奧大人話買 1 個咪得囉   又係喎   呢個味道唔錯同埋好多紅豆   不過今日唔想食咁多   所以唔買番屋企喇   真係好少同里奧大人企喺街度食嘢   感覺好似去咗旅行咁   哈哈

喺大孖醬園買樽辣腐乳   再經過惠康就去買藍莓   但得另一個牌子   仲要好整齊好多盒   我話無人買嘅 ?!   里奧大人話可能啱啱開箱呢   比佢咁講完就即買 2 盒   哈哈   之後我話買完即試 1 粒   佢話 1 粒試唔到啲咩㗎喎   我話每人試 5 粒咪得囉   佢話咁都食咗半盒啦   番屋企先試啦   同埋又無洗唔敢食呀   哈哈 ~

最後去 Jolibee 買埋晚餐都番屋企 lu   今日好熱咁呀   所以番到屋企都要即沖涼呀 ~

抖陣就熨衫   再打陣機   差唔多 4 點 15 分開始靈修   今日覺得自己好乖呀   靈修到 6 點 ~

今晚晚餐只係焗熱啲炸雞   所以間唔中都想食下外賣   可以比自己抖下 ~

食完就做陣小清潔   之後沖埋涼就熨衫 ~

打陣機又睇下 Youtube   本來想早啲瞓   不過食咗中藥   所以今晚差唔多 11 點先瞓 ~