家姐話妳唔係鍾意一齊影哂咩 ?! 佢咁講 我就影張全家福啦 哈哈 今餐樣樣都鍾意食呀 開心開心
東星斑 - 家姐知我唔會蒸新鮮魚 所以叫姐夫買條魚 佢就買條東星斑喇 呢條好似接近 $130 我幾乎食哂成條呀 因為佢哋唔會食 點都留比我食咁囉
釀豆卜 - 好辣呀 因為工人煎完尖椒再煎豆卜
釀尖椒 - 家姐記得我上次講想食煎釀 所以今次整 其實我無諗過咁快又去家姐屋企食飯嘛 同埋依家都唔會講話想食咩飲咩 唔想佢哋特登去買
家姐話買唔到乳豬 所以喺一木買燒鵝 呢度係上裝 好似 $130 擺咗成個鐘 但鵝皮都好脆喎 依家覺得燒鵝真係好食過燒鴨 但價錢就貴 Double 哈哈
西洋菜豬骨生魚湯 - 我好鍾意飲西洋菜 但就唔敢煲呢
工人比呢碗湯比我飲 我話都無湯嘅 哈哈 今晚都唔駛特登整菜 咁樣仲好啦 食埋哂啲菜好過浪費嘛
( 10-NOV-2023 FRI )
尋晚好好瞓呀 今朝鬧鐘響嘅時候 我仲以為係咩嘢音樂聲添 ~
早餐食菠蘿油 我係突然間想搽牛油 點知里奧大人話前幾日都想食菠蘿油 但驚我要整好麻煩就唔講 所以佢今朝有得食就好開心 哈哈 ~
菇場唔忙 但 11 點就開始好忙呀 ~
Lunch Time 出去行陣 見到 360 買任何貨品就可以加 $25 有 5 條即食蟹柳 所以我即買盒沙甸魚仔 咁可以比蟹柳比家姐 之後我再買包銀鱈魚絲 再買 5 條蟹柳比自己 咁又用咗一百蚊 所以我一定要番工賺錢 哈哈 ~
買完去食牛筋米 之後又再行陣先番菇場 ~
個姿勢咁似跳水嘅
仍然忙呀 忙到 4 點左右先搞掂 ~
放工即走 今晚里奧大人約咗媚媚 菜仔同文西喺尖沙咀食飯 所以我就去家姐屋企食飯喇 開心開心 ~
去到家姐屋企 Berry 追住嚟撲我 真係好鬼得意 ~
周身 R 但滴完頸就要等幾日先可以沖涼
聞緊零食
打喊露
唔耐煩 ?!
咁樣望人就最得意
佢真係好鍾意食呢款牛肉零食
我坐喺梳化再餵佢 佢一路食一路流口水
我 "dup" 低頭同 Berry 影相 之後工人問我飲唔飲湯 ?! 咁啱家姐又喺 Cam 叫 Berry 出嚟 真係駛唔駛咁啱呀 哈哈
同佢自拍 佢個樣衰到不得了 哈哈哈哈
正想飲湯 但 Berry 坐喺我隔離
隻手仔仲按住我條裙 我點捨得走開呀
到我坐喺度飲湯 Berry 係咁望實我 家姐話佢係等緊食豬肉
咁我都要灘凍先比佢食嘛 佢就瞓住等
之後又係咁望住我
佢個眼神話我知 可唔可以快手啲呀 ?!
好在佢係慢慢食 唔係手指都比佢咬斷 哈哈
家姐 7 點半番到屋企 可以開餐喇 ~
食完又傾偈啦 去家姐屋企真係最舒服 食飽咩都唔駛做 我覺得超級嘆呢 ~
糟糟送咗呢隻公仔比 Berry 咬 家姐話 Berry 好鍾意咬 依家唔咬本身咬開嗰啲 咁我初初聽到家姐同 Berry 講話綠公仔呢 ?! 我以為家姐想帶佢落街搵 "老公仔" 哈哈
家姐同事嘅手信 佢又比我食
抖陣就同埋家姐 工人一齊帶 Berry 行街 其實食完飯散步真係唔錯 ~
Berry 無啦啦好大聲吠個姨姨 仲想撲埋去 家姐同姨姨都好愕然呀 平時姨姨帶住隻狗又唔會咁 可能姨姨手捧住個紙皮盒 Berry 驚啦 虛張聲勢無鬼用 ~
工人同 Berry 行先 咁我同家姐喱埋 Berry 唔見我哋已經企定定 之後再向我哋方向跑 好似搵我哋咁 ~
之後家姐一路行一路叫 Berry 但 Berry 係向前係咁跑 真正係越叫越走呀 搞笑 ~
行行下 家姐話見到工人個朋友 佢係咁同家姐講 "些些" 原來佢 10 月生日 所以家姐比咗生日利是比佢 怪唔得頭先係咁講些些啦 不過佢身世都好慘 下次我買嘢食都會買埋比佢 等佢有啲溫暖 知道有人關心佢呢 ~
之後再係咁行啦 見到個好高嘅鬼佬同隻超級細隻嘅狗散步 隻狗仔走過嚟聞我同家姐 鬼佬話隻狗仔見到人就 So Happy 之後我諗住問隻狗幾歲 ?! 佢突然用廣東話講話隻狗見到人就好開心 再話隻狗仔已經 2 歲 但真係好細隻超級得意呀 ~
番到屋企又傾下偈 我差唔多 10 點先走 ~
家姐送我搭車 佢問駛唔駛叫埋 Berry 一齊送 ?! 我話唔駛啦 送完我快啲番屋企沖涼休息好過 ~
差唔多 11 點先番到屋企 里奧大人就 11 點 20 分番到屋企 佢都唔知我咁夜番㗎 呵呵 ~
今晚又食又拎
呢個好味呀 家姐話見到包裝係我最鍾意食嘅脆脆 所以買包比我 不過我話同工人 Share 唔想一次食咁多嘛
抖多陣 我 11 點 45 分都自己瞓覺先喇 ~
沒有留言:
發佈留言