Foodeli @ 九龍灣 ( 9-JAN-2026 )

@ 山城小麵

粉麵單人餐 (麻辣雞絲涼麵 (中辣) / 生燜五花腩 / 熱蜂蜜柚子茶) ($72) - 越食越辣   但覺得好正呀   哈哈   五花腩又燜得好入味   呢個套餐真係唔錯呀

@ 銀咖哩

照燒雞肉咖哩飯 ($53) - 里奧大人本身想食台灣鹽酥雞飯   不過驚熱氣就轉去買咖哩飯呢

( 9-JAN-2026  FRI )

尋晚瞓得麻麻哋   今朝鬧鐘響想繼續瞓   反正里奧大人晏啲番工   我都係自己食早餐   點知里奧大人話起咗身陪我出去食早餐   我以為佢食完就番屋企   之後佢話食完都番工   留番下星期二先補假 ~

我覺得芝士要溶哂先好味道

食完去里奧大人公司坐陣先番工   星期五要比自己開心一下   哈哈 ~

菇場忙咗一陣   之後又要整啲煩嘢   好在小說幫手   所以好快搞掂喇 ~

Lunch Time 蒸完飯就出去一田行下   行夠半個鐘就番菇場開餐 lu ~

唔忙又做自己嘢   今晚放工同里奧大人坐同一班車去九龍灣   因為我膝頭哥仲有啲痛   要去睇醫生呀 ~

咁我都遲咗去到   但好感恩下個就到我睇呢 ~

醫生話我半月板有啲退化   好在佢教我做啲咩運動   咁我都要聽話做喇 ~

姑娘叫名拎藥   我即刻行過去   佢叫我唔好咁大力起身啦   腳痛要慢慢吖嘛   之後走嘅時候   另一個姑娘又好開心同我講拜拜   其實呢班姑娘都識咗起碼 15 年   嗰時我成日經痛要睇醫生嘛   所以一打去掛號就知我係邊個呢 ~

睇完就去德福 Foodeli 食嘢   好感恩又有卡位坐呀 ~

就係見到呢份晚餐   搞到我就想食五花腩   哈哈

食到差唔多 7 點   咁就行下德福啦   差唔多 7 點 50 分就番到教會喇 ~

今年會開始再番小組   感覺親切得嚟又有啲陌生   但其實好多都成日崇拜見到嘅   只係有幾個係新加入   之後 ML 再講開我同里奧大人之前係 LT 組   即係元老級組員   真係唔講都唔記得添   哈哈 ~

10 點結束聚會   又同 ML 傾下偈   我話番小組係好開心但可惜 Ivy 已經唔喺度   希望我哋個個人都可以盡快適應啦 ~

感恩 8 分鐘後有車   因為走咗班車又要等 20 分鐘㗎 ~

番到屋企又開機洗衫   之後沖涼休息 ~

睇下 Youtube 又同群組傾多陣偈   差唔多 12 點 15 分先瞓呀 ~