打邊爐 @ 教友屋企 ( 28-FEB-2026 )

準備開餐

另一邊

慢活組係竹蔗茅根馬蹄湯底   快活組就係蕃茄豆腐湯底

姊姊 A 包嘅芹菜豬肉餃同韭菜豬肉餃   佢哋一家三口包咗 11 盒餃子   每盒 20 隻   皮薄餡靚   個個都話好好食呀

姊姊 R 整嘅碎雞件   姊妹 J 話啲雞好滑   不過我無食到呀

蜆同蠔好似有幾碟   因為姊妹 L 不斷拎食物上枱   有啲未食完就 Refill   所以我都影唔切呀

脆肉鯇

蝦

響鈴 / 金菇 / 杏鮑菇 / 蝦滑 / 墨魚滑 / 粟米 / 炸魚皮

仲有 4 斤生菜同西洋菜   姊妹 L 拎樽腐乳比我哋蘸   初初無咩人話要   之後佢講話係非遺   個個就爭住要   真係笑死   不過食落嘅口感同味道又真係同平時食開嘅唔同呢

我哋食哂肥牛   姊妹 L 話再比啲好嘅牛肉我哋食   咁出面個袋係紅色嘅   弟兄 A 話佢只係換咗個袋之嘛   哈哈   好鬼衰呀   原來牛小排已經加到 $198/磅   我睇佢買嘅份量都起碼有 5 磅呀

( 28-FEB-2026  SAT )

感恩一瞓天光呀   不過仲係有啲攰 ~

今朝同里奧大人去買早餐   買完就去佢公司   咁就可以慢慢嘆喇 ~

菇場唔忙呀   溫總同阿齋都問我做咩唔放埋今日   我話半日好易過   唔想嘥半日假   哈哈 ~

又可以做自己嘢到放工 ~

睇嚟今日都落足全日雨   所以好似陰陰涼涼咁   但其實好潮濕   最驚呢啲天氣   個人特別攰咁㗎 ~

我同里奧大人都未餓   所以差唔多 2 點 45 分先去食下午茶 ~

常餐 (茄牛米線 + 玉桂焦糖多士 + 熱飲 $33) - 呢個下午茶真係超級抵   同埋份量都唔少

食唔哂玉桂焦糖多士呀   要留番聽日食喇

食完都番屋企抖下   里奧大人沖埋涼就瞓晏覺   我又唔係咁眼瞓   但就唔想郁   哈哈 ~

4 點半出發去九龍灣   今晚小組團拜   好感恩今晚里奧大人番早   如果唔係就嚟唔到㗎喇 ~

去到 ML 屋企樓下見到 F 兩公婆   咁可以一齊上去喇 ~

J 兩公婆 + JO 兩公婆 + A 兩公婆打緊奉獻牌   JA 兩公婆都到咗   之後細老闆嚟咗   咁坐隔離就一齊傾偈啦   里奧大人就同 A 傾偈   好難得咁樣坐埋一齊傾偈呢 ~

弟兄 A 拎咗支紅酒一齊飲   不過個木塞只係抽咗一半   好在最後都抽哂出嚟

仲有好多零食   不過我無影到

姊妹 J 喺帝苑買嘅馬蹄糕   仲有姊妹 L 整咗海帶湯同羅漢果茶

傾傾下偈   弟兄 JA 喺群組問係咪 XX ?!   我哋話係 XX 呀   最搞笑係屋主無講邊度囉   只係講幾座幾室   可能佢覺得個個都知佢住邊呀   咁我問佢有無去錯 ?!   弟兄 A 話就算去咗都唔話你知啦   哈哈 ~

T 兩公婆都嚟埋   我話人齊可以開餐啦   之後個個一齊話 TT 未到呀   居然唔記得 TT   我即刻話 TT 係喺我心中   哈哈   無耐 TT 都嚟埋   真係可以開得餐喇 ~

初初諗住一路食一路等㗎   因為有啲弟兄姊妹未咁早到   但感恩 6 點半都齊哂人呢 ~

弟兄 AS + J + JA + ML + Jack 係快活組   姊妹 J 坐正中間就最好囉   可以兩邊食   哈哈 ~

我哋嘅鍋比較慢   所以我話呢邊係慢活   另一邊個爐真係好快熱㗎   佢哋真係密密食   我哋仲搞笑   換咗 3 個鍋呀   弟兄 A 話可能啲水未滾就落餃子   因為次次都係餃子皮黐底呀 ~

個個見到個鍋無嘢就會落咁啲嘢   ML 想直接倒盒豆腐落鍋   我同 TT 即刻用手檔住呀   佢哋話我哋反應好快   我話梗係啦   彈到塊臉好痛㗎 ~

細老闆話睇我 FB   好多時都啲嘢食都係家姐比   姊妹 J 話仲有朋友比呀   佢話成日會睇我寫啲咩   又話我煮嘢好叻   我話我煮嘅嘢非常簡單   弟兄 A 先係高手啦   個個都話佢煮黃金蝦好食呀 ~

唔知邊個話如果客廳飯廳各一張枱打邊爐就可以鬆動啲   但 ML 想坐哂一邊就方便傾偈   之後 A 話要換張 6 人梳化啦   再話要換埋個爐   仲要換多個大雪櫃   話比半年時間比佢   我哋半年後再嚟 Check 下   哈哈 ~

食完都差唔多 8 點半   之後經文分享完就玩遊戲喇 ~

玩 7 字拍   里奧大人 27 拍完就到我拍   J 即刻指住我大聲叫呀   我話咩呀   我啱呀   之後大家一齊話佢做咩隊人呀   佢要拎盒餃子番屋企呀   哈哈 ~

本身有個捉蟲遊戲   但大家左加手好唔協調   所以要放棄 ~

姊妹 G 話玩獎門人個遊戲啦   佢係第一個講食物   之後我係第 3 個講   但話我量數唔啱   咁我即刻話我唔識玩呀   另一邊開始玩先啦   所以我變咗第 19 個玩   大把時間我諗呀   但真係拍到大脾痛   哈哈 ~

有弟兄玩得叻少少   姊妹 R 就話可以去日間老人院   再隔多幾個玩就變咗暫託   之後到我哋呢邊玩直頭話老人院都唔收呀   真係笑到大家肚痛   一路玩一路笑到唔知自己講咩   仲話玩一轉已經要成個鐘呀   哈哈哈哈 ~

弟兄 JA 要番工要 9 點走   不過我同里奧大人玩到 9 點 15 分都走喇   佢聽日要開會有嘢要預備   所以唔想咁遲走呢 ~

今次重新番小組   成員已經有變動   4 對夫婦走咗但有 4 夫婦入嚟   人數係同以前一樣   感恩大家都傾得埋   始終小組生活都好緊要   大家可以互相扶持呢 ~

番到屋企都 10 點   開埋機洗衫先沖涼 ~

今晚真係辛苦哂 ML 兩公婆   又買又洗   清潔完都 11 點幾 ~

里奧大人 11 點瞓覺   我仍然係興奮狀態   差唔多 12 點先瞓呀 ~

海南雞招牌手工麵 (鮮番茄濃湯底 & 喇沙湯底) (外賣) ( 24-FEB-2026 )

( 24-FEB-2026  TUE )

感恩一覺瞓天光呀   始終食咗藥   個人係比較攰啲 ~

今朝同里奧大人出去食早餐   食完就去佢公司坐陣先番工 ~

菇場忙呀   忙到 Lunch Time ~

今日唔周圍行喇   直接去買兩餸飯   之後聽到有人同我講嘢   原來係肥仔豪   佢話好少同我一齊喺度買飯   我話因為唔想食麵忍唔住落辣椒油   所以先買飯食咋 ~

蘿蔔牛腩拚京都骨   味道唔錯喎

我一坐低   溫總同阿齋特登嚟睇我食咩餸   佢哋好難想像我食兩餸飯   仲要無周圍行就番嚟食   哈哈 ~

唔忙就做自己嘢   所以好快放工 ~

放工即走   今晚有課程簡介會   所以買晚餐番屋企食喇 ~

食完抖陣就要出去   感恩今晚都精神   因為頭先食咗藥好驚眼瞓呀 ~

8 點幾散會   番到屋企即開機洗衫   之後沖涼休息喇 ~

同里奧大人一齊睇 "非常檢控觀"   睇到 11 點半都瞓覺 lu ~

乾炒叉燒意粉 + 迷你福建飯 (外賣) ( 23-FEB-2026 )

份量真係好多   所以里奧大人可以帶埋飯

( 23-FEB-2026  MON )

感恩瞓得都唔錯   但個人仲有啲唔舒服   雖然有流鼻水同有痰   不過都想番工   如果一陣再唔舒服先請病假 ~

早餐食甜餐包搽花生醬   完全係無味道添 ~

菇場忙呀   好在忙到 10 點半就搞掂 ~

開始周身骨痛   喉嚨唔痛但吞口水有困難   感覺好似腫咗咁   所以下午都請病假   咁啱西瓜同 BG 又唔喺公司   好在有睇到我請假訊息咋   因為佢唔批就唔敢請假嘛 ~

放工即走   去到診所   姑娘一出嚟見到我   就好開心笑住話 "X小姐   新年快樂呀"   估唔到佢咁有記性   哈哈 ~

今日診所好多人   等到 12 點 25 分先有得睇呀 ~

我同醫生講話吞口水好困難   佢笑住話做人真係好困難喇   哈哈   醫生今日心情好好咁噃 ~

拎埋藥就開巴士 Apps   巴士 1 分鐘就到   真係時間啱啱好   感恩感恩 ~

番到屋企即刻蒸蘿蔔糕   搞掂就沖涼喇 ~

1 點半食午餐   里奧大人今日同水姑去整嘢   差唔多 1 點 45 分就番到屋企   佢一入屋就叫我開冷氣   因為我之前焗親呢 ~

蒸都幾好食   不過食埋今次   今年應該唔想再食糕喇   哈哈

食完藥真係好眼瞓   3 點瞓到 5 點 10 分呀 ~

今晚唔煮喇   同埋我都唔想出去   所以叫里奧大人去買外賣喇 ~

6 點唔夠就開餐   食完就即刻點食藥   一食完隔半個鐘就開始眼瞓   不過我唔瞓喇   唔係一陣 10 點食藥就好難瞓到㗎   同埋瞓得太多會腰骨痛囉 ~

等埋里奧大人熨完衫就一齊睇 "非常檢控觀"   睇咗 3 集   睇到 10 點半都瞓 lu ~

臘味蘿蔔糕 ( 22-FEB-2026 )

( 22-FEB-2026  SUN ) 

今朝覺得唔係咁舒服   所以都唔同里奧大人食早餐喇   最邪係諗住今日去探婆婆嘛   好在無約大食表妹咋 ~

一瞓就瞓到 9 點 52 分   個人叫好啲但仍然好攰 ~

早餐食蛋糕   因為唔想落去買麵包呀 ~

食完即刻食藥   今次食醫生開嘅傷風藥   所以食完會好眼瞓   哈哈 ~

一路中眼瞓一路睇 Youtube   其實都唔知道有無瞓到 ~

里奧大人 2 點放工   之後買下午茶番屋企一齊食 ~

尋晚食剩嘅薯條   今日要食埋去喇

食完又睇下 Youtube   食咗藥真係好眼瞓   所以 3 點半瞓到 5 點 50 分呀   感恩瞓醒好精神   可以煎糕做晚餐呀 ~

奇華嘅臘味蘿蔔糕

是日晚餐 - 臘味蘿蔔糕

臘味蘿蔔糕 - 估唔到又幾好味喎   話哂都有蘿蔔條   唔係全部都係粉呢 ~

洗埋碗就沖涼   之後同里奧大人睇 "中年好聲音 4" ~

今晚 10 點都瞓覺喇   食完西藥個人真係好散呢 ~

譚仔雲南米線 @ 紅磡 ( 21-FEB-2026 )

六小碟 - 四川青椒皮蛋 / 蒜泥青瓜 / 涼拌香茜爽脆魚皮 / 川辣黑柏葉 / 柚子貴妃耳 / 麻辣豬耳 ($30)

過橋米線 (重慶三小辣湯底) ($60)

茉香柚子茶 ($14)

( 21-FEB-2026  SAT ) 

感恩一覺瞓天光呀   瞓到 7 點 40 分鬧鐘響 ~

沖埋涼就去買麵包   因為尋晚買唔切呀   買咗 2 個餐蛋包做大家嘅早餐   今朝可以食完抖陣先番工呢 ~

菇場忙呀   忙到 11 點 ~

放工買埋午餐就去里奧大人公司   食完就要同黑珍珠傾啲嘢   傾咗個半鐘就搞掂 ~

台灣鹽酥雞便當 & 百芳豬扒便當

水姑只係要蝴蝶酥   但因為係杏仁條同蝴蝶酥先有盒   所以我將兩樣分開   杏仁條就請里奧大人同事食   估唔到清得哂   哈哈

我要去里奧大人公司整啲嘢   搞掂又已經 6 點   我要去番崇拜喇 ~

崇拜完畢就去等里奧大人放工   今晚好想食熱嘢   所以去食米線呀 ~

食完都番屋企 lu   開埋機洗衫就沖涼休息喇 ~

同里奧大人一齊睇 "青年旅舍"   但睇睇下覺得屋企好焗   之後鼻到塞埋   千奇唔好傷風呀 ~

今晚睇到 10 點 15 分都瞓喇   因為開始有啲唔舒服咁 ~

黃金脆薯牛堡套餐 (外賣) ( 20-FEB-2026 )

( 20-FEB-2026  FRI )

感恩一覺瞓天光呀   新一年新開始   要精神爽利呀   哈哈 ~

早餐食尋朝食剩嘅牛油多士   我再搽花生醬就變為油醬多喇 ~

菇場唔忙啦   BG 話晏晝去飲茶同埋放 3 點   真係勁開心呀 ~

開工利是加西瓜嘅利是   大豐收

派完利是又影大合照   之後就去飲茶 lu ~

船頭同阿齋負責剔點心紙   其他同事話想食咩   我都話好   之後阿齋即刻話我次次都係咁   我話人哋話食咪叫囉 ~

我哋個個都好鍾意食釀青椒

總共叫咗 26 樣點心   咁見啲同事無咩點食黃金鍋巴   阿後問好唔好食   我即刻話好食呀   叫佢食多啲   之後隔離枱嘅西瓜問係咩來 ?!   我話好味㗎   拎去食啦   成功將碟鍋巴比佢哋食   哈哈

12 點飲到 1 點 20 分   番到菇場都係做下自己嘢 ~

 

西瓜話 3 日假期無出過街   阿輸問點解 ?!   佢話好多人去佢屋企拜年   阿輸話坐定定等人嚟拜年都好吖   西瓜笑住話好忙㗎   之後阿爽話佢不知幾想出去   哈哈 ~

3 點食乳豬   食到 3 點 40 分就走 lu ~

船頭負責揸刀搵食   哈哈

里奧大人熨完衫就去做機   佢仲以為我已經番到屋企   哈哈 ~

今晚里奧大人要開夜   佢 5 點就要番公司   咁我都同佢一齊番去喇   反正一陣都要去買晚餐 ~

去到見到小米   同佢傾到唔停到口呀   所以里奧大人好醒目   自己去麥當勞買晚餐喇 ~

食完又繼續傾到 9 點半呀   連里奧大人都話傾咁耐   哈哈 ~

小米話要回番 Starbucks 咖啡劵   因為上次里奧大人請食午餐呀   最搞笑係里奧大人出去買晚餐嘅時候   小米突然指住我   話見到妳就啱   我有嘢想比妳

睇 "青年旅舍"   終於睇到 22 集   其實我鍾意睇 2 集一個故事呢啲   咁樣隔得太耐無睇都唔會話唔記得劇情   哈哈 ~

睇到 11 點都要瞓喇   始終唔想成日咁夜瞓呢 ~

滷水鵝 + 炸豬扒 + 蕃茄焗豬扒飯 + 唐生菜 ( 19-FEB-2026 年初三 )

( 19-FEB-2026  THU 年初三 )

今朝瞓到 10 點 15 分呀   梳洗完就去食早餐喇 ~

里奧大人食完早餐要番公司處理 Urgent 嘢   咁我又做下大清潔喇 ~

搞掂就沖涼休息   今朝晏起身   所以好快又到 1 點咁 ~

差唔多 3 點半就同里奧大人食午餐   之後佢要再番公司做多半個鐘就可以番屋企喇 ~

黃金脆薯牛堡套餐 (扭扭薯條+草莓乳酸味特飲) + 親子會生日禮遇 (麥炸雞配芬達) + 

會員生日專享 (士多啤梨新地)

睇 Youtube 睇到好攰   但又唔想瞓喎   里奧大人差唔多 5 點就番到屋企   之後一齊睇 "青年旅舍"   但睇到 6 點都要停喇   因為我要預備晚餐呀 ~

是日晚餐 - 滷水鵝 + 炸豬扒 + 蕃茄焗豬扒飯 + 唐生菜

滷水鵝 - 都係尋晚食剩   我最鍾意食鵝掌翼呢 ~

炸豬扒 - 尋晚無食到   所以又拎啲番嚟食喇 ~

蕃茄焗豬扒飯 - 尋晚食唔哂   里奧大人又鍾意食   所以就拎啲番屋企食喇 ~

唐生菜 - 終於清哂   不過之前剩番都好嘅   咁唔駛特登去買菜   哈哈 ~

洗埋碗就開機洗衫   之後同里奧大人睇 "青年旅舍"   睇到 12 點先瞓呀 ~