避風塘炒蜆 - 好味呀 同埋都幾辣
琵琶豆腐 ($78) - 里奧大人話好耐無食呢個餸 我成日記錯咗係紅燒豆腐呀 呢個都好食 最鍾意食啲外脆內軟嘅食物 哈哈
蒜蓉蒸開邊蝦 ($198) - 肉質彈牙 就咁蒜蓉粉絲都好好食呢
韭菜豬紅 ($58) - CC 話食 咁當然叫啦 我話里奧大人唔陪我食㗎 依家有人陪就最好 哈哈
煎蠔餅 ($98) - 啲蠔都好大隻
合興小炒王 ($118) - CC 話再叫多個餸 咁我話叫呢個喇 不過食唔哂呀
藍妹啤酒 X 3 ($32/大支) - 今晚我都飲啤酒喇
花生都好味道
( 14-FEB-2026 SAT )
感恩一覺瞓天光呀 瞓到 7 點 25 分 懶床到鬧鐘響先起身呢 ~
今朝同里奧大人出去食早餐 食完就去佢公司坐陣先番工 ~
菇場唔忙 都係做自己嘢 咁就好快放工 ~
諗住去一田買嘢 不過無收鑊就番屋企 lu ~
好想食腸粉燒賣 所以叫里奧大人買番屋企食喇 ~
食完就抖下 之後就同阿妹交收豆沙角 ~
因為不嬲都係我同阿妹講交收日子嘅 所以里奧大人唔知我聽朝比豆沙角比家姐 佢同阿妹講話聽日交收都無問題 嚇到我即刻直接同阿妹傾呀 ~
估唔到阿妹咁樣答 哈哈
去到就見到叻叻 佢叫我入去 Pantry 原來係比禮物比我 ~
叻叻夾咗幾個盲盒 本來仲比個公仔裝飾比我 不過我話真係唔要喇
咁啱阿妹打比叻叻 我就即刻問佢喺邊 ?! 佢話依家過緊嚟 之後傾咗一陣都走喇 ~
番到屋企就熨 2 機衫 今日真係好熱 最後都要開冷氣呀 ~
叻叻幫我拆出嚟睇 佢仲緊張過我 哈哈
1 磅豆沙角
同家姐 Share
之前買咗 3 包糖同家姐 Share
里奧大人瞓到 4 點 抖咗一陣就去做機 之後番到屋企就洗窗簾 ~
等佢沖埋涼 搞到我都想沖涼 所以本身啲時間好鬆動都變咗唔鬆動 哈哈 ~
6 點搭車去啟業 但我哋早到咗 所以去攞位先 CC 同兔兔 6 點半就到喇 ~
CC 喺 1 月 4 日已經約我哋呢日食飯 慶祝情人節同埋預祝我生日 感恩里奧大人今日番早 咁先可以喺呢日食晚飯呢 CC 話今次係第 2 次一齊慶祝情人節 我話記得對上一次喺官塘嘅酒樓食飯呀 ~
講番以前班同事 因為係得我同其他同事有聯絡咋 里奧大人話我哋同過 AK 一齊出嚟玩添 我同 CC 都無印象 咁我同 AK 又會兩個一齊去玩 有次同佢去買袋 估唔到佢朋友係我中學同學 ~
里奧大人仲經典 佢朋友有新同事入職 佢朋友同個新同事傾偈 先發覺大家都識里奧大人 之後約埋一齊去我哋屋企打牌呀 哈哈 ~
講開同事 其實我都好感恩嘅 因為依家嘅朋友係由同事演變為朋友 做同事係日見夜見 有啲仲會係有接觸 所以我覺得可以好睇清楚一個人㗎 不過做咗咁多年人 真係覺得以前嘅同事真係純真好多 我哋男男女女有咩都會講 唔會收收埋埋咁㗎 感恩大家到依家都係一樣 有啲唔係成日見 但 Whatsapp 傾開都會覺得好自在 唔會話無話題咁囉 ~
上次同家姐講話同 CC 去旅行 佢話去得旅行都係好朋友啦 咁有次我同 CC 講話一齊去旅行真係好開心 佢話好朋友一齊去旅行梗開心啦 講嘅嘢係一樣 哈哈 ~
以前我同 CC 每年一定會去買衫 後尾改為食飯 之後有時會加埋里奧大人同兔兔 CC 仲記得第一次 4 人行係打邊爐 我話係去 MEGAbox 嘛 佢話我好記性 我話記埋呢啲咪叻囉 讀書咁叻就好喇 哈哈 ~
傾旅行啲搞笑嘢 又講番起拱橋 兔兔話佢呢間有得做㗎 之後 CC 就話兔兔上次旅行都有做啦 唔明點解成日話自己無做 所以兔兔又係好鬼搞笑 ~
兔兔介紹咗佢按開嘅店舖比我哋 我問兔兔駛唔駛換衫 ?! 佢答我有洗手間 CC 笑住話答番人哋正題先 哈哈 佢叫里奧大人買 40 個鐘 話每次 8 個鐘 里奧大人話兩個人點按 8 個鐘呀 CC 話要 6 手按摩 ?! 咁樣計鐘數會快啲用哂 哈哈 ~
講開之後去邊度旅行 CC 話依家天氣反常 所以真係好難預測 好似我哋之前去黃山咁 不過佢反而話陰天仲好 望落去無咁驚 ~
兔兔特登買咗啲笑口棗同角仔比我哋 我就買咗 2 盒曲奇餅比佢哋 里奧大人就拎咗揮春比佢哋 好似交換禮物咁 哈哈 ~
9 點 15 分走喇 兔兔去埋單 佢話職員寫咗蒸蝦係 $298 之後老闆行過去話 $198 我同 CC 同一時間同一語氣問佢有無拎番錢 ?! 因為兔兔成日咩都無所謂㗎 所以我哋去旅行嘅時候會跟得佢好緊 唔係佢會貴一貴都買㗎 哈哈 ~
佢哋搭車番屋企 我哋就要去舖頭拎啲嘢先番屋企呢 ~
番到屋企即刻沖涼 我覺得今日好似夏天咁呀 要開陣冷氣先無咁熱 ~
我真係食唔到咁多呀 所以每樣比一半比家姐
睇多陣 Youtube 今晚 11 點 15 分先瞓呀 ~
沒有留言:
發佈留言