遇見小麵 @ 官塘 ( 8-FEB-2026 )

蔥油拌麵套餐 ($29) - 我轉咗秘製脆皮半隻雞 (+$7)   咁可以同里奧大人 Share 食   蔥油拌麵都好食呀   我鍾意食乾撈但里奧大人就唔鍾意食

麻辣小麵 (套餐) + 安格斯牛肉串 ($36) - 雖然係下午茶   但其實同晚餐份量一樣咁多

細細粒嘅牛肉串

琥珀冰粉真係好好食   所以第時去遇見小麵都係想食碗冰粉先嚟   哈哈

( 8-FEB-2026  SUN )

今朝同里奧大人一齊食早餐   因為我要食飽啲   咁先有力氣做家務呀 ~

我哋食唔哂炒蛋同餐包   所以我留番做午餐喇

番到屋企即刻執嘢   終於又執好哂啲櫃桶   最開心係無嘢要掉呀   但就要快手食咁啲嘢囉   哈哈 ~

執完就熨 3 機衫   之後再執好個衣櫃   呢樣係最花時間 ~

搞掂哂就開始有啲攰同有啲餓   之後望個鐘已經係 12 點 15 分   原來一口氣做咗 4 個鐘喇   所以真係要沖涼抖抖了 ~

里奧大人今日 Lunch Meeting   我就食埋今朝剩嘅炒蛋同餐包就可以 ~

啲蛋無咩味嘅   不過我又懶得落胡椒粉

食完嘢就休息下先   之後里奧大人 1 點 45 分打嚟話水姑有嘢比我哋   咁即落樓同佢交收啦   諗住叫佢上嚟屋企坐   但原來佢好餓要去食午餐   咁我唔陪佢喇 ~

我哋仲有樽花生醬未開嚟食   水姑話里奧大人唔鍾意食粗粒   所以特登買 Smooth   又比埋罐頭吞拿魚同三文魚   之後再拎埋袋車厘子   我估都有幾磅呀

差唔多 2 點半就到里奧大人公司等佢放工   估唔到水姑都到咗   佢同阿妹傾緊偈   之得我早啲過去啦   哈哈 ~

等咗里奧大人一陣就出去官塘搞啲嘢   差唔多搞到 5 點 ~

水姑約咗姑奶打邊爐   不過我話好攰唔去喇   我哋送完佢搭車就周圍行下先 ~

經過遇見小麵   我話下午茶好抵食   所以里奧大人就話去食喇 ~

等咗好耐   不過咁都好㗎   太早食驚夜晚會餓嘛   哈哈 ~

食完都已經 6 點 20 分   所以都搭巴士番屋企喇 ~

沖埋涼就一齊睇 "中年好聲音 4"   睇完再睇其他啦   原來 9 點半做 "臥底旅行團之鬼打鬼搶錢大作戰"   不過今晚都唔睇住喇   等聽朝錄完先一齊睇呢 ~

里奧大人 10 點 15 分瞓覺   我就繼續睇 Youtube   睇到 10 點 50 分先瞓 ~